完整藏文原文 · 德格版页 当前仅加载第 75 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
མང་པོ་དག་དེས་འདྲེན་པར་འགྱུར་བར་ཐུགས་སུ་ཆུད་ནས། བཅོམ་ལྡན་འདས་ཀྱིས་བཀའ་སྩལ་པ། བུ་མོ་སོང་ལ་འཁོར་རྣམས་ཀྱང་ལྟོས་ཤིག །དེ་ནས་བུ་མོ་འོད་བཟང་མ་རྒྱལ་བུ་རྒྱལ་བྱེད་ཀྱི་ཚལ་ནས་བྱུང་སྟེ་མང་པོ་འདུས་པའི་ནང་དུ་སོང་བ་དང་། དེར་སོ་སོ་ནས་བསམས་པ།
D343.075.0190b01.01འདི་མཐུས་དབྲོག་པར་བྱའོ་སྙམ་སྟེ། དེ་དག་གིས་དེ་བཟུང་བར་བྱས་སོ། །དེ་ནས་བུ་མོ་འོད་བཟང་མ་དེ་དག་གིས་བསྙགས་པ་དང་། ངང་པའི་རྒྱལ་པོ་འདབ་མ་བརྐྱང་བ་བཞིན་དུ་ནམ་མཁའ་ལ་མངོན་པར་འཕགས་ཏེ་ཆོ་འཕྲུལ་རྣམ་པ་སྣ་ཚོགས་བསྟན་ཏོ། །སོ་སོའི་སྐྱེ་བོ་རྣམས་ནི་རྫུ་
D343.075.0190b02.01འཕྲུལ་གྱིས་མྱུར་དུ་དད་པར་བྱེད་དེ་དེ་ནས་དེ་དག་གིས་ལྷ་དང་མི་རྣམས་དད་པར་བྱེད་པའི་ཆོ་འཕྲུལ་དེ་མཐོང་ངོ་། །མཐོང་ནས་ཀྱང་སྤུ་ཟིང་ཞེས་བྱས་ནས་སྡོང་པོ་རྩ་བ་ནས་བཅད་པ་བཞིན་དུ་རྐང་པ་ལ་ཕྱག་འཚལ་ནས་གསོལ་བ་བཏབ་པ། སྲུ་མར་སྤྱོན་མར་སྤྱོན་ཁྱོད་ཀྱིས་ཆོས་འདི་ལྟ་བུ་དག་
D343.075.0190b03.01མངོན་སུམ་དུ་བྱས་པ་ལས་ན། ཁྱོད་འདོད་པ་སྤྱོད་པ་འདི་ནི་མི་སྲིད་དོ་ཞེས་བྱས་སོ། །དེ་ནས་བུ་མོ་འོད་བཟང་མ་ནམ་མཁའ་ལས་བབས་ནས་སྐྱེ་བོ་ཕལ་པོ་ཆེའི་གུང་ལ་འདུག་སྟེ། གང་ཐོས་པས་སྲོག་ཆགས་འབུམ་ཕྲག་དུ་མས་བདེན་པ་མཐོང་བར་འགྱུར་བ་དེ་ལྟ་བུའི་ཆོས་བསྟན་ཏོ། །དེ་ནས་
D343.075.0190b04.01བཅོམ་ལྡན་འདས་ཀྱིས་དེ་སྐྱེ་དགུའི་བདག་མོ་ཆེན་མོ་ལ་གཏད་དེ་དེས་དེ་རབ་ཏུ་ཕྱུང་སྟེ་བསྙེན་པར་རྫོགས་པར་བྱས་སོ། །དེ་ནས་དེས་བརྩོན་པ་དང་། བསྒྲུབ་པ་དང་། འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་གཡོ་ཞིང་མི་བརྟན་པར་རིག་ནས་འདུ་བྱེད་ཀྱི་རྣམ་པ་ཐམས་ཅད་སྙིལ་
D343.075.0190b05.01བ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པའི་ཆོས་ཅན་ཡིན་པར་རྩད་ཆོད་དེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བར་གྱུར་ནས་གསེར་དང་བོང་བར་མཉམ་པ།
D343.075.0190b06.01ནམ་མཁའ་དང་ལག་མཐིལ་དུ་འདྲ་བའི་སེམས་དང་ལྡན་པ། ཙན་དན་སྦངས་པ་ལྟ་བུར་བསིལ་བར་གྱུར་པ་རིག་པས་སྒོ་ངའི་སྦུབས་བཅོམ་པ། རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་པ། སྲིད་པའི་རྙེད་པ་དང་ཆགས་པ་དང་བཀུར་སྟི་ལ་མི་ལྟ་བ། དབང་པོ་དང་ཉེ་
D343.075.0190b07.01