完整藏文原文 · 德格版页 当前仅加载第 75 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
རེ་ཞིག་ན་དེ་ཟླ་བ་བརྒྱད་དམ་དགུ་ལོན་པ་དང་བུ་བྱུང་སྟེ་ཁྱེའུ་མདོག་ངན་ཞིང་བལྟ་ན་མི་སྡུག་ལ་བྱད་ངན་པ་ལུས་མི་གཙང་བས་བསྒོས་པ་དྲི་ང་བ་ཞིག་བཙས་སོ། །དེ་མཆོག་ཏུ་མི་སྡུག་མོད་ཀྱི་བྱམས་པའི་དབང་གིས་སྦྲེལ་བས་ཕ་མ་གཉིས་ཀྱིས་གསོས་སོ། །དེ་མི་གཙང་བའི་གནས་
D343.075.0134b01.01རྣམས་འབའ་ཞིག་ཏུ་དགའ་ལ་ཕྱག་དར་གྱི་ཕུང་པོ་དང་ཕྱིས་ཁུང་དུ་སྐྲ་འབལ་ཞིང་ཁར་མི་གཙང་བ་འཛུད་ནས་དེའི་མིང་ཕྱིས་ཁུང་ཕྱིས་ཁུང་ཞེས་བྱ་བར་གྱུར་ཏོ། །རེ་ཞིག་ན་དེ་ཕན་ཚུན་དུ་འཁྱམ་པ་ལས་འོད་སྲུང་རྫོགས་བྱེད་ཀྱིས་མཐོང་ནས་དེ་འདི་སྙམ་དུ་སེམས་ཏེ། འདི་དེ་ལྟ་བུའི་གནས་རྣམས་
D343.075.0134b02.01སུ་དགའ་བ་ལས་ན་འདི་ནི་གོར་མ་ཆག་པར་གྲུབ་པའི་སྐྱེས་བུ་ཞིག་ཡིན་གྱིས་བདག་གིས་འདི་རབ་ཏུ་དབྱུང་ངོ་སྙམ་མོ། །དེས་དེ་རབ་ཏུ་ཕྱུང་ནས་གཅེར་བུར་འཁྱམ་ཞིང་འདུག་ལ་ལེགས་པ་བྱེད་པ་ལ་ཡང་གནས་སོ། །དེ་ནས་དེ་འཁྱམ་ཞིང་སོང་བ་ལས་ཡངས་པ་ཅན་གྱི་འོབས་ཀྱི་ནང་ན་ཡི་
D343.075.0134b03.01དགས་ལྔ་བརྒྱ་འཁོད་པ་རྣམས་མཐོང་ནས་དེ་སྔོན་གྱི་ལས་ཀྱི་རྣམ་པར་སྨིན་པ་དང་འབྲེལ་པས་གྲོང་ཁྱེར་གྱི་འོབས་དེའི་ནང་དུ་སོང་ནས་དེ་དག་དང་ལྷན་ཅིག་འདུས་ཤིང་ཕྲད་དེ་དགའ་བར་གྱུར་ནས་གྲོགས་པོར་གྱུར་ཏོ། །ཕྱིས་རེ་ཞིག་ན་ཁྱེའུ་ཕྱིས་ཁུང་དོན་ཞིག་ལ་བྲེལ་ཏེ་ཡངས་པ་ཅན་དུ་སོང་ངོ་། །
D343.075.0134b04.01བཅོམ་ལྡན་འདས་ཀྱང་གྲོང་ཁྱེར་གྱི་འོབས་དེར་བྱོན་ནས། {ཡི་དགས་,ཡི་དྭགས་}དེ་དག་གིས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་
D343.075.0134b05.01སྟོང་བས་ལྷག་པའི་འོད་མངའ་བ་རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ངོ་། །མཐོང་མ་ཐག་ཏུ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས། བཅོམ་ལྡན་འདས་བདག་ཅག་ཕོངས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱེད་ཅིས་ཕོངས།
D343.075.0134b06.01{ཡི་དགས་,ཡི་དྭགས་}རྣམས་ཀྱིས་སྨྲས་པ། བཅོམ་ལྡན་འདས་བདག་ཅག་ནི་སྐོམ་ལགས་སོ། །དེ་ནས་བཅོམ་ལྡན་འདས་ཀྱིས་ཕྱག་སོར་ལྔ་ལས་ཡན་ལག་བརྒྱད་དང་ལྡན་པའི་ཆུའི་རྒྱུན་ལྔ་ཕབ་སྟེ། དེས་{ཡི་དགས་,ཡི་དྭགས་}ལྔ་བརྒྱ་པོ་དེ་དག་ཚིམ་པར་མཛད་དོ། །དེ་ནས་དེ་དག་བཅོམ་
D343.075.0134b07.01