完整藏文原文 · 德格版页 当前仅加载第 75 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་རབ་ཏུ་བྱུང་བའི་རྗེས་སུ་རབ་ཏུ་འབྱུང་བར་གནང་བར་མཛད་པའི་རིགས་སོ། །དེ་ནས་དེའི་ཕ་མ་གཉིས་ཀྱིས་མ་གནང་ངོ་། །དེ་ནས་དེ་ཞག་གཅིག་དང་། གཉིས་དང་། གསུམ་ནས་དྲུག་གི་བར་དུ་ཁ་འཚོས་སོ། །དེ་
D343.075.0248a01.01ནས་ཡུལ་འཁོར་སྐྱོང་གི་ཕ་མ་གཉིས་བུ་ཡུལ་འཁོར་སྐྱོང་ག་ལ་བ་དེར་སོང་སྟེ་ཕྱིན་ནས་བུ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །བུ་ཡུལ་འཁོར་སྐྱོང་ཤེས་པར་གྱིས་ཤིག །ཁྱོད་ནི་སྐྱིད་དེ་བར་འདུག་འདུག་པ་བདེ་བ་འདོད་པ་ཡིན་ཏེ། ཁྱོད་ཀྱིས་སྡུག་མ་མྱོང་
D343.075.0248a02.01བ་ཡིན་ལ་ཚངས་པར་སྤྱོད་པ་ནི་སྤྱད་པར་དཀའོ། །དབེན་པར་གནས་པ་ནི་དཀའོ། །གཅིག་པུ་འདུག་པ་ནི་དགའ་བར་བྱ་དཀའོ། །དགོན་པ་དང་། ནགས་ཁུང་དང་། བས་མཐའི་གནས་མལ་དུ་གནས་བཅའ་བ་ནི་ཡིད་ལ་བསམ་པར་ཡང་དཀས། བུ་
D343.075.0248a03.01ཡུལ་འཁོར་སྐྱོང་འདི་ཉིད་དུ་འདུག་ལ་འདོད་པ་རྣམས་ཀྱང་ལོངས་སྤྱད་པར་གྱིས་ཤིག །སྦྱིན་པ་དག་ཀྱང་བྱིན་ཅིག །བསོད་ནམས་དག་ཀྱང་གྱིས་ཤིག་ཅེས་དེ་སྐད་བྱས་ན་ཡང་ཁྱིམ་བདག་གི་བུ་ཡུལ་འཁོར་སྐྱོང་ཅང་མི་ཟེར་རོ། །དེ་ནས་ཁྱིམ་བདག་གི་བུ་ཡུལ་
D343.075.0248a04.01འཁོར་སྐྱོང་གི་ཕ་མ་གཉིས་ཀྱིས་ཉེ་དུ་རྣམས་ལ་བསྐུལ་ཏེ། ཀྱེ་ཉེ་དུ་རྣམས་བུ་ཡུལ་འཁོར་སྐྱོང་སློང་ཤིག་ཅེས་བྱས་སོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་གི་ཉེ་དུ་རྣམས་ཁྱིམ་བདག་གི་བུ་ཡུལ་འཁོར་སྐྱོང་ག་ལ་བ་དེར་དོང་སྟེ་ལྷགས་ནས་ཁྱིམ་བདག་གི་བུ་ཡུལ་
D343.075.0248a05.01འཁོར་སྐྱོང་ལ་འདི་སྐད་ཅེས་སྨྲས་སོ། །བུ་ཡུལ་འཁོར་སྐྱོང་ཤེས་པར་གྱིས་ཤིག །ཁྱོད་ནི་སྐྱིད་དེ་བར་འདུག་འདུག་པ་བདེ་བ་འདོད་པ་ཡིན་ཏེ། ཁྱོད་ནི་སྡུག་མ་མྱོང་བ་ཡིན་ལ་ཚངས་པར་སྤྱོད་པ་ནི་སྤྱད་པར་དཀའོ། །དབེན་པར་གནས་པ་ནི་དཀའོ། །གཅིག་
D343.075.0248a06.01པུ་འདུག་པ་ནི་དགའ་བར་བྱ་དཀའོ། །དགོན་པ་དང་། ནགས་ཁུང་དང་། བས་མཐའི་གནས་མལ་དུ་གནས་བཅའ་བ་ནི་ཡིད་ལ་བསམ་པར་ཡང་དཀས། བུ་ཡུལ་འཁོར་སྐྱོང་ཁྱོད་འདི་ཉིད་དུ་འདུག་ལ་འདོད་པ་རྣམས་ཀྱང་ལོངས་སྤྱད་པར་གྱིས་ཤིག །སྦྱིན་པ་
D343.075.0248a07.01