完整藏文原文 · 德格版页 当前仅加载第 75 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདོད་ཆགས་དང་བྲལ་བ་ལ་འདོད་ཆགས་དང་བྲལ་བའི་ཁམས་ཞེས་བྱའོ། །འདུ་བྱེད་ཐམས་ཅད་འགགས་པ་ལ་འགོག་པའི་ཁམས་ཞེས་བྱའོ། །དེ་ནས་ཚེ་དང་ལྡན་པ་ཀུན་དགའ་བོ་དགེ་སློང་ལྔ་བརྒྱ་པོ་རྣམས་ཀྱིས་བཤད་པ་ལ་མངོན་པར་བསྟོད་དེ་རྗེས་སུ་ཡི་རངས་ནས་
D343.075.0258b01.01བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དགེ་
D343.075.0258b02.01སློང་དགོན་པ་ན་གནས་པ་དང་། ཤིང་དྲུང་ན་གནས་པ་དང་། ཁང་སྟོང་ན་གནས་པས་ཆོས་གང་དག་རྒྱུན་མི་འཆད་པར་ཡིད་ལ་བགྱི། ཀུན་དགའ་བོ་དགེ་སློང་དགོན་པ་ན་གནས་པ་དང་། ཤིང་དྲུང་ན་གནས་པ་དང་། ཁང་སྟོང་ན་གནས་པས་ཆོས་གཉིས་
D343.075.0258b03.01རྒྱུན་མི་འཆད་པར་ཡིད་ལ་བྱ་སྟེ། ཞི་གནས་དང་། ལྷག་མཐོང་ངོ་། །བཙུན་པ་ཞི་གནས་ཀུན་དུ་བསྟེན་ཅིང་བསྒོམས་ཏེ་མང་དུ་བགྱིས་པས་དོན་གང་ཉམས་སུ་མྱོང་བར་འགྱུར་ལགས། ལྷག་མཐོང་ཀུན་ཏུ་བསྟེན་ཅིང་བསྒོམས་ཏེ་མང་དུ་བགྱིས་པས་དོན་གང་ཉམས་
D343.075.0258b04.01སུ་མྱོང་བར་འགྱུར་ལགས། ཀུན་དགའ་བོ་ཞི་གནས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ནི་ལྷག་མཐོང་ལ་བརྟེན་ཏེ་རྣམ་པར་གྲོལ་བར་འགྱུར་རོ། །ལྷག་མཐོང་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་པས་ནི་ཞི་གནས་ལ་བརྟེན་ཏེ་རྣམ་པར་གྲོལ་བར་འགྱུར་རོ། །
D343.075.0258b05.01ཀུན་དགའ་བོ་ཞི་གནས་དང་ལྷག་མཐོང་ཡོངས་སུ་བསྒོམས་པའི་འཕགས་པ་ཉན་ཐོས་ཐོས་པ་དང་ལྡན་པའི་སེམས་ནི་ཁམས་ཀྱི་སྒོ་ནས་རྣམ་པར་གྲོལ་བར་འགྱུར་རོ། །བཙུན་པ་ཁམས་རྣམས་གང་དག་ལགས། ཀུན་དགའ་བོ་སྤོང་བའི་ཁམས་གང་ཡིན་པ་དང་།
D343.075.0258b06.01འདོད་ཆགས་དང་བྲལ་བའི་ཁམས་གང་ཡིན་པ་དང་། འགོག་པའི་ཁམས་གང་ཡིན་པའོ། །བཙུན་པ་གང་སྤངས་པ་ལ་སྤོང་བའི་ཁམས་ཞེས་བགྱི། གང་ལས་འདོད་ཆགས་དང་བྲལ་བ་ལ་འདོད་ཆགས་དང་བྲལ་བའི་ཁམས་ཞེས་བགྱི། གང་འགགས་པ་ལ་
D343.075.0258b07.01