完整藏文原文 · 德格版页 当前仅加载第 75 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཅི་ལས་བཏགས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཉན་པར་འདོད་དམ། གསོལ་པ། བཙུན་པ་ཉན་པར་འཚལ་ལགས་སོ། །བཀའ་སྩལ་པ། དགེ་སློང་དག་འོ་ན་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་
D343.075.0163a01.01བཤད་དོ། །དགེ་སློང་དག་སྔོན་བྱུང་བ་འདས་པའི་དུས་ན། བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།
D343.075.0163a02.01སྐྱེས་བུ་གདུལ་བྱའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་རྟེན་ཅིང་བཞུགས་སོ། །ཕྱིས་རེ་ཞིག་ན་རྒྱལ་པོ་ཀྲྀ་ཀཱི་བཅོམ་ལྡན་
D343.075.0163a03.01འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་སོང་ངོ་། །དེ་ནས་རེ་ཞིག་ན་བྲམ་ཟེ་གཉིས་དྲང་སྲོང་སྨྲ་བར་དོན་ཞིག་ལ་སོང་བ་དང་། དེ་གཉིས་ཀྱིས་རྒྱལ་པོ་དེ་རྒྱལ་པོའི་འབྱོར་པ་ཆེན་པོ་དང་རྒྱལ་པོའི་མཐུ་སྟོབས་དང་ལྡན་པ་མཐོང་ངོ་། །དེ་ནས་དེ་གཉིས་རྒྱལ་སྲིད་ལ་འདོད་པ་སྐྱེས་ནས།
D343.075.0163a04.01དེ་གཉིས་ཀྱིས་དགེ་བསྙེན་ཞིག་ལ་དྲིས་པ། ཀྱེ་སངས་རྒྱས་ཀྱི་དགེ་བསྙེན་ལས་ཅི་ཞིག་བྱས་ན། དེས་ཅི་བསམས་པ་དང་ཅི་འདོད་པ་དེ་དག་ཐམས་ཅད་འགྲུབ་པར་འགྱུར་ཞེས་བྱས་སོ། །དགེ་བསྙེན་གྱིས་སྨྲས་པ། གང་གིས་བསྙེན་གནས་ཡན་ལག་བརྒྱད་པ་ཡོངས་སུ་དག་པར་
D343.075.0163a05.01བསྲུངས་པ་དེའི་ནི་ཅི་བསམས་པ་དང་ཅི་འདོད་པ་དེ་དག་ཐམས་ཅད་འགྲུབ་པར་འགྱུར་རོ་ཞེས་བྱས་སོ། །དེ་ནས་བྲམ་ཟེ་དེ་གཉིས་ཀྱིས་ཁྱིམ་བདག་ཆུ་སྟོད་ལས་བསྙེན་གནས་ཡན་ལག་བརྒྱད་པ་བླངས་ཏེ་བསྲུངས་སོ། །དེ་ན་གཅིག་གིས་ནི་ཡོངས་སུ་དག་པར་བསྲུངས་ཏེ། དེ་
D343.075.0163a06.01ནས་ཤི་ནས་རྒྱལ་པོ་ཀྲྀ་ཀཱིའི་བུར་སྐྱེས་ཏེ་དེའི་བུའི་མིང་ལེགས་སྐྱེས་ཞེས་བཏགས་ནས་ཕ་ཤི་བའི་འོག་ཏུ་དེ་རྒྱལ་པོར་བཅུག་གོ། །ཅིག་ཤོས་ཀྱིས་ནི་བསྙེན་གནས་ཉམས་པར་བྱས་ཏེ་དེ་ནི་ཤི་ནས་ཀླུའི་ནང་དུ་སྐྱེས་ཏེ། དེའི་སྟེང་དུ་ཉིན་གཅིག་བཞིན་དུ་ལན་བདུན་བདུན་བྱེ་ཚན་བབ་སྟེ་
D343.075.0163a07.01