完整藏文原文 · 德格版页 当前仅加载第 75 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་
D343.075.0027a01.01མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་དུ་ཡོད་པ་ན་ཚོང་དཔོན་གཉིས་ཕན་ཚུན་མི་འཐུན་པར་གྱུར་ཏེ། དེ་གཉིས་ལ་གཅིག་ནི་རྫོགས་བྱེད་ལ་དད། གཅིག་ནི་སངས་རྒྱས་བཅོམ་ལྡན་འདས་ལ་དད་
D343.075.0027a02.01དོ། །དེ་ནས་དེ་གཉིས་ཕན་ཚུན་གཏམ་དུ་བྱ་བ་ངེས་པར་བྱེད་དེ་རྫོགས་བྱེད་ཀྱི་དགེ་བསྙེན་ན་རེ། སངས་རྒྱས་པས་ཆེས་རྫོགས་བྱེད་ཁྱད་པར་དུ་འཕགས་སོ་ཞེས་ཟེར་རོ། །སངས་རྒྱས་ཀྱི་དགེ་བསྙེན་ན་རེ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཆེས་ཁྱད་པར་དུ་འཕགས་སོ་
D343.075.0027a03.01ཞེས་ཟེར་རོ། །དེ་ནས་དེ་གཉིས་ཀྱིས་བདོག་པ་ཐམས་ཅད་ཡལ་བར་བྱ་བའི་སྐུགས་ཀྱི་གཏའ་བཞག་གོ། །དེ་ནས་རེ་ཞིག་ན་རྒྱལ་པོ་གསལ་རྒྱལ་གྱིས་ཐོས་ནས་བློན་པོ་རྣམས་ལ་དེ་གཉིས་ཀྱི་སྦྱོངས་ཤིག་ཅེས་བསྒོའོ། །དེ་ནས་བློན་པོ་དེ་དག་གིས་ཡུལ་ཐམས་ཅད་དུ་དྲིལ་བསྒྲགས་ཏེ་ད་སྟེ་
D343.075.0027a04.01ཞག་བདུན་ན་སངས་རྒྱས་དང་མུ་སྟེགས་ཅན་གྱི་དགེ་བསྙེན་གཉིས་ཀྱི་སྦྱང་བར་ཆད་ཀྱིས། སུ་རྨད་དུ་བྱུང་བ་ལྟ་འདོད་པ་དེ་དག་ཤེག་ཤིག་ཅེས་བྱས་སོ། །དེ་ནས་ཞག་བདུན་ལོན་པ་ན་ས་ཕྱོགས་གོ་སྐབས་ཡངས་པ་ཞིག་ཏུ་མི་འབུམ་ཕྲག་དུ་མ་འདུས་པ་དང་། ནམ་མཁའ་ལ་ལྷ་འབུམ་ཕྲག་དུ་
D343.075.0027a05.01མ་འདུས་པའི་ནང་དུ་བ་ལང་གི་ལྕི་བས་དཀྱིལ་འཁོར་བྱས་ཏེ། སྤོས་དང་མེ་ཏོག་ཕྲེང་ཐམས་ཅད་བསྡོགས་པ་ལ། ཐོག་མ་ཁོ་ནར་མུ་སྟེགས་ཅན་གྱི་དགེ་བསྙེན་གྱིས་བདེན་པས་གསོལ་བ་གདབ་པ་བྱས་ཏེ། བདེན་པ་དང་བདེན་པའི་ཚིག་གང་གིས་རྫོགས་བྱེད་ལ་སོགས་པ་སྟོན་པ་དྲུག་མཆོག་
D343.075.0027a06.01ཡིན་པའི་བདེན་པ་དང་། བདེན་པའི་ཚིག་དེས་ན་མེ་ཏོག་འདི་དག་དང་བདུག་པ་འདི་དང་ཆུ་འདི་དེ་རྣམས་ཀྱི་ཐད་དུ་སོང་ཤིག་ཅེས་བྱས་སོ། །དེ་སྐད་ཅེས་བརྗོད་པའི་མོད་ལ་མེ་ཏོག་དེ་དག་ནི་ས་ལ་ལྷགས་སོ། །མེ་ནི་ཤིའོ། །ཆུ་ནི་ས་ལ་ཐིམ་ཞིང་ཡོངས་སུ་ཟད་དེ་ཡོངས་སུ་གཏུགས་པར་གྱུར་
D343.075.0027a07.01