完整藏文原文 · 德格版页 当前仅加载第 75 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དེ། དེ་ནས་སེན་{རིངས་ཀྱི་,རིང་གི་}བློ་སྐྱེས་པ། འདིའི་ལྟོར་སེམས་ཅན་བསོད་ནམས་ཆེ་བར་གྲགས་པ་ཞིག་གིས་ཉིང་མཚམས་སྦྱར་བ་འདྲ་སྟེ་དེའི་མཐུ་ཡིན་གྱིས། མ་ལ་བདག་གིས་སྔ་ནས་ཕྱོགས་འགའ་ཞིག་ལ་བརྟེན་པར་བྱའོ་སྙམ་མོ། །དེ་ནས་སེན་{རིངས་,རིང་}ལྷོ་ཕྱོགས་སུ་སོང་
D343.075.0278b01.01ནས་བསྟན་བཅོས་མང་པོ་བསླབས་སོ། །དེ་ནས་རེ་ཞིག་ན་མཐར་གྱིས་ཤཱ་རིའི་བུ་བཙས་ཏེ། དེས་ལོ་བཅུ་དྲུག་ལོན་པ་དང་། དབང་པོའི་བརྡ་སྤྲོད་པ་ལོབས་ནས་གཞུང་གིས་རྩོད་པ་ཐམས་ཅད་ཚར་བཅད་དོ། །དེ་ནས་དེ་མཐར་གྱིས་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ངོ་། །
D343.075.0278b02.01དེ་ནས་རེ་ཞིག་ན་ཀུན་དུ་རྒྱུ་སེན་{རིངས་ཀྱིས་,རིང་གིས་}མུ་སྟེགས་པ་དེ་དག་ཐམས་ཅད་ཚ་བོས་ཚར་བཅད་ནས་ད་ལྟར་དགེ་སྦྱོང་གཽ་ཏ་མའི་སློབ་མར་ཁས་བླངས་སོ་ཞེས་ཐོས་སོ། །ཐོས་ནས་ཀྱང་དེ་ཤས་ཆེར་ཆད་པའི་འདུ་ཤེས་སྐྱེས་ལ། བསྟན་བཅོས་ཐམས་ཅད་ལ་ཡང་མུ་ཐུག་པ་མེད་པའི་འདུ་
D343.075.0278b03.01ཤེས་སྐྱེས་སོ། །དེ་ནས་མཐར་གྱིས་རྒྱལ་པོའི་ཁབ་ཏུ་ཕྱིན་པ་དང་། དེའི་ཚེ་བཅོམ་ལྡན་འདས་ནང་དུ་ཡང་དག་འཇོག་ལས་བཞེངས་ནས་འཁོར་བཞི་པོ་རྣམས་ལ་སྦྲང་བུའི་སྦྲང་རྩི་མ་བསྐོལ་བ་དང་འདྲ་བའི་ཆོས་རོ་དང་ལྡན་ནོ་ཅོག་སྟོན་ཏོ། །ཤཱ་རིའི་བུ་ཡང་བཅོམ་ལྡན་འདས་ཀྱི་སྤྱན་
D343.075.0278b04.01སྔ་ན་བསིལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་གོ། །དེ་ནས་ཀུན་དུ་རྒྱུ་སེན་{རིངས་,རིང་}བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། ཀུན་དུ་རྒྱུ་སེན་{རིངས་ཀྱིས་,རིང་གིས་}བཅོམ་ལྡན་འདས་ཟླ་བ་ཚེས་པའི་དབྱིབས་ལྟ་བུར་འཁོར་གྱིས་བསྐོར་ཅིང་བཞུགས་ཏེ་ཆོས་སྟོན་པ་
D343.075.0278b05.01དང་ཤཱ་རིའི་བུ་ཡང་བསིལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་པ་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་བདག་ནི་ཐམས་ཅད་མི་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། མེའི་ཆ་ལུགས་
D343.075.0278b06.01ཅན་གྱི་བུ་བདག་ནི་ཐམས་ཅད་མི་འདོད་དོ་ཞེས་ལྟ་བ་གང་ཡིན་པ་འདི་ཡང་ཁྱོད་མི་འདོད་དམ། ཀྱེ་གཽ་ཏ་མ་བདག་ནི་ཐམས་ཅད་མི་འཚལ་ཞེས་བགྱི་བའི་ལྟ་བ་གང་ལགས་པ་འདི་ཡང་བདག་མི་འཚལ་ལོ། །མེའི་ཆ་ལུགས་ཅན་གྱི་བུ་འོ་ན་ནི་ཁྱོད་དེ་ལྟར་ཤེས་ཤིང་དེ་ལྟར་ལྟ་བར་གྱུར་
D343.075.0278b07.01