完整藏文原文 · 德格版页 当前仅加载第 75 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་ཀྱིས་བསྙེན་བཀུར་བགྱི་བར་འཚལ་ན། བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་རྒྱལ་པོའི་ཕོ་བྲང་འཁོར་འདིར་ཟླ་བ་གསུམ་གྱི་བར་དུ་བཞུགས་པར་ཅི་གནང་། དེ་ནས་
D343.075.0037b01.01ཡང་དག་པར་རྫོགས་པའི་སངས་རྒྱས་ཚངས་པས་རྒྱལ་པོ་ལ་ཅང་མི་གསུང་བས་གནང་ངོ་། །དེ་ནས་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་དེས། བཅོམ་ལྡན་འདས་ཀྱི་ཕྱིར་ཙན་དན་ས་མཆོག་པའི་ཁང་{བཟངས་,བཟང་}བྱེད་དུ་བཅུག་གོ། །དེས་དེ་ལ་ན་བཟའ་དང་རྒྱན་རྣམ་པ་སྣ་
D343.075.0037b02.01ཚོགས་ཀྱིས་བརྒྱན་ནས། མེ་ཏོག་སྣ་ཚོགས་ཀྱིས་ནི་གཏོར། པོག་ཕོར་དག་གིས་ནི་བདུགས་ཏེ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ནས། ཟླ་བ་གསུམ་གྱི་བར་དུ་ཞལ་ཟས་བཟང་པོས་ཚིམ་པར་བྱས་ཏེ། ན་བཟའི་ཁྱད་པར་རྣམ་པ་སྣ་ཚོགས་ཕུལ་ནས།
D343.075.0037b03.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་སྨོན་ལམ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོར་གྱུར་པ་གང་ཡིན་པ་དེ་ནི་ང་ཡིན་ཏེ། ངས་ཡང་དག་པར་
D343.075.0037b04.01རྫོགས་པའི་སངས་རྒྱས་ཚངས་པ་ལ་དེ་ལྟ་བུའི་མཆོད་པ་བྱས་པའི་ལས་ཀྱི་རྣམ་པར་སྨིན་པ་དེས་ན། ངས་འཁོར་བ་ན་བདེ་བ་ཆེན་པོ་མཐའ་ཡས་པ་ཉམས་སུ་མྱོང་ལ་ད་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སངས་རྒྱས་པ་ན་ཡང་འདི་ལྟ་བུའི་མཆོད་པ་བྱས་སོ། །
D343.075.0037b05.01དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ་སྟོན་པ་ལ་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པ་བྱའོ། །སྟོན་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ནས་བརྟེན་ཏེ་གནས་པར་བྱའོ་ཞེས་དགེ་སློང་ཁྱོད་ཀྱིས་དེ་ལྟར་བསླབ་པར་
D343.075.0037b06.01བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།གང་པོ་ལ་སོགས་པའི་རྟོགས་པ་བརྗོད་པ་བརྒྱ་པ། བམ་པོ་བཞི་པ། ཁྲུས་ཞེས་བྱ་བ་ནི། སངས་
D343.075.0037b07.01