完整藏文原文 · 德格版页 当前仅加载第 75 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ནུ་མ་སྣུན་པའི་མ་མ་གཉིས་དང་། དྲི་མ་འཁྲུ་བའི་མ་མ་གཉིས་དང་། རྩེ་བའི་མ་མ་གཉིས་ཏེ། མ་མ་བརྒྱད་ལ་གཏད་ནས། དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་ཉིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་
D343.075.0204a01.01བཟང་ངོ་ཅོག་གིས་བསྐྱེད་བསྲིངས་ཏེ་མཚོའི་ནང་གི་པད་མ་བཞིན་དུ་སྐྱེ་དྲག་པར་གྱུར་ཏོ། །དེ་ནས་གང་གི་ཚེ་བུ་མོ་ཀ་ཤི་མཛེས་ལྡན་མ་ཆེན་མོར་གྱུར་པ་དེའི་ཚེ་ཉི་འོག་གི་རྒྱལ་པོ་དྲུག་གིས་རྒྱལ་པོ་ཚངས་པས་བྱིན་ལ་ཕོ་ཉ་བཏང་སྟེ། ཁྱོད་ཀྱི་བུ་མོ་བཙས་ཞེས་བདག་གིས་ཐོས་ཀྱིས་གཞན་ལ་
D343.075.0204a02.01མ་སྦྱིན་པར་བདག་གི་བུ་ལ་བྱིན་ཅིག་ཅེས་སྤྲིང་ངོ་། །དེ་ནས་རྒྱལ་པོ་ཚངས་པས་བྱིན་མྱ་ངན་གྱི་ཁང་བུར་ཞུགས་ནས་ལག་པ་ལ་རྐོམ་ཚུགས་བཅས་ཏེ་བསམས་པ། གལ་ཏེ་གཅིག་ལ་བྱིན་ན་ནི་གཞན་རྣམས་ནི་བདག་གི་དགྲར་འགྱུར་རོ་སྙམ་ནས་སེམས་ཁོང་དུ་ཆུད་ཅིང་འདུག་གོ། །དེ་ནས་
D343.075.0204a03.01རེ་ཞིག་ན་བུ་མོ་ཀ་ཤི་མཛེས་ལྡན་མ་རྒྱན་ཐམས་ཅད་ཀྱིས་བཀླུབས་ཏེ་ཕའི་ཐད་དུ་སོང་བ་དང་དེས་ཕ་མྱ་ངན་གྱིས་ནོན་པ་མཐོང་ནས་དྲིས་པ། ཡབ་ཅིའི་སླད་དུ་མྱ་ངན་མཛད། དེ་ནས་ཕས་ཀྱང་དེ་ལ་ཇི་ལྟར་གྱུར་པ་བསྙད་དོ། །དེ་ནས་བུ་མོ་ཀ་ཤི་མཛེས་ལྡན་མས་ཕ་ལ་སྨྲས་པ། ཡབ་ཉི་འོག་
D343.075.0204a04.01གི་རྒྱལ་པོ་རྣམས་ལ་ད་སྟེ་ཞག་བདུན་ན་བུ་མོ་ཀ་ཤི་མཛེས་ལྡན་མ་རང་ཉིད་ཀྱི་ཁྱིམ་ཐབ་འདམ་པར་ཆད་ཀྱིས། ཁྱོད་ཀྱིས་བྱ་བ་གང་ཡིན་པ་དེ་གྱིས་ཤིག་ཅེས་ཕོ་ཉ་གཏང་དུ་གསོལ་ཞེས་བྱས་སོ། །དེ་ནས་ཞག་བདུན་ལོན་པ་དང་ཉི་འོག་གི་རྒྱལ་པོ་དྲུག་པོ་དེ་རྣམས་འདུས་སོ། །བུ་མོ་ཀ་ཤི་
D343.075.0204a05.01མཛེས་ལྡན་མ་ཡང་ཤིང་རྟ་ལ་ཞོན་ཏེ་ཆོས་གོས་ཚོན་ཅན་གྱི་བ་དན་བསྒྲེང་ནས། སངས་རྒྱས་བཅོམ་ལྡན་འདས་ཀྱི་སྐུ་གཟུགས་ལག་ན་ཐོགས་ཏེ་རྒྱལ་པོ་འདུས་པའི་ནང་དུ་སོང་ནས་སྨྲས་པ། ཀྱེ་ཉི་འོག་གི་རྒྱལ་པོ་རྣམས་གསོན་ཅིག །བདག་ནི་ཁྱེད་ཀྱི་གཟུགས་དང་། ལང་ཚོ་དང་།
D343.075.0204a06.01རིགས་དང་། ལོངས་སྤྱོད་དང་། དབང་ཕྱུག་ལ་མི་སེམས་ཀྱི་བདག་ནི་འདོད་པ་རྣམས་ལ་དོན་དུ་གཉེར་བ་མ་ལགས་ཏེ། བདག་ནི་རས་འདི་ལ་སངས་རྒྱས་བཅོམ་ལྡན་འདས་ཀྱི་སྐུ་གཟུགས་བྲིས་པ་གང་ཡིན་པ་དེའི་སློབ་མ་ལགས་ཏེ། དེའི་བསྟན་པ་ལ་རབ་ཏུ་འབྱུང་ངོ་ཞེས་བྱས་ནས་དྲང་
D343.075.0204a07.01