完整藏文原文 · 德格版页 当前仅加载第 75 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
གྱོན་ལ་དག་སྦྱོང་གི་ཆ་ལུགས་ཅན་ཚེ་རབས་དྲན་པ་ཞིག་བཙས་སོ། །དེ་ནས་སྐྱེས་མ་ཐག་ཏུ་དྲིས་པ། ཅི་མཉན་དུ་ཡོད་པ་འདི་ཁོ་ན་ན་བཅོམ་ལྡན་འདས་དང་། ཤཱ་རིའི་བུ་དང་། མཽད་གལ་གྱི་བུ་དང་། འོད་སྲུང་དང་། ཀུན་དགའ་བོ་ལ་སོགས་པ་ཉན་ཐོས་
D343.075.0226a01.01ཆེན་པོ་རྣམས་བཞུགས་སམ་ཞེས་ཟེར་རོ། །དེ་ནས་དེའི་མ་ཡ་མཚན་དུ་གྱུར་ཏེ་དགའ་བས་རྒྱས་ནས་སྨྲས་པ། བུ་མཉན་དུ་ཡོད་པ་འདི་ཁོ་ན་ན་བཅོམ་ལྡན་འདས་དང་ཉན་ཐོས་ཆེན་པོ་རྣམས་བཞུགས་ས་ཞེས་བྱས་སོ། །དེ་ནས་རེ་ཞིག་ན་དོན་དེ་རྒྱལ་པོ་གསལ་རྒྱལ་ལ་གསོལ་ཏེ་ཁྱོད་
D343.075.0226a02.01ཀྱི་སྲས་གོས་སུ་ཆོས་གོས་ཚོན་ཅན་འཚལ་བ་དགེ་སྦྱོང་གི་ཆ་ལུགས་ཅན་ཚེ་རབས་དྲན་པ་ཞིག་བཙས་ཏེ། དེ་བཅོམ་ལྡན་འདས་དང་ཉན་ཐོས་ཆེན་པོ་རྣམས་ག་ལ་བཞུགས་པ་ཡང་རྨེད་དོ་ཞེས་བྱས་སོ། །དེ་ནས་རྒྱལ་པོ་གསལ་རྒྱལ་གྱིས་བུ་དེ་ལ་ཕན་གདགས་པའི་ཕྱིར་བཅོམ་ལྡན་འདས་
D343.075.0226a03.01ཉན་ཐོས་ཀྱི་དགེ་འདུན་དང་བཅས་པ་བཤོས་ལ་སྤྱན་དྲངས་སོ། །དེ་ནས་བཅོམ་ལྡན་འདས་དགེ་སློང་གི་ཚོགས་ཀྱིས་ཞམ་རིང་བྱས་ཏེ། དགེ་སློང་གི་དགེ་འདུན་གྱིས་མདུན་དུ་བདར་ནས། རྒྱལ་པོ་གསལ་རྒྱལ་གྱི་བཀད་ས་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་
D343.075.0226a04.01དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བུ་པང་པར་བླངས་ཏེ། བཅོམ་ལྡན་འདས་ཀྱི་སྤྱན་སྔར་བྲིམས་ནས། བཅོམ་ལྡན་འདས་བདག་གི་བུ་འདི་བཙས་མ་ཐག་ཏུ་བཅོམ་ལྡན་འདས་དང་ཉན་ཐོས་ཆེན་པོ་རྣམས་དྲན་
D343.075.0226a05.01ལགས་སོ་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བུ་དེ་ལ་སྡེ་སྣོད་གསུམ་པ་ཁྱོད་ནད་མེད་པར་གྱུར་ཅིག་ཅེས་བཀའ་སྩལ་ཏོ། །དེ་ནས་དེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ་ཞེས་སྨྲས་སོ། །དེ་ནས་
D343.075.0226a06.01རྒྱལ་པོ་གསལ་རྒྱལ་མཆོག་ཏུ་ཡ་མཚན་དུ་གྱུར་ཏོ། །དེ་ནས་གང་གི་ཚེ་བཙས་ནས་ལོ་བདུན་ལོན་པ་དེའི་ཚེ་ཆོས་གོས་ཚོན་ཅན་དེ་དག་ཉིད་གྱོན་བཞིན་དུ་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ། དེས་བརྩོན་པ་དང་། བསྒྲུབ་པ་དང་། འབད་པས་ཕོལ་
D343.075.0226a07.01