完整藏文原文 · 德格版页 当前仅加载第 75 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་བརྟན་རྒན་པོ་ལ་འདི་སྐད་ཅེས་སྨྲས་སོ། །གལ་ཏེ་དྲིས་ནས་དྲི་བ་ལུང་བསྟན་པའི་ཕྱིར་སྐབས་ཕྱེ་ན་ཚེ་དང་ལྡན་པ་གནས་བརྟན་རྒན་པོ་ལ་བདག་ཕྱོགས་འགའ་ཞིག་འདྲིའོ། །ཚེ་དང་ལྡན་པ་ཀུན་དགའ་བོ་དྲིས་ཤིག་དང་ཐོས་ནས་ཁྱོད་ལ་བསྙད་པར་བྱའོ། །ཚེ་དང་
D343.075.0257b01.01ལྡན་པ་གནས་བརྟན་���ྒན་པོ་དགེ་སློང་དགོན་པ་ན་གནས་པ་དང་། ཤིང་དྲུང་ན་གནས་པ་དང་། ཁང་སྟོང་ན་གནས་པས་ཆོས་གང་དག་རྒྱུན་མི་འཆད་པར་ཡིད་ལ་བྱ། ཚེ་དང་ལྡན་པ་ཀུན་དགའ་བོ་དགེ་སློང་དགོན་པ་ན་གནས་པ་དང་། ཤིང་དྲུང་ན་གནས་པ་
D343.075.0257b02.01དང་། ཁང་སྟོང་ན་གནས་པས་ཆོས་གཉིས་རྒྱུན་མི་འཆད་པར་ཡིད་ལ་བྱ་སྟེ། ཞི་གནས་དང་ལྷག་མཐོང་ངོ་། །གནས་བརྟན་ཞི་གནས་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་པས་དོན་གང་དག་ཉམས་སུ་མྱོང་བར་འགྱུར། ལྷག་མཐོང་ཀུན་དུ་བསྟེན་
D343.075.0257b03.01ཅིང་བསྒོམས་ཏེ་མང་དུ་བྱས་པས་དོན་གང་ཉམས་སུ་མྱོང་བར་འགྱུར། ཚེ་དང་ལྡན་པ་ཀུན་དགའ་བོ་ཞི་གནས་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་པས་ནི་ལྷག་མཐོང་ལ་བརྟེན་ཏེ་རྣམ་པར་གྲོལ་བར་འགྱུར་རོ། །ལྷག་མཐོང་ཀུན་དུ་བསྟེན་ཅིང་བསྒོམས་ཏེ་མང་
D343.075.0257b04.01དུ་བྱས་པས་ནི་ཞི་གནས་ལ་བརྟེན་ཏེ་རྣམ་པར་གྲོལ་བར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོ་ཞི་གནས་དང་ལྷག་མཐོང་ཡོངས་སུ་བསྒོམས་པའི་འཕགས་པ་ཉན་ཐོས་ཐོས་པ་དང་ལྡན་པའི་སེམས་ནི་ཁམས་ཀྱི་སྒོ་ནས་རྣམ་པར་གྲོལ་བར་འགྱུར་རོ། །གནས་
D343.075.0257b05.01བརྟན་ཁམས་རྣམས་གང་དག་ཡིན། ཚེ་དང་ལྡན་པ་ཀུན་དགའ་བོ་སྤོང་བའི་ཁམས་གང་ཡིན་པ་དང་། འདོད་ཆགས་དང་བྲལ་བའི་ཁམས་གང་ཡིན་པ་དང་། འགོག་པའི་ཁམས་གང་ཡིན་པའོ། །གནས་བརྟན་གང་སྤངས་པ་ལ་སྤོང་བའི་ཁམས་ཞེས་བྱ།
D343.075.0257b06.01གང་ལས་འདོད་ཆགས་དང་བྲལ་བ་ལ་འདོད་ཆགས་དང་བྲལ་བའི་ཁམས་ཞེས་བྱ། གང་འགགས་པ་ལ་འགོག་པའི་ཁམས་ཞེས་བྱ། ཚེ་དང་ལྡན་པ་ཀུན་དགའ་བོ་འདུ་བྱེད་ཐམས་ཅད་སྤངས་པ་ལ་སྤོང་བའི་ཁམས་ཞེས་བྱའོ། །འདུ་བྱེད་ཐམས་ཅད་ལས་འདོད་ཆགས་
D343.075.0257b07.01