完整藏文原文 · 德格版页 当前仅加载第 75 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སྐྱེ་དྲག་པར་གྱུར་ཏོ། །དེ་ནས་དེ་རྒྱན་ཐམས་ཅད་ཀྱིས་བརྒྱན་ནས་རྒྱལ་པོའི་པང་དུ་བླངས་ཏེ་ཡང་དང་ཡང་དུ་བལྟས་ནས་དེའི་བྱད་གཟུགས་ཕུན་སུམ་ཚོགས་པས་ངོམས་པར་གྱུར་ཏེ། འཇིག་རྟེན་ན་ངའི་བུ་དང་བྱད་གཟུགས་མཚུངས་པ་མེད་དོ་ཞེས་ཟེར་རོ། །
D343.075.0285a01.01དེ་ནས་དེའི་ཚེ་ཡུལ་ས་འཛིན་ན་གྲོང་མེ་ཏོག་ཁུར་ཆེན་ཞེས་བྱ་བ་ཞིག་ཡོད་དེ། དེ་ན་ཁྱིམ་བདག་ཅིག་གི་བུ་མིའི་ཁ་དོག་ལས་ནི་འདས། ལྷའི་ཁ་དོག་ནི་མ་ཐོབ་པ་ཞིག་བཙས་ཏེ། དེ་བཙས་པ་ན་རིན་པོ་ཆེའི་རྫིང་ལྷའི་སྤོས་ཆུས་གང་བ་དང་། སྐྱེད་མོས་ཚལ་ཆེན་པོ་མེ་ཏོག་དང་
D343.075.0285a02.01འབྲས་བུ་ཕུན་སུམ་ཚོགས་པ་དང་ལྡན་པ་འགྲོ་ཤེས་པ་ཞིག་བྱུང་སྟེ། ཁྱེའུ་དེ་གང་དང་གང་དུ་འགྲོ་བ་དེ་དང་དེར་རྫིང་དང་སྐྱེད་མོས་ཚལ་དེ་འབྱུང་བར་འགྱུར་རོ། །དེ་ནས་ཁྱེའུ་དེའི་མིང་མཛེས་ལྡན་ཞེས་བཏགས་སོ། །དེ་ནས་རེ་ཞིག་ན་ཁྱེའུ་དེ་ཆེར་སྐྱེས་པ་དང་མེ་ཏོག་ཁུར་ཆེན་གྱི་
D343.075.0285a03.01གྲོང་ནས་ཚོང་པ་ཁ་ཅིག་དོན་དག་ཅིག་ལ་ཡུལ་པ་ཏྲ་ལིའི་བུར་དོང་སྟེ། དེ་དག་གིས་སྐྱེས་ཁྱེར་ནས་རྒྱལ་པོ་མྱ་ངན་མེད་ཀྱི་ཐད་དུ་དོང་ངོ་། །དེ་ནས་དེ་དག་གིས་རྒྱལ་པོའི་རྐང་པ་ལ་ཕྱག་འཚལ་ཏེ་སྐྱེས་ཕུལ་ནས་མདུན་དུ་འཁོད་དོ། །དེ་ནས་རྒྱལ་པོ་མྱ་ངན་མེད་ཀྱིས་དེ་དག་ལ་བུ་
D343.075.0285a04.01ཀུན་ལ་བསྟན་ཏེ། ཀྱེ་ཚོང་པ་དག་ཁྱེད་འབྱམ་པ་ན་བྱད་གཟུགས་ཀྱི་ཁྱད་པར་དང་ལྡན་པ་འདི་ལྟ་བུ་སྔན་ཆད་གང་དུ་ཡང་རུང་སྟེ་རེས་འགའ་མཐོང་ངམ་ཞེས་དྲིས་སོ། །དེ་ནས་ཚོང་པ་དེ་དག་གིས་ཐལ་མོ་སྦྱར་བ་བཏུད་དེ་རྐང་པ་ལ་ཕྱག་འཚལ་ཏེ་གྱོད་མི་རྨ་བར་གསོལ་ནས་རྒྱལ་
D343.075.0285a05.01པོ་ལ་གསོལ་པ། ལྷ་བདག་ཅག་གི་ཡུལ་ན་ཁྱེའུ་མཛེས་ལྡན་ཞེས་བགྱི་བ་མིའི་ཁ་དོག་ལས་ནི་འདས། ལྷའི་ཁ་དོག་ནི་མ་ཐོབ་པ་ཞིག་མཆིས་ཏེ། དེ་བཙས་པ་ན་རིན་པོ་ཆེའི་རྫིང་བུ་ལྷའི་སྤོས་ཆུས་གང་བ་དང་། སྐྱེད་མོས་ཚལ་ཆེན་པོ་མེ་ཏོག་དང་འབྲས་བུ་ཕུན་སུམ་ཚོགས་
D343.075.0285a06.01པ་དང་ལྡན་པ་འགྲོ་ཤེས་པ་ཞིག་བྱུང་སྟེ། ཁྱེའུ་དེ་གང་དང་གང་དུ་འགྲོ་བ་དེ་དང་དེར་རྫིང་དང་སྐྱེད་མོས་ཚལ་དེ་འབྱུང་བར་འགྱུར་རོ་ཞེས་བྱས་སོ། །དེ་ནས་རྒྱལ་པོ་མྱ་ངན་མེད་ཀྱིས་དེ་ཐོས་ནས་མཆོག་ཏུ་ཡ་མཚན་དུ་གྱུར་ཏེ་ལྟ་འདོད་པར་གྱུར་ནས་ཕོ་ཉ་བཏང་སྟེ། རྒྱལ་པོ་མྱ་ངན་
D343.075.0285a07.01