完整藏文原文 · 德格版页 当前仅加载第 75 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེ་ཙོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ་བཙུན་པ་གསུས་པོ་ཆེས་ལས་གང་དག་བགྱིས་ན་དེས་གཞུང་གི་སྨྲ་བ་ཆེན་པོར་གྱུར་ལ། རབ་ཏུ་བྱུང་ནས་ཀྱང་དགྲ་བཅོམ་པ་ཉིད་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ།
D343.075.0282b01.01གསུས་པོ་ཆེ་ཉིད་ཀྱིས་སྔོན་ཚེ་རབས་གཞན་དག་ཏུ་ཚོགས་རྙེད་ཅིང་རྐྱེན་གྲུབ་པ་དང་ལྡན་ཏེ་དབའ་རྒལ་བཞིན་དུ་འབྱུང་ལ། གདོན་མི་ཟ་བར་འོང་བའི་ལས་དེ་དག་བྱས་ཤིང་བསགས་པས་ན། གསུས་པོ་ཆེ་ཉིད་ཀྱིས་ལས་བྱས་ཤིང་བསགས་པ་དེ་དག་གཞན་སུ་ཞིག་གིས་ཉམས་
D343.075.0282b02.01སུ་མྱོང་བར་འགྱུར་ཏེ། དགེ་སློང་དག་ལས་བྱས་ཤིང་བསགས་པ་རྣམས་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་དང་། མེའི་ཁམས་དང་། རླུང་གི་ཁམས་ལ་རྣམ་པར་སྨིན་པར་མི་འགྱུར་ཏེ། ལས་དགེ་བ་དང་མི་དགེ་བ་བྱས་ཤིང་བསགས་
D343.075.0282b03.01པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་འབའ་ཞིག་ལ་རྣམ་པར་སྨིན་པར་འགྱུར་རོ། །ལུས་ཅན་དག་གི་ལས་རྣམས་ནི། །བསྐལ་པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་ཉིད་དུ་སྨིན་པར་འགྱུར། །དགེ་སློང་
D343.075.0282b04.01དག་སྔོན་བྱུང་བ་འདས་པའི་དུས་ན། གྲོང་ཁྱེར་བཱ་རཱ་ཎ་སཱི་ན་སྡེ་དཔོན་ཞིག་ལ་སོགས་པ་མི་རྒོད་ལྔ་བརྒྱ་རྐུན་པོ་ལ་ཆས་སོ། །རེ་ཞིག་ན་དེ་དག་སོང་སོང་བ་དང་། སེང་ལྡེང་གི་ནགས་ཤིག་ཏུ་ཕྱིན་ནས་དེད་དཔོན་གྱིས་སྨྲས་པ་པད་མ་ལྟ་བུའི་མིག་དང་ལྡན་པ་དག་ཁྱེད་ཀྱིས་འདི་ན་
D343.075.0282b05.01གཞན་གྱི་མི་འགའ་ལྟ་ཡོད་དམ་ལྟོས་དང་། དེས་བདག་ཅག་གིས་གནོད་སྦྱིན་ལ་མཆོད་པ་གསོལ་ཏེ་འདོང་ངོ་ཞེས་བྱས་སོ། །དེ་ནས་མི་རྒོད་དེ་དག་འཁོར་འཁོར་ཏེ་སེང་ལྡེང་གི་ནགས་དེ་ན་རང་སངས་རྒྱས་ཤིག་འདུག་པ་དེ་མཐོང་ནས་བཟུང་སྟེ་སྡེ་དཔོན་གྱི་ཐད་དུ་ཁྲིད་དོ། །དེ་ནས་མི་
D343.075.0282b06.01རྒོད་ཀྱི་སྡེ་དཔོན་གྱིས་སོད་ཅིག་ཅེས་བསྒོའོ། །དེ་ནས་རང་སངས་རྒྱས་དེས་དེ་དག་ལ་ཕན་གདགས་པའི་ཕྱིར་ངང་པའི་རྒྱལ་པོ་འདབ་མ་བརྐྱང་བ་བཞིན་དུ་ནམ་མཁའ་ལ་འཕགས་ནས་ཆོ་འཕྲུལ་རྣམ་པ་སྣ་ཚོགས་བསྟན་ཏོ། །དེ་ནས་མི་རྒོད་ཀྱི་སྡེ་དཔོན་སྡོང་པོ་རྩ་བ་ནས་བཅད་པ་
D343.075.0282b07.01