完整藏文原文 · 德格版页 当前仅加载第 75 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་ཡང་སྲིད། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་ཡོལ་བ་མེད། །དེ་ནས་རེ་ཞིག་ན། བཅོམ་ལྡན་འདས་ཀྱིས་ཚོང་པ་མང་པོ་ཕོངས་ཤིང་ཉམ་ང་བར་གྱུར་པ་གཟིགས་
D343.075.0039a01.01སོ། །དེ་ནས་མིག་གིས་ཅེར་ཞེས་ལྟས་པ་ཙམ་གྱི་ཡུན་གྱིས་དགེ་སློང་གི་ཚོགས་ཀྱིས་ཞབས་འབྲིང་བྱས་ཏེ། རྒྱལ་བུ་རྒྱལ་བྱེད་ཀྱི་ཚལ་ནས་མི་སྣང་བར་གྱུར་ནས། ཕྱོགས་དེར་གཤེགས་སོ། །ཚོང་པ་དེ་དག་གིས་ཀྱང་བཅོམ་ལྡན་འདས་དགེ་སློང་གི་དགེ་འདུན་དང་བཅས་
D343.075.0039a02.01པ་མཐོང་ངོ་། །མཐོང་ནས་ཀྱང་སྐད་པོ་ཆེ་ཕྱུང་ངོ་། །དེ་ནས་བཅོམ་ལྡན་འདས་ཀྱིས་འཇིག་རྟེན་པའི་དགོངས་པ་བསྐྱེད་དེ། ལྷའི་དབང་པོ་བརྒྱ་བྱིན་གྱིས་དབང་ཆེན་གྱི་ཆར་ཕབ་ལ། སེར་བུ་བསིལ་བ་ཡང་བཏང་ན་ལེགས་སོ་སྙམ་དུ་དགོངས་ནས། བཅོམ་ལྡན་
D343.075.0039a03.01འདས་ཀྱིས་དགོངས་པ་བསྐྱེད་པའི་མོད་ལ། བརྒྱ་བྱིན་གྱིས་དབང་ཆེན་གྱི་ཆར་ཡང་ཕབ། སེར་བུའི་བསིལ་བ་ཡང་བཏང་སྟེ་དེས་ན་ཚོང་པ་དེ་དག་མི་སྐོམ་པར་གྱུར་ལ། ཚ་བས་གདུངས་པ་ཡང་ཞི་བར་གྱུར་ཏོ། །དེ་ནས་ཚོང་པ་དེ་དག་སེམས་རྟས་ནས། བཅོམ་ལྡན་
D343.075.0039a04.01འདས་ཀྱིས་དེ་དག་ལ་ལམ་ཡང་བསྟན་ཏེ། དེས་ན་མཉན་དུ་ཡོད་པར་ཕྱིན་ཏོ། །དེ་ནས་དེ་དག་ངལ་བས་ནས་བཅོམ་ལྡན་འདས་ཀྱི་ཐད་དུ་སོང་སྟེ། བཅོམ་ལྡན་འདས་ཀྱིས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་ཏོ། །དེ་ཐོས་ནས་ཁ་ཅིག་གིས་
D343.075.0039a05.01ནི་རྒྱུན་དུ་ཞུགས་པའི་འབྲས་བུ་ཐོབ་བོ། །ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་ཐོབ་བོ། །ཁ་ཅིག་གིས་ནི་ཕྱིར་མི་འོང་བའི་འབྲས་བུ་ཐོབ་བོ། །ཁ་ཅིག་གིས་ནི་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་སོ། །ཁ་ཅིག་གིས་
D343.075.0039a06.01ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་དེ་དག་ཐམས་ཅད་ཀྱང་སངས་རྒྱས་ལ་གཞོལ་བ་དང་། ཆོས་ལ་
D343.075.0039a07.01