完整藏文原文 · 德格版页 当前仅加载第 75 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྣམ་པར་སྨིན་པ་དང་ལྡན་པ། ཕྱི་མ་ལ་སྐྱེ་བ་དང་རྒ་ཤིར་འགྱུར་བ་རྣམས་དང་མ་འདྲེས་པ་ཡིན་ཏེ། དེའི་ནི་དོན་ཆེན་པོ་ཡང་ཡོངས་སུ་རྫོགས་པར་འགྱུར་རོ། །དགེ་སློང་དག་འདི་ལྟ་སྟེ། སྟོན་པ་ཡང་མངོན་སུམ་དུ་བཞུགས་ལ་ཆོས་
D343.075.0242a01.01ཀྱང་སྟོན་ཏེ་ཉེ་བར་ཞི་བར་བྱེད་པ། ཡོངས་སུ་མྱ་ངན་ལས་འདའ་བར་བྱེད་པ། རྫོགས་པའི་བྱང་ཆུབ་ཏུ་འགྲོ་བར་བྱེད་པ། བདེ་བར་གཤེགས་པས་གསུངས་པའི་གསུང་རབ་འདི་ནི་སྙིང་ཁུ་བཏུང་བར་འོས་པ་ཡིན་ནོ། །དགེ་སློང་དག་དེ་བས་ན་བདག་གི་དོན་དང་།
D343.075.0242a02.01གཞན་གྱི་དོན་དང་། གཉི་གའི་དོན་ཡང་དག་པར་མཐོང་བ་རྣམས་ཀྱིས་ནི་འདི་ལ་སོ་སོ་ནས་ལེགས་པར་བསླབ་པར་བྱ་སྟེ། ཇི་ལྟར་བྱས་ན་བདག་ཅག་རབ་ཏུ་བྱུང་བ་དོན་ཡོད་པ་དང་། འབྲས་བུ་དང་བཅས་པ་དང་། བདེ་བ་སྐྱེད་པ་དང་། བདེ་བའི་རྣམ་པར་སྨིན་པར་
D343.075.0242a03.01འགྱུར་ལ། གང་དག་གི་གོས་དང་། ཟས་དང་། མལ་ཆ་དང་། སྟན་དང་། ནད་གསོས་དང་། སྨན་ཟོང་རྣམས་བདག་ཅག་གིས་ལོངས་སྤྱོད་པ་དེ་དག་གི་བཀུར་སྟི་དེ་དག་ཀྱང་ཇི་ལྟར་བྱས་ན་འབྲས་བུ་ཤིན་ཏུ་ཆེ་བ་དང་། ཕན་ཡོན་ཆེ་བ་དང་། བྱིན་ཆེ་བ་དང་། རྒྱ་
D343.075.0242a04.01ཆེ་བར་འགྱུར་བ་ཞིག་གུ་སྙམ་དུ་དགེ་སློང་ཁྱེད་ཀྱིས་དེ་ལྟར་བསླབ་པར་བྱའོ། །ཆོས་ཀྱི་རྣམ་གྲངས་འདི་བཤད་པ་ན་རྒྱལ་པོ་ཀ་པི་ན་ཆེན་པོ་བློན་པོ་ཁྲི་བརྒྱད་སྟོང་གི་འཁོར་དང་བཅས་པས་འཇིག་ཚོགས་ལ་ལྟ་བའི་རིའི་རྩེ་མོ་མཐོན་པོ་ཉི་ཤུ་ཡེ་ཤེས་རྡོ་རྗེས་བཅོམ་ནས་རྒྱུན་དུ་ཞུགས་པའི་
D343.075.0242a05.01འབྲས་བུ་མངོན་སུམ་དུ་བྱས་ཏེ། བདེན་པ་མཐོང་ནས་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ། དེས་བརྩོན་པ་དང་། བསྒྲུབ་པ་དང་། འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་གཡོ་ཞིང་མི་བརྟན་པར་རིག་ནས་འདུ་བྱེད་ཀྱི་རྣམ་པ་ཐམས་
D343.075.0242a06.01ཅད་སྙིལ་བ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པའི་ཆོས་ཅན་ཡིན་པར་རྩད་ཆོད་དེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བར་གྱུར་
D343.075.0242a07.01