完整藏文原文 · 德格版页 当前仅加载第 75 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་པར་གྱུར་ཏོ། །དགེ་སློང་དག་དེ་བས་ན་འདི་ལྟར་བསླབ་པར་བྱ་སྟེ། སྟོན་པ་ལ་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པ་བྱའོ། །སྟོན་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ནས་བརྟེན་ཏེ་གནས་པར་
D343.075.0046b01.01བྱའོ་ཞེས་དགེ་སློང་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡ་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ལོ་ལྔ་པ་ཞེས་བྱ་བ་ནི། སངས་རྒྱས་བཅོམ་
D343.075.0046b02.01ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་།
D343.075.0046b03.01ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་
D343.075.0046b04.01འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ་ཉན་ཐོས་ཀྱི་དགེ་འདུན་དང་བཅས་པ། རྒྱལ་
D343.075.0046b05.01པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་རྟེན་ཅིང་བཞུགས་སོ། །གང་གི་ཚེ་མི་བླུན་པོ་ལྷས་བྱིན་གྱིས། བཅོམ་ལྡན་འདས་ཀྱི་བསྟན་པ་ལ་གནོད་པ་སྟོང་སྙེད་བྱས་ཀྱང་། བཅོམ་ལྡན་འདས་ཀྱི་བ་སྤུ་བསྐྱོད་པར་ཡང་མ་ནུས་པ་དེའི་ཚེ། རྒྱལ་པོ་མ་སྐྱེས་དགྲ་ལ་སྨྲས་
D343.075.0046b06.01པ། རྒྱལ་པོ་ཆེན་པོ་རྒྱལ་པོའི་ཁབ་ནས་སུ་ཡང་དག་སྦྱོང་གཽ་ཏ་མའི་ཐད་དུ་མི་འགྲོ་བ་དང་། ཁ་ཟས་མི་སྦྱིན་པའི་ཁྲིམས་ཆོས་ཤིག །དེ་ལྟར་བྱས་ཀྱང་དེས་ཁེ་མི་རྙེད་ཅིང་བསྙེན་བཀུར་མི་རྙེད་པས་གདོན་མི་ཟ་བར་ཡུལ་གཞན་དུ་འཕོ་བར་འགྱུར་རོ་ཞེས་བྱས་སོ། །དེ་ནས་རྒྱལ་པོས་
D343.075.0046b07.01