完整藏文原文 · 德格版页 当前仅加载第 75 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་རྣམ་པར་སྨིན་པས་ནི་གྲོང་ཁྱེར་ཆེན་པོ་བཞིར་བདེ་བ་ཆེན་པོ་མྱོང་ངོ་། །ངས་མ་ལ་གནོད་པ་ཆུང་ངུ་བྱས་པའི་ལས་དེའི་རྣམ་པར་སྨིན་པས་ནི་དེ་ལྟ་བུའི་སྡུག་བསྔལ་མྱོང་ངོ་། །དགེ་སློང་དག་དེ་ལྟ་བས་ན་འདི་ལྟར་བསླབ་པར་བྱ་སྟེ་ཕ་མ་ལ་བཀུར་སྟི་བྱའོ། །གནོད་པ་མི་བྱའོ། །
D343.075.0102b01.01འོན་ཀྱང་མཛའ་བོའི་བུ་མོ་སོ་སོའི་སྐྱེ་བོར་གྱུར་པའི་ཚེ་ཉེས་པ་དེ་དག་ལྟ་བུ་འབྱུང་བར་མི་འགྱུར་ལ། དེ་ཉིད་དུ་ལྷའི་བུར་གྱུར་པའི་ཡོན་ཏན་གང་ཡིན་པ་དེ་ལྟ་བུ་ནི་ཐོབ་པར་འགྱུར་རོ་ཞེས་དགེ་སློང་ཁྱོད་ཀྱིས་དེ་ལྟར་བསླབ་པར་བྱའོ། །དེ་ཅིའི་ཕྱིར་ཞེ་ན། དགེ་སློང་དག་བུའི་ཕ་མ་གཉིས་
D343.075.0102b02.01ནི་དཀའ་བ་བྱེད་བྱེད་པ་དང་སྐོམ་ལྡུད་པ་དང་གསོ་བ་དང་སྐྱེད་པ་དང་ནུ་མ་སྣུན་པ་དང་འཛམ་བུའི་གླིང་བཀྲ་བ་སྟོན་པ་ཡིན་པའི་ཕྱིར་རོ། །གལ་ཏེ་བུས་ཕ་མ་གཉིས་ཕྲག་པ་གཡས་གཡོན་དུ་བཞག་སྟེ། ལོ་བརྒྱའི་བར་དུ་ཁྱེར་རམ། ཡང་ན་ས་ཆེན་པོ་འདི་ནོར་བུ་དང་། མུ་ཏིག་དང་།
D343.075.0102b03.01བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། གསེར་དང་། དངུལ་དང་། རྡོའི་སྙིང་པོ་དང་། སྤུག་དང་། པད་མ་རཱ་ག་དང་། གཡས་སུ་འཁྱིལ་བ་དང་། དེ་ལྟ་བུ་དག་གིས་བཀང་བའི་དབང་ཕྱུག་ལ་དབང་བྱེད་དུ་བཅུག་ཀྱང་། དེ་ཙམ་གྱིས་ནི་བུས་ཕ་མ་གཉིས་ལ་དྲིན་སོབས་པ་
D343.075.0102b04.01འམ། ཕན་གདགས་པར་མི་འགྱུར་གྱི། གང་གི་ཕ་མ་དེ་གཉིས་དད་པ་མེད་པ་ལས་དད་པ་ཕུན་སུམ་ཚོགས་པ་ལ་འཛུད་པ་དང་། འདུལ་བ་དང་། གནས་པར་བྱེད་པ་དང་། འཇོག་པར་བྱེད་པ་དང་། ཚུལ་ཁྲིམས་འཆལ་པ་ལས་ཚུལ་ཁྲིམས་ཕུན་སུམ་ཚོགས་པ་དང་། སེར་
D343.075.0102b05.01སྣ་ཅན་ལས་གཏོང་བ་ཕུན་སུམ་ཚོགས་པ་དང་། ཤེས་རབ་འཆལ་པ་ལས་ཤེས་རབ་ཕུན་སུམ་ཚོགས་པ་ལ་འཛུད་པ་དང་། འདུལ་བ་དང་གནས་པར་བྱེད་པ་དང་། འཇོག་པར་བྱེད་པ་དེ་ཙམ་གྱིས་ན། བུས་ཕ་མ་གཉིས་ལ་དྲིན་བསབས་པའམ་ཕན་བཏགས་པར་འགྱུར་རོ། །
D343.075.0102b06.01བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།རི་བོང་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་
D343.075.0102b07.01