完整藏文原文 · 德格版页 当前仅加载第 75 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མཽད་གལ་གྱི་བུ་ཚུར་ཤོག །ཁྱོད་འོངས་པ་ལེགས་སོ། ཁྱོད་ད་གཟོད་ག་ལས་འོངས། མཽད་གལ་གྱི་བུས་གསོལ་པ། བཙུན་པ་བདག་ནི་{ཡི་དགས་,ཡི་དྭགས་}ཀྱི་ནང་དུ་རྒྱུ་ཞིང་མཆི་མཆི་བ་ལས་སླར་མཆིས་ཏེ། དེར་བདག་གིས་{ཡི་དགས་,ཡི་དྭགས་}མོ་
D343.075.0120a01.01ལྟོ་ནི་རི་ཙམ་ལ་ཁ་ནི་ཁབ་ཀྱི་མིག་ཙམ་སྟེ། རང་གི་སྐྲས་ཡོག་པ། གཅེར་བར་མཆིས་ཤིང་ཉམ་ཐག་པའི་སྐད་འབྱིན་ཏེ། སྡུག་བསྔལ་དྲག་པ་དང་། མི་བཟད་པ་དང་། ཚ་བ་དང་། ཡིད་དུ་མི་འོང་བའི་ཚོར་བ་མྱོང་ཞིང་མཆིས་པ་ཞིག་མཐོང་ལགས་སོ། །ཡང་གསོལ་པ། །ལུས་ཆེན་རི་བོ་མཐོན་
D343.075.0120a02.01པོ་འདྲ་བ་ལ། །མཆུ་དང་ལྐོག་མ་སྐམ་ཞིང་ཤིན་ཏུ་སྡུག །རང་གི་སྐྲས་ནི་གདོང་ཡོག་གཅེར་བར་མཆིས། །མཆུ་སྒོ་ཕྲ་ཁབ་མིག་འདྲ་རབ་ཏུ་རིད། །དེ་ལྟར་གཅེར་བུ་སྐྲས་ཡོག་པ། །རུས་པའི་འཁྲུལ་འཁོར་བསྒྲེང་བ་བཞིན། །ཐོད་པ་ཐོགས་ཤིང་མི་བཟད་ལ། །ངུ་ཞིང་ཀུན་ཏུ་རྒྱུག་པར་བགྱིད། །
D343.075.0120a03.01བཀྲེས་པ་དང་ནི་སྐོམ་པ་ཡིས། །དུབ་ཅིང་སྡུག་བསྔལ་དག་གིས་ཉེན། །ཉམ་ཐག་སྐད་ཀྱང་འབྱིན་པར་བགྱིད། །སྡུག་བསྔལ་ཚོར་བ་ཉམས་སུ་མྱོང་། །དེ་ཡིས་མི་ཡི་འཇིག་རྟེན་དུ། །རབ་འཇིགས་སྡིག་པ་ཅི་བགྱིས་ན། །དེས་ན་སྡུག་བསྔལ་འདི་འདྲ་བ། །འཇིགས་སུ་རུང་བ་མྱོང་བར་
D343.075.0120a04.01གྱུར། །བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་{ཡི་དགས་,ཡི་དྭགས་}མོ་དེ་ནི་སྡིག་པའི་ལས་བྱེད་བྱེད་པ་ཡིན་ནོ། །དེའི་ལས་ཀྱི་རྣམ་པ་ཉན་པར་འདོད་དམ། བཙུན་པ་ཉན་པར་འཚལ་ལགས་སོ། །མཽད་གལ་གྱི་བུ་འོ་ན་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །
D343.075.0120a05.01མཽད་གལ་གྱི་བུ་སྔོན་བྱུང་བ་འདས་པའི་དུས་ན། བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བྱའི་ཁ་
D343.075.0120a06.01ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་རྟེན་ཅིང་བཞུགས་སོ། །དེ་ནས་གྲོང་ཁྱེར་བཱ་རཱ་ཎ་སཱི་དེ་ན་ཁྱིམ་བདག་ཅིག་གི་ཆུང་མ་སེར་སྣ་ཅན་འཇུངས་
D343.075.0120a07.01