完整藏文原文 · 德格版页 当前仅加载第 75 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
པ། ལྟོ་ནི་རི་ཙམ་ལ་ཁ་ནི་ཁབ་ཀྱི་མིག་ཙམ་སྟེ། འབར་ཞིང་རབ་ཏུ་འབར་ལ་ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་འབར་ནས། ཚིག་ཅིང་ཉམ་ཐག་པའི་སྐད་འབྱིན་ལ་སྐོམ་གྱིས་གདུངས་ཏེ། སྡུག་བསྔལ་དྲག་པ་དང་མི་བཟད་པ་དང་ཚ་བ་དང་ཡིད་དུ་མི་འོང་བའི་ཚོར་བ་མྱོང་བ་དང་དེས་མཐོང་བ་ཙམ་
D343.075.0121b01.01གྱིས་ཆུ་ཀླུང་དང་ཁྲོན་པ་རྣམས་སྐམ་པར་འགྱུར་བ་དང་། གང་གི་ཚེ་ཆར་འབབ་པ་དེའི་ཚེ་དེའི་སྟེང་དུ་མེ་སྟག་འཕྲོ་བའི་མདག་མའི་ཆར་འབབ་པ་ཞིག་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་{ཡི་དགས་,ཡི་དྭགས་}མོ་དེ་ནི་སྡིག་པ་བྱེད་བྱེད་པ་ཡིན་ནོ། །དེའི་ལས་ཀྱི་རྣམ་
D343.075.0121b02.01པ་ཉན་པར་འདོད་དམ། བཙུན་པ་མཉན་པར་འཚལ་ལགས་སོ། །མཽད་གལ་གྱི་བུ་འོ་ན་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །མཽད་གལ་གྱི་བུ་སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་དེ་བཞིན་གཤེགས་པ་དགྲ་
D343.075.0121b03.01བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བྱའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་ངོ་། །
D343.075.0121b04.01དེ་གྲོང་ཁྱེར་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་རྟེན་ཅིང་བཞུགས་པ་ན། དེར་དགེ་སློང་ཞིག་ལམ་དུ་ཞུགས་ནས་དེ་སྐོམ་གྱིས་གདུངས་ཏེ། ཁྲོན་པའི་དྲུང་དུ་སོང་ནས་དེ་ན་བུ་མོ་ཞིག་བུམ་པ་ཆུས་བཀང་སྟེ་འདུག་པ་ལ་དགེ་སློང་དེས་སྨྲས་པ། ཆེ་ཞེ་བདག་ནི་སྐོམ་གྱིས་གདུངས་
D343.075.0121b05.01ཀྱིས་ཆུ་བྱིན་ཅིག་ཅེས་བྱས་ན་ཡོ་བྱད་ལ་ཀུན་ཏུ་འཛིན་པ་དེ་སེར་སྣ་སྐྱེས་ནས། དགེ་སློང་དེ་ལ་སྨྲས་པ། དགེ་སློང་བདག་གི་བུམ་པ་འགྲིབས་སུ་འོང་གིས། གལ་ཏེ་ཁྱོད་ཤི་ན་ཡང་ཆུ་མི་སྦྱིན་ནོ་ཞེས་བྱས་སོ། །དེ་ནས་དགེ་སློང་དེ་སྐོམ་གྱིས་གདུངས་བཞིན་དུ་རེ་ཐག་ཆད་ནས་སོང་ངོ་། །དེ་ནས་བུ་མོ་
D343.075.0121b06.01དེ་སེར་སྣ་ཀུན་ཏུ་བསྟེན་ཅིང་བསྒོམས་ཏེ། མང་དུ་བྱས་པ་དེ་ལྟ་བུས་ཤི་ནས་{ཡི་དགས་,ཡི་དྭགས་}སུ་སྐྱེས་ཏེ། དེ་ལྟ་བུའི་སྡུག་བསྔལ་དྲག་པ་དང་མི་བཟད་པ་དང་ཚ་བ་དང་ཡིད་དུ་མི་འོང་བའི་ཚོར་བ་མྱོང་ཞིང་འདུག་གོ། །མཽད་གལ་གྱི་བུ་དེ་བས་ན་འདི་ལྟར་བསླབ་པར་བྱ་སྟེ། སེར་སྣ་སྤང་བར་བྱ་བའི་ཕྱིར་བརྩོན་པར་
D343.075.0121b07.01