完整藏文原文 · 德格版页 当前仅加载第 75 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་མི་ནུས་སོ། །ལྷས་སྨྲས་པ། གལ་ཏེ་བདག་གིས་བཅོམ་ལྡན་འདས་ཀྱི་ཐད་དུ་ཁྱོད་བཀྲི་ན་ཅི་ཁྱད་པར་ཐོབ་པར་ནུས་སམ། མྱ་ངན་མེད་ཀྱིས་སྨྲས་པ། འདི་ལྟར་བདག་གི་ཡིད་ལ། བཅོམ་ལྡན་འདས་མཐོང་མ་ཐག་ཏུ་ཁྱད་པར་ཐོབ་
D343.075.0116a01.01པར་འགྱུར་རོ་སྙམ་བྱེད་དོ། །དེ་ནས་ལྷས་རྫུ་འཕྲུལ་གྱི་མཐུས། མྱ་ངན་མེད་བཅོམ་ལྡན་འདས་ཀྱི་ཐད་དུ་ཁྱེར་ཏེ། དེས་བཅོམ་ལྡན་འདས་མཐོང་ནས་དགའ་བ་སྐྱེས་སོ། །དགའ་བ་སྐྱེས་ནས་བཅོམ་ལྡན་འདས་འོད་སྲུང་གིས་གང་ཐོས་པས་དགྲ་བཅོམ་པ་ཉིད་མངོན་སུམ་
D343.075.0116a02.01དུ་བྱེད་པར་འགྱུར་བ་དེ་ལྟ་བུའི་ཆོས་བསྟན་ནས། དགྲ་བཅོམ་པ་ཉིད་མངོན་སུམ་དུ་བྱས་ཏེ། ཐོག་མ་ཁོ་ནར་ཚེ་དང་ལྡན་པ་མྱ་ངན་མེད་ཡོངས་སུ་མྱ་ངན་ལས་འདས་ནས་དེའི་འོག་ཏུ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་ཡོངས་སུ་མྱ་ངན་ལས་འདས་སོ། །
D343.075.0116a03.01དེ་ནས་ལྷ་དེས་ཚེ་དང་ལྡན་པ་མྱ་ངན་མེད་ཡོངས་སུ་མྱ་ངན་ལས་འདས་པ་མཐོང་ནས་དགའ་བ་སྐྱེད་དེ། ཚེ་དང་ལྡན་པ་འདིས་ཁྱད་པར་ཅི་ཐོབ་པ་ཐམས་ཅད་ནི་བདག་ལས་བསྟན་པ་ཡིན་གྱིས་བདག་ཀྱང་འདི་བཞིན་དུ་མ་འོངས་པའི་དུས་ན། བཅོམ་ལྡན་འདས་ཡང་དག་པར་རྫོགས་
D343.075.0116a04.01པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ། བྲམ་ཟེའི་ཁྱེའུ་ཁྱོད་སྐྱེ་དགུའི་ཚེ་ལོ་བརྒྱ་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེ། གཟིམས་མལ་གྱི་ཐ་མར་ཞུགས་པ་ན་
D343.075.0116a05.01བདག་ཀྱང་དེའི་མངོན་སུམ་གྱི་ཉན་ཐོས་ཀྱི་ཐ་མར་གྱུར་ཏེ། བཅོམ་ལྡན་འདས་ཀྱི་སྔ་རོལ་ཏུ་ཡོངས་སུ་མྱ་ངན་ལས་འདས་ནས་དེའི་འོག་ཏུ་བཅོམ་ལྡན་འདས་ཤཱཀྱ་ཐུབ་པ་ཡོངས་སུ་མྱ་ངན་ལས་འདའ་བར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་
D343.075.0116a06.01དུས་ན་ལྷར་གྱུར་པ་གང་ཡིན་པ་དེ་ནི་རབ་བཟང་འདི་ཡིན་ནོ། །དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ། དགེ་བའི་བཤེས་གཉེན་དང་དགེ་བའི་གྲོགས་པོ་དང་དགེ་བའི་རྟེན་དང་གནས་པར་བྱའི་སྡིག་པའི་བཤེས་གཉེན་དང་སྡིག་པའི་གྲོགས་པོ་དང་སྡིག་པའི་རྟེན་
D343.075.0116a07.01