完整藏文原文 · 德格版页 当前仅加载第 75 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྲས་ཡོག་པ་ལྟོ་ནི་རི་ཙམ་ལ་ཁ་ནི་ཁབ་ཀྱི་མིག་ཙམ་སྟེ། དུར་ཁྲོད་བཞིན་དུ་དྲི་ང་བ་ཁྭ་དང་བྱ་རྒོད་དང་ཁྱི་དང་ཝ་རྣམས་ཀྱིས་བསྐོར་ནས་ཕྱོགས་ཀུན་ནས་ཤ་བཅད་ཅིང་བཅད་ཅིང་ཟ་བ་དང་། དེ་གནད་ལ་བབ་སྟེ་དཀོས་ཐག་ནས་ཉམ་ཐག་པའི་སྐད་འབྱིན་ཏེ། སྡུག་བསྔལ་
D343.075.0128b01.01དྲག་པ་དང་མི་བཟད་པ་དང་། ཚ་བ་དང་། ཡིད་དུ་མི་འོང་བ་མྱོང་ཞིང་འདུག་པ་ཞིག་མཐོང་ངོ་། །དེ་ནས་ཚེ་དང་ལྡན་པ་དགའ་བྱེད་མི་དགའ་བར་གྱུར་ནས་དྲིས་པ། སྲིང་མོ་ཁྱོད་ཀྱིས་སྔོན་སྡིག་པའི་ལས་ཅི་ཞིག་བྱས་ན་དེས་འདི་ལྟ་བུའི་སྡུག་བསྔལ་མྱོང་ཞིང་འདུག །{ཡི་དགས་,ཡི་དྭགས་}
D343.075.0128b02.01མོས་སྨྲས་པ། ཉི་མ་ཤར་བ་ན་སྒྲོན་མ་མི་དགོས་ཀྱིས། བཅོམ་ལྡན་འདས་ལ་དོན་འདི་ཞུས་ཤིག་དང་དེ་ཁྱོད་ལ་བདག་གི་ལས་ཀྱི་རྣམ་པ་ལུང་སྟོན་པར་འགྱུར་ཏེ། དེ་ཐོས་ན་སེམས་ཅན་གཞན་དག་ཀྱང་སྡིག་པ་སྤོང་བར་འགྱུར་རོ། །དེ་ནས་ཚེ་དང་ལྡན་པ་དགའ་བྱེད་བཅོམ་
D343.075.0128b03.01ལྡན་འདས་ག་ལ་བ་དེར་སོང་ངོ་། །དེའི་ཚེ་བཅོམ་ལྡན་འདས་ནང་དུ་ཡང་དག་འཇོག་ལས་བཞེངས་ནས། འཁོར་བཞི་པོ་རྣམས་ལ་སྦྲང་བུའི་སྦྲང་རྩི་མ་བསྐོལ་བ་དང་འདྲ་བའི་ཆོས་རོ་དང་ལྡན་ནོ་ཅོག་སྟོན་ཏེ་འཁོར་བརྒྱ་ཕྲག་དུ་མ་ཡང་དབང་པོ་རྣམས་མི་གཡོ་བར་བཅོམ་ལྡན་འདས་ལས་
D343.075.0128b04.01ཆོས་རོ་དང་ལྡན་ནོ་ཅོག་ཉན་པར་བྱེད་དོ། །དེ་ནས་སངས་རྒྱས་བཅོམ་ལྡན་འདས་རྣམས་ནི་གསོང་པོར་གསུང་བ་སྙན་པར་གསུང་བ་ཚུར་ཤོག་འོངས་པ་ལེགས་ས་ཞེས་གསུང་བ་སྔར་འཛུམ་པ་ཡིན་ཏེ། དེར་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བྱེད་ལ་འདི་སྐད་ཅེས་བཀའ་སྩལ་ཏོ། །
D343.075.0128b05.01དགའ་བྱེད་ཚུར་ཤོག་ཁྱོད་འོངས་པ་ལེགས་སོ། །ཁྱོད་ད་གཟོད་ག་ལས་འོངས། དགའ་བྱེད་ཀྱིས་གསོལ་པ། བཙུན་པ་བདག་ནི་{ཡི་དགས་,ཡི་དྭགས་}རྒྱུ་བའི་ནང་ནས་མཆིས་ཏེ། དེར་བདག་གིས་{ཡི་དགས་,ཡི་དྭགས་}མོ་སྡོང་དུམ་མེ་རེག་འདྲ་ལ་དམུས་ལོང་དུ་མཆིས་པ་རང་གི་སྐྲས་ཡོག་པ། ལྟོ་ནི་
D343.075.0128b06.01རི་ཙམ་ལ་ཁ་ནི་ཁབ་ཀྱི་མིག་ཙམ་སྟེ། དུར་ཁྲོད་བཞིན་དུ་དྲི་ང་བ་ཁྭ་དང་བྱ་རྒོད་དང་ཁྱི་དང་ཝ་རྣམས་ཀྱིས་བསྐོར་ནས་ཕྱོགས་ཀུན་ནས་ཤ་བཀུམ་ཞིང་བཀུམ་ཞིང་འཚལ་བ་དང་། དེ་གནད་ལ་བབ་སྟེ་དཀོས་ཐག་ནས་ཉམ་ཐག་པའི་སྐད་འབྱིན་ཏེ། སྡུག་བསྔལ་དྲག་པ་དང་མི་བཟད་པ་དང་ཚ་བ་དང་ཡིད་དུ་མི་
D343.075.0128b07.01