完整藏文原文 · 德格版页 当前仅加载第 75 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་བྱས་ནས། དེ་ན་དགེ་བསྙེན་བདེན་པ་མཐོང་བ་འཁོད་པ་དེ་དག་ངུ་སྟེ། ཀྱི་ཧུད་འདི་ལྟར་སངས་རྒྱས་བཅོམ་ལྡན་འདས་འབྱུང་བ། ཨུ་དུམ་བ་རའི་མེ་ཏོག་ལྟར་དཀོན་པ་དང་ཕྲད་ཀྱང་། དེ་བསྟེན་ཀྱང་མ་ནུས་པ་ལས་ན། རྒྱལ་པོའི་ཁབ་ཀྱི་གྲོང་
D343.075.0047a01.01ཁྱེར་གྱི་མི་རྣམས་མགོན་མེད་པར་གྱུར་ཏོ་ཞེས་འཛེར་ཏོ། །ཚིག་དེ་ཉིད་ཐོར་དགེ་སློང་དག་གིས་ཐོས་སོ། །དེ་ནས་ཚེ་དང་ལྡན་པ་ཀུན་དགའ་བོས་ཇི་སྐད་ཐོས་པ་བཞིན་དུ། བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་འདི་
D343.075.0047a02.01ལ་དེ་བཞིན་གཤེགས་པ་ཉིད་དུས་མཁྱེན་གྱིས་ཁྱོད་སྙིང་མ་ཆུང་ཤིག །གཞན་ཡང་ངའི་བསྟན་པ་ཇི་སྲིད་ཡོད་ཀྱི་བར་དུ་ཡང་། ཉན་ཐོས་རྣམས་ཀྱི་ཡོ་བྱད་མེད་པར་མི་འགྱུར་ན། ད་ལྟར་ལྟ་ཅི་སྨོས། དེའི་སྐབས་སུ་ལྷའི་དབང་པོ་བརྒྱ་བྱིན་ནི་འོག་མ་ལ་ཤེས་པའི་མཐོང་
D343.075.0047a03.01བ་འཇུག་སྟེ། དེས་བཅོམ་ལྡན་འདས་ཀྱི་བསྟན་པ་དེ་ལྟ་བུར་གྱུར་པ་མཐོང་ནས། མཐོང་བའི་མོད་ཁོ་ན་ལ་སྦྱིན་བདག་དང་། སྦྱིན་པ་པོ་རྣམས་ཀྱི་སྤྲོ་བ་བསྐྱེད་པ་དང་། སངས་རྒྱས་འབྱུང་བའི་ཆེ་བ་ཉིད་ཡང་དག་པར་བསྟན་པ་དང་། མ་སྐྱེས་དགྲ་དང་ལྷས་བྱིན་གྱི་
D343.075.0047a04.01རྒྱགས་ཤིང་དྲེགས་པ་གཅད་པ་དང་བདག་ཉིད་ཀྱི་དད་པ་བསྟན་པའི་ཕྱིར། རྒྱལ་པོའི་ཁབ་རིལ་གྱིས་འོད་ཆེན་པོས་སྣང་བར་བྱས་ནས་སྐད་པོ་ཆེ་ཕྱུང་སྟེ་བདག་གིས་དེང་ཕན་ཆད། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ། ལྷའི་ན་བཟའ་དང་།
D343.075.0047a05.01ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་ཀྱིས་བསྙེན་བཀུར་བྱའོ་ཞེས་སྨྲས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་
D343.075.0047a06.01འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བདག་གིས་ཇི་སྲིད་འཚོའི་བར་དུ་རྒྱལ་པོའི་ཁབ་ཀྱི་གྲོང་ཁྱེར་འདི་ཉིད་དུ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ། ལྷའི་ན་བཟའ་
D343.075.0047a07.01