完整藏文原文 · 德格版页 当前仅加载第 75 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ནི་བདག་གི་ཆ་མ་ཡིན་གྱིས། དེ་བས་ཆེས་སྔར་བདག་ཡོངས་སུ་མྱ་ངན་ལས་འདའ་བར་བྱ་གོར་མ་ཆག་སྙམ་ནས། དེར་ཚེ་དང་ལྡན་པ་རབ་བཟང་ཆེས་སྔར་ཡོངས་སུ་མྱ་ངན་ལས་འདས་ནས། དེའི་འོག་ཏུ་བཅོམ་ལྡན་འདས་མྱ་ངན་ལས་འདས་སོ། །གང་གི་
D343.075.0114a01.01ཚེ་བཅོམ་ལྡན་འདས་གཟིམས་མལ་གྱི་ཐ་མར་བཞུགས་ཏེ་གནད་ལ་གནོད་པའི་ཚོར་བ་མྱོང་ཞིང་གནད་རྣམས་འཆད་ལ་ཚིགས་རྣམས་འབྱེ་བ་ན། རབ་བཟང་དགྲ་བཅོམ་པ་ཉིད་ལ་བཞག་པ་དང་། གྲོང་ཁྱེར་ཀུ་ཤིའི་གྱད་ཡུལ་བ་མང་པོ་ཆོས་ལ་བཙུད་པ་དེའི་ཚེ་དགེ་སློང་དག་ཐེ་ཙོམ་
D343.075.0114a02.01སྐྱེས་ཏེ། ཐེ་ཙོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ་བཙུན་པ་ཀུན་ཏུ་རྒྱུ་རབ་བཟང་འདི་བཅོམ་ལྡན་འདས་གནད་རྣམས་འཆད་ཅིང་ཚིགས་རྣམས་འབྱེ་བ་ན། འཁོར་བའི་འགུག་ལས་བཀྲོལ་ཏེ་གཞའ་གསང་གི་མཐར་ཐུག་པའི་གྲུབ་པ་དང་བདེ་བ་མྱ་
D343.075.0114a03.01ངན་ལས་འདས་པ་ལ་བཞག་པ་ནི་ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་ང་འདོད་ཆགས་དང་བྲལ་བ། ཞེ་སྡང་དང་བྲལ་བ། གཏི་མུག་དང་བྲལ་བ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་
D343.075.0114a04.01འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་གྲོལ་བའི་ཚེ། ངས་ཀུན་ཏུ་རྒྱུ་རབ་བཟང་འཁོར་བའི་འགུག་ལས་བཀྲོལ་ནས། གཞའ་གསང་གི་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་བཞག་པ་འདི་ལྟ་ལ་ངོ་
D343.075.0114a05.01མཚར་ཆེ་བ་ཅི་ཡོད། འདས་པའི་དུས་ན་འདོད་ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་
D343.075.0114a06.01ལས་ཡོངས་སུ་མ་གྲོལ་བ་ན་བྱ་མི་བྱ་མི་ཤེས་པའི་དུད་འགྲོའི་སྐྱེ་གནས་སུ་སྐྱེས་པའི་ཚེ་ཡང་ངས་རང་གི་སྲོག་ཡོངས་སུ་བཏང་སྟེ། ཀུན་ཏུ་རྒྱུ་རབ་བཟང་དང་གྲོང་ཁྱེར་ཀུ་ཤིའི་གྱད་ཡུལ་པ་རྣམས་འཇིགས་པ་ལས་འཇིགས་པ་མེད་པ་ལ་བཀོད་པ་དེ་ལེགས་པར་རབ་ཏུ་ཉོན་ལ་ཡིད་
D343.075.0114a07.01