完整藏文原文 · 德格版页 当前仅加载第 75 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མངོན་པར་བསྟོད་དོ།། །།པད་མ་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་།
D343.075.0021b01.01ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས་རི་མོ་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་
D343.075.0021b02.01མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་
D343.075.0021b03.01ཀྱི་དགེ་འདུན་དང་བཅས་པ། མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་འཇིག་རྟེན་དུ་མ་བྱུང་བའི་སྔ་རོལ་ན་ནི། རྒྱལ་པོ་གསལ་རྒྱལ་ལྷ་གཞན་དག་ལ་ནི་དུས་གསུམ་དུ་མེ་ཏོག་དང་། བདུག་
D343.075.0021b04.01པ་དང་། སྤོས་དང་། མེ་ཏོག་ཕྲེང་དང་། བྱུག་པ་རྣམས་ཀྱིས་རྗེད་པར་བྱེད་དོ། །གང་གི་ཚེ་བཅོམ་ལྡན་འདས་འཇིག་རྟེན་དུ་བྱུང་ནས་ནི། གཞོན་ནུ་ལྟ་བུའི་མདོའི་དཔེས་རྒྱལ་པོ་གསལ་རྒྱལ་བཏུལ་ནས། བཅོམ་ལྡན་འདས་ཀྱིས་བསྟན་པ་ལ་དད་པ་རྙེད་དེ། དེའི་ཚེ་དགའ་བ་དང་ཡིད་བདེ་བ་
D343.075.0021b05.01སྐྱེས་ནས་དུས་གསུམ་དུ་བཅོམ་ལྡན་འདས་ཀྱི་ཐད་དུ་འགྲོ་ཞིང་། མར་མེ་དང་། བདུག་པ་དང་། མེ་ཏོག་དང་། སྤོས་དང་། མེ་ཏོག་ཕྲེང་དང་། བྱུག་པ་རྣམས་ཀྱིས་མཆོད་པ་བྱེད་དོ། །དེ་ནས་རེ་ཞིག་ན་ཀུན་དགའ་ར་བའི་སྲུང་མ་ཞིག་གིས། མེ་ཏོག་པད་མ་གསར་དུ་བྱུང་བ་ཞིག་ཁྱེར་ཏེ།
D343.075.0021b06.01རྒྱལ་པོ་གསལ་རྒྱལ་གྱི་ཐད་དུ་མཉན་དུ་ཡོད་པར་སོང་བ་དང་། མུ་སྟེགས་ཅན་གྱི་དགེ་བསྙེན་ཞིག་གིས་མཐོང་ནས། ཀྱེ་མི་ཕ་གི་པད་མ་འོ་ནི་འཚོང་ངམ་ཞེས་དྲིས་སོ། །དེ་ན་རེ་འཚོང་ངོ་ཞེས་ཟེར་རོ། །དེ་ཉོ་འདོད་པ་ལས་རེ་ཤིག་ན་ཁྱིམ་བདག་མགོན་མེད་ཟས་སྦྱིན་དེར་ཕྱིན་ཏེ། དེས་དེ་ལས་
D343.075.0021b07.01