完整藏文原文 · 德格版页 当前仅加载第 75 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱི་ཕྱིར་ཙན་དན་ས་མཆོག་པའི་ཁང་{བཟངས་,བཟང་}ལེགས་པར་བྱས་སོ། །དེ་ནས་ཁང་{བཟངས་,བཟང་}དེར་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ། ལྷའི་ཞལ་ཟས་དང་། ལྷའི་གཟིམས་ཆ་དང་། གདན་དང་། ལྷའི་སྤོས་དང་། མེ་
D343.075.0036b01.01ཏོག་ཕྲེང་བ་དག་གིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་སོ། །དེ་ནས་ཀུ་རུའི་སྐྱེ་བོའི་ཚོགས་རྣམས་ཀྱིས་ལྷའི་འབྱོར་པ་དེ་དག་མཐོང་བ་དང་། མཆོག་ཏུ་ཡ་མཚན་དུ་གྱུར་ནས་འདི་སྙམ་དུ་སེམས་ཏེ། འདི་ལྟར་བཅོམ་ལྡན་འདས་ལ་དབང་པོ་དང་བཅས་
D343.075.0036b02.01པའི་ལྷ་རྣམས་ཀྱིས་མཆོད་པ་ལས་ན། འཇིག་རྟེན་ན་མཆོག་ཡིན་པ་ལྟ་སྙམ་སྟེ། སེམས་འདུན་པར་གྱུར་ནས། བཅོམ་ལྡན་འདས་ཀྱི་ཐད་དུ་སོང་སྟེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། ཀུ་རུའི་
D343.075.0036b03.01སྐྱེ་བོའི་ཚོགས་རྣམས་ཁང་{བཟངས་,བཟང་}དེ་ལ་ཤིན་ཏུ་དགའ་བ་སྐྱེས་སོ། །དེ་ནས་བཅོམ་ལྡན་འདས་ཀྱིས་ཁང་{བཟངས་,བཟང་}དེ་མི་སྣང་བར་མཛད་ནས། མི་རྟག་པ་ཉིད་དང་ལྡན་པའི་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་ཏེ། དེ་ཐོས་ནས་ཀུ་རུའི་མི་རྣམས་
D343.075.0036b04.01ལས་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་ཐོབ་བོ། །ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་ཐོབ་བོ། །ཁ་ཅིག་གིས་ནི་ཕྱིར་མི་འོང་བའི་འབྲས་བུ་ཐོབ་བོ། །ཁ་ཅིག་གིས་ནི་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་སོ། །
D343.075.0036b05.01ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་དེ་དག་ཐམས་ཅད་ཀྱང་སངས་རྒྱས་ལ་གཞོལ་བ་དང་།
D343.075.0036b06.01ཆོས་ལ་འབབ་པ་དང་། དགེ་འདུན་ལ་བབ་པ་ལ་བཀོད་དོ། །དགེ་སློང་རྣམས་ཀྱང་སངས་རྒྱས་ཀྱི་མཆོད་པ་མཐོང་བས་སེམས་དགའ་བར་གྱུར་ཏེ། སངས་རྒྱས་བཅོམ་ལྡན་འདས་ལ་ཞུས་པ། བཅོམ་ལྡན་འདས་ཀྱིས་དགེ་བའི་རྩ་བ་འདི་དག་གང་དུ་མཛད་ལགས། བཅོམ་
D343.075.0036b07.01