完整藏文原文 · 德格版页 当前仅加载第 75 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
དངུལ་གྱི་ཚོང་པ་ཕྲག་དོག་གི་རང་བཞིན་ཅན་དག་གིས་ཁྱེའུ་དེ་གནས་ཐམས་ཅད་ཀྱི་ཉོ་ཚོང་གི་རྒྱུས་ཤེས་པར་རིག་ནས་སྨྲས་པ། མཛའ་བོའི་བུ་མོ་ཁྱོད་ཀྱི་ཕ་ནི་རྒྱ་མཚོ་ཆེན་པོའི་ཚོང་པ་བྱེད་བྱེད་ན། ཅི་ཁྱོད་ལ་ཆོས་མ་ཡིན་པའི་འཚོ་བ་འདི་ཅི་དགོས་ཁྱོད་སུས་
D343.075.0100a01.01སེམས་ཅན་ངན་པའི་ཉོ་ཚོང་གི་ལས་བྱེད་དུ་བཅུག་ཅེས་བྱས་སོ། །དེ་ནས་དེ་གསེར་དངུལ་གྱི་ཚོང་པའི་ཚིག་གིས་བསྐུལ་ནས་མའི་ཐད་དུ་སོང་སྟེ་སྨྲས་པ། ཡུམ་བདག་གི་ཕ་སྔོན་རྒྱ་མཚོ་ཆེན་པོའི་ཚོང་པ་བྱེད་བྱེད་ཅེས་དེ་སྐད་གྲགས་པས། བདག་ཀྱང་རྒྱ་མཚོ་ཆེན་པོའི་ནང་དུ་མཆི་
D343.075.0100a02.01འཚལ་གྱིས་གནང་བར་མཛོད་ཅིག །མས་སྨྲས་པ་བུ་གཅིག་དེ་ནི་བདེན་མོད་ཀྱི། འོན་ཀྱང་ཁྱོད་བྱིས་པ་ཡིན་ལ་བུ་གཅིག་པ་ཡང་ཡིན་གྱིས་ང་བོར་ཏེ་རྒྱ་མཚོ་ཆེན་པོའི་ནང་དུ་མ་འགྲོ་ཤིག །དེ་ནས་དེ་མི་དགེ་བའི་བཤེས་གཉེན་ཕྲག་དོག་གི་རང་བཞིན་ཅན་དག་གིས་བྲིད་པས་ལྡོག་ཏུ་
D343.075.0100a03.01མ་བཏུབ་ནས། དེས་མའི་ཚིག་མ་མཉན་ཏེ་གྲོང་ཁྱེར་བཱ་རཱ་ཎ་སཱིར་དྲིལ་བསྒྲགས་ནས། ཀྱེ་བཱ་རཱ་ཎ་སཱི་ན་གནས་པའི་ཚོང་པ་རྣམས་ཁྱེད་ཉོན་ཅིག །དེད་དཔོན་མཛའ་བོའི་བུ་མོ་རྒྱ་མཚོ་ཆེན་པོའི་ནང་དུ་འགྲོ་བར་ཆད་ཀྱིས་ཁྱེད་ཀྱི་ནང་ནས་དེད་དཔོན་མཛའ་བོའི་བུ་མོ་དང་ལྷན་ཅིག་ཏུ་ཤོ་
D343.075.0100a04.01གམ་མི་དགོས་པ་དང་ལ་གཅན་གྱི་བཙས་མི་དགོས་པ་དང་གྲུ་བཙས་མི་དགོས་པར་རྒྱ་མཚོ་ཆེན་པོའི་ནང་དུ་འགྲོ་འདོད་པ་དེ་དག་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་གྱིས་ཤིག་ཅེས་བྱས་ནས་དགེ་མཚན་དང་བཀྲ་ཤིས་དང་བདེ་ལེགས་སུ་འགྱུར་བ་རྣམས་བྱས་ཏེ། གཡོག་
D343.075.0100a05.01འཁོར་ཚོང་པ་ལྔ་བརྒྱ་དང་ལྷན་ཅིག་ཆས་ཏེ། ཤིང་རྟ་དང་། ཁུར་དང་། སྒྱེ་དང་། སྐོན་པ་དང་། རྔ་མོ་དང་། བ་ལང་དང་། བོང་བུ་དག་གིས་རྒྱ་མཚོ་ཆེན་པོར་འགྲོ་བའི་ཟོང་བསྐྱས་སོ། །དེའི་མ་ནི་སྙིང་བྱམས་པས་ཅི་བྱ་གཏོལ་མེད་ནས་མཆི་མ་འཛག་ཅིང་ངུ་བཞིན་ཕྱུང་སྟེ་རྐང་པ་
D343.075.0100a06.01ལ་འཇུས་ནས་བུ་གཅིག་ང་བོར་ཏེ་རྒྱ་མཚོ་ཆེན་པོའི་ནང་དུ་མ་འགྲོ་ཤིག་ཅེས་བྱས་སོ། །དེ་ལྟར་སྙིང་རྗེ་རྗེ་སྐད་ཟེར་ཞིང་སྡུག་སྡུག་སྐད་ཟེར་ལ་གཏི་ཞིང་སྨྲེ་བའི་སྐད་ཕྱུང་ཡང་དེས་བརྟུལ་ཏེ་མའི་མགོ་བོ་ལ་རྡོག་པས་བསྣུན་ནས་འགྲོན་པོ་རྣམས་དང་ཆས་སོ། །དེ་ནས་མས་སྨྲས་པ།
D343.075.0100a07.01