完整藏文原文 · 德格版页 当前仅加载第 75 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་
D343.075.0041a01.01བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ། རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་
D343.075.0041a02.01ན་རྟེན་ཅིང་བཞུགས་སོ། །དེའི་ཚེ་ཡུལ་འདམ་བུ་ཚལ་གྱི་སྐྱེ་བོ་མང་པོ་ལ་མི་ནད་བྱུང་སྟེ། དེར་སྐྱེ་བོ་ཕལ་པོ་ཆེ་དེ་དག་ནད་ཀྱིས་དཀོས་ཐག་ནས། གུ་ལང་དང་། ཆུ་ལྷ་དང་། ཀུ་བེ་ར་དང་། བརྒྱ་བྱིན་ལ་སོགས་པ་ལྷ་སྟོང་སྙེད་ལ། སོ་སོར་གསོལ་བ་འདེབས་ཀྱང་ཡམས་
D343.075.0041a03.01ཀྱི་ནད་དེ་ཞི་བར་མ་གྱུར་ཏོ། །དེ་ནས་ཡུལ་འདམ་བུ་ཚལ་ན་དགེ་བསྙེན་ཞིག་གནས་པ་དེས། འདམ་བུའི་ཚལ་གྱི་བྲམ་ཟེ་དང་ཁྱིམ་བདག་རྣམས་ལ་འདི་སྐད་ཅེས་སྨྲས་སོ། །ཁྱེད་ཚུར་ཤེག་སངས་རྒྱས་ལ་སྐྱབས་སུ་སོང་ལ། བཅོམ་ལྡན་འདས་དེ་འདིར་གཤེགས་པར་གསོལ་ཏེ།
D343.075.0041a04.01བཅོམ་ལྡན་འདས་ཀྱིས་ཅི་ནས་ཚེགས་ཆུང་ངུས་ཡམས་ཀྱི་ནད་ཞི་བར་མཛད་དུ་གསོལ་ཞེས་ཀྱང་གསོལ་བ་ཐོབ་ཤིག །དེ་ནས་འདམ་བུའི་ཚལ་གྱི་བྲམ་ཟེ་དང་ཁྱིམ་བདག་རྣམས་ཀྱིས། བཅོམ་ལྡན་འདས་ལ་གསོལ་བ་བཏབ་སྟེ། བཅོམ་ལྡན་འདས་འདིར་གཤེགས་ལ། ཕོངས་
D343.075.0041a05.01ཤིང་ཉམ་ཐག་པ་འདི་ལས་ཐར་བར་མཛད་དུ་གསོལ་ཞེས་བྱས་སོ། །དེའི་སྐབས་སུ་སངས་རྒྱས་བཅོམ་ལྡན་འདས་རྣམས་ཀྱིས་ནི་མི་མཁྱེན་པའམ། མི་གཟིགས་པའམ། མི་རྟོགས་པའམ། ཐུགས་སུ་མི་ཆུད་པ་ཅི་ཡང་མེད་ལ། སངས་རྒྱས་བཅོམ་ལྡན་འདས་ཐུགས་རྗེ་ཆེན་
D343.075.0041a06.01པོ་དང་ལྡན་པ། འཇིག་རྟེན་ལ་ཕན་འདོགས་པ་ལ་ཞུགས་པ་སྲུང་བ་གཅིག་པ་དང་ལྡན་པ། གཅིག་ཏུ་དཔའ་བ། ཟླ་མེད་པ་གཉིས་སུ་མི་གསུང་བ། ཞི་གནས་དང་ལྷག་མཐོང་ལ་གནས་པ། རིག་པ་གསུམ་སྣང་བར་མཛད་པ། བསླབ་པ་གསུམ་ལ་ལེགས་པར་བསླབས་པ།
D343.075.0041a07.01