完整藏文原文 · 德格版页 当前仅加载第 75 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མཐོང་བ་འཇུག་སྟེ། དེས་རྒྱལ་པོ་ལེགས་པར་གསུངས་པ་ཐོས་པས་ཕོངས་པ་མཐོང་ནས་དེ་འདི་སྙམ་དུ་སེམས་ཏེ་བདག་གིས་རྒྱལ་པོ་བགམ་པར་བྱའོ་སྙམ་མོ། །དེ་ནས་ལྷའི་དབང་པོ་བརྒྱ་བྱིན་གནོད་སྦྱིན་གྱི་ཆ་ལུགས་རྐང་ལག་དང་མིག་མི་སྡུག་པ་ཞིག་ཏུ་བསྒྱུར་ནས་རྒྱལ་
D343.075.0108b01.01པོའི་མདུན་དུ་ཚིགས་སུ་བཅད་པ་སྨྲས་པ། ལེགས་སྤྱོད་ཆོས་ནི་སྤྱད་པར་བྱ། །ཉེས་པར་སྤྱོད་པ་དེ་མི་བྱ། །འཇིག་རྟེན་འདི་དང་ཕ་རོལ་ཏུ། །ཆོས་སྤྱོད་བདེ་ལ་རྟེན་པར་འགྱུར། །དེ་ནས་རྒྱལ་པོ་ཡ་མཚན་དུ་གྱུར་ནས་མདངས་ཕྱུང་སྟེ་གནོད་སྦྱིན་ལ་སྨྲས་པ། གསང་བ་པ་ཚིགས་སུ་
D343.075.0108b02.01བཅད་པ་དེ་བདག་གིས་མཉན་གྱིས་གསུངས་གསུངས། དེ་ནས་གནོད་སྦྱིན་གྱིས་རྒྱལ་པོ་ལ་སྨྲས་པ། གལ་ཏེ་བདག་ཇི་སྐད་མཆི་བ་བཞིན་དུ་ཁྱོད་ཀྱིས་མཛད་ན་ནི། དེའི་འོག་ཏུ་བདག་གིས་ཀྱང་བཀའ་ཅི་སྩལ་པ་བཞིན་དུ་བགྱིའོ། །རྒྱལ་པོས་སྨྲས་པ། བདག་ལ་བཀའ་སྩལ་པ་ཅི་
D343.075.0108b03.01མཆིས། གནོད་སྦྱིན་གྱིས་སྨྲས་པ། ཉིན་མཚན་བདུན་གྱི་བར་དུ་མེ་དོང་དུ་སེང་ལྡེང་གི་ཤིང་གིས་མེ་སྤར་ནས། གལ་ཏེ་དེར་བདག་ཉིད་ཀྱིས་མཆོང་སྤྱོད་ན་ནི་དེའི་འོག་ཏུ་ཁྱོད་ལ་བདག་གིས་ཚིགས་སུ་བཅད་པ་ཡང་བཟླས་པར་བགྱིའོ། །རྒྱལ་པོས་དེ་སྐད་ཅེས་ཐོས་ནས་སེམས་དགའ་
D343.075.0108b04.01བར་གྱུར་ཏེ་གནོད་སྦྱིན་དེ་ལ་སྨྲས་པ་དེ་ལྟར་བགྱིའོ། །དེ་ནས་རྒྱལ་པོས་གནོད་སྦྱིན་དམ་གྱི་འོག་ཏུ་བཅུག་ནས་ཡུལ་ཐམས་ཅད་དུ་དྲིལ་བསྒྲགས་ཏེ། དེང་ནས་ཞག་བདུན་ན་རྒྱལ་པོ་ལེགས་པར་གསུངས་པ་མཉན་པའི་ཕྱིར་མེ་དོང་དུ་བདག་ཉིད་མཆོང་བར་ཆད་ཀྱིས། ཁྱེད་ཀྱི་ནང་ནས་
D343.075.0108b05.01གང་རྨད་དུ་བྱུང་བ་མཐོང་འདོད་པ་དེ་དག་འདིར་ཤོག་ཅིག་ཅེས་བྱས་སོ། །དེ་ནས་བྱང་ཆུབ་སེམས་དཔའི་ལྷག་པའི་བསམ་པ་རྣམ་པར་དག་པ་ཁོང་དུ་ཆུད་པར་འདོད་པ་དང་། རྨད་དུ་བྱུང་བ་བལྟ་བའི་ཕྱིར་མི་འབུམ་ཕྲག་དུ་མ་འདུས་པ་དང་། ནམ་མཁའ་ལ་ལྷ་འབུམ་ཕྲག་དུ་མ་འདུས་
D343.075.0108b06.01ཏེ་འཁོད་པའི་ནང་དུ་གནོད་སྦྱིན་དེ་ནམ་མཁའ་ལ་འཕགས་ནས་བྱང་ཆུབ་སེམས་དཔའ་ལ་སྨྲས་པ། རྒྱལ་པོ་ཆེན་པོ་ཇི་ལྟར་དམ་བཅས་པ་བཞིན་དུ་མཛོད་ཅིག །དེ་ནས་རྒྱལ་པོས་བུ་ཐུ་བོ་རྒྱལ་པོར་དབང་བསྐུར་ནས་བློན་པོ་རྣམས་དང་གྲོང་རྡལ་གྱི་མི་རྣམས་དང་ཡུལ་གྱི་མི་རྣམས་
D343.075.0108b07.01