完整藏文原文 · 德格版页 当前仅加载第 75 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་ཨུ་དུམ་བ་རའི་མེ་ཏོག་དང་འདྲའོ་ཞེས་གྲགས་ལ། གཽ་ཏ་མ་དེ་ཡང་དོ་ནུབ་ནམ་ཕྱེད་ན་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་ན། བདག་ཆོས་རྣམས་ལ་སོམ་ཉི་ཡང་མཆིས་ཐེ་ཙོམ་ཡང་མཆིས་ལ། གཽ་ཏ་མ་དེས་
D343.075.0112b01.01བདག་གི་སོམ་ཉི་དེ་བསལ་བར་ནུས་པའི་རེ་བ་ཡང་བདག་ལ་མཆིས་ན་ཀུན་དགའ་བོ་གལ་ཏེ་ཁྱོད་ལ་ཡང་གནོད་པ་མ་མཆིས་ལ། གལ་ཏེ་ཞུ་བ་ལུང་བསྟན་པའི་སླད་དུ་སྐབས་འབྱེད་པ་ལྟ་ན་བདག་ནང་དུ་མཆིས་ཏེ་ཕྱོགས་འགའ་ཞིག་ཞུའོ། །དེ་ནས་ཡང་ཚེ་དང་ལྡན་པ་ཀུན་དགའ་
D343.075.0112b02.01བོས་ཀུན་ཏུ་རྒྱུ་རབ་བཟང་ལ་འདི་སྐད་ཅེས་སྨྲས་སོ། །རབ་བཟང་བཅོམ་ལྡན་འདས་སྐུ་མཉེལ་ཏེ་བདེ་བར་གཤེགས་པ་སྐུ་འོ་བརྒྱལ་གྱིས་རབ་བཟང་ཐོང་ལ། བཅོམ་ལྡན་འདས་ལ་གནོད་པ་མ་བྱེད་ཅིག །དེ་ནས་ཚེ་དང་ལྡན་པ་ཀུན་དགའ་བོ་ཀུན་ཏུ་རྒྱུ་རབ་བཟང་དང་སྐབས་སུ་
D343.075.0112b03.01གཏམ་གླེངས་པ་དེ། བཅོམ་ལྡན་འདས་ཀྱིས་ལྷའི་སྙན་རྣམ་པར་དག་པ་མི་ལས་འདས་པས་གསན་ཏོ། །གསན་ནས་ཀྱང་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་དེ་སྐད་མ་ཟེར་བར་ཀུན་ཏུ་རྒྱུ་རབ་བཟང་མ་དགག་པར་ནང་དུ་ཐོང་ལ་ཅི་དང་
D343.075.0112b04.01ཅི་འདོད་པ་འདྲིར་ཆུག་ཅིག །འདི་ནི་ངའི་གཞན་མུ་སྟེགས་ཅན་ཀུན་ཏུ་རྒྱུ་དག་དང་སྐབས་སུ་གཏམ་གླེང་བའི་ཐ་མ་ཡིན་ནོ། །འདི་ལྟ་སྟེ་ཀུན་ཏུ་རྒྱུ་རབ་བཟང་འདི་ནི་ངའི་མངོན་སུམ་གྱི་ཉན་ཐོས་རྣམས་ལ་དགེ་སློང་ཚུར་ཤོག་ཚངས་པར་སྤྱོད་ཅིག་ཅེས་བྱ་བའི་ཐ་མ་ཡང་ཡིན་ནོ། །དེ་
D343.075.0112b05.01ནས་ཀུན་ཏུ་རྒྱུ་རབ་བཟང་བཅོམ་ལྡན་འདས་ཀྱིས་སྐབས་ཕྱེ་ནས་དགའ་ཞིང་མགུ་ལ་རབ་ཏུ་དགའ་སྟེ་ཡི་རངས་ནས་དགའ་བ་དང་ཡིད་བདེ་བ་སྐྱེས་པས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དང་མངོན་སུམ་དུ་ཡང་དག་པར་མགུ་བར་འགྱུར་བ་དང་། ཡང་
D343.075.0112b06.01དག་པར་དགའ་བར་འགྱུར་བའི་གཏམ་རྣམ་པ་སྣ་ཚོགས་ཀྱིས་འདྲེས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཀུན་ཏུ་རྒྱུ་རབ་བཟང་གིས་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་འཇིག་རྟེན་ན་མུ་སྟེགས་ཅན་གྱི་གནས་ཐ་དད་པ་འདི་
D343.075.0112b07.01