完整藏文原文 · 德格版页 当前仅加载第 75 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་ཀྱང་བགྱིས། །ལས་དགེ་དེ་འདྲ་བྱས་པའི་ཕྱིར། །བདག་ནི་ལྷག་པར་མངོན་ཏུ་མཛེས། །བཞིན་མདོག་པད་མ་ཟླ་བ་ལྟར། །རྣམ་དག་འོད་ལྡན་བལྟ་ན་སྡུག །བརྒྱ་བྱིན་གྱིས་སྨྲས་པ། ཀྱེ་མ་ཡོན་ཏན་ཉིད་ཀྱི་ཞིང་། །ཉེས་པ་
D343.075.0148a01.01ཐམས་ཅད་རྣམ་སྤངས་པ། །མཐོ་རིས་སྡུག་པར་སྐྱེ་བའི་ཕྱིར། །དེ་ལ་ཁྱོད་ཀྱིས་ས་བོན་བཏབ། །བཞིན་མཛེས་པད་མའི་འདབ་མ་ཡངས་པ་འདྲ་བའི་མིག་ལྡན་མ། །བུད་མེད་མཆོག་རྣམས་ཀྱིས་ནི་གང་ལ་བཀུར་སྟི་བྱས་པ་ཡི། །སངས་རྒྱས་པད་མ་རྒྱས་པའི་
D343.075.0148a02.01འདབ་ཡངས་འདྲ་བའི་སྤྱན་མངའ་བ། །གསེར་མཆོག་ཕུང་པོ་ལྟ་བུར་མདངས་དཀར་དེ་ལ་སུ་མི་མཆོད། །ལྷའི་བུའམ་ལྷའི་བུ་མོ་སྐྱེས་ནས་རིང་པོ་མ་ལོན་པ་ནི་ཆོས་ཉིད་ཀྱིས་སེམས་རྣམ་པ་གསུམ་སྐྱེ་བར་འགྱུར་ཏེ། གང་ནས་ཤི་འཕོས་གང་དུ་སྐྱེས་ལས་གང་གིས་སྐྱེས་
D343.075.0148a03.01སྙམ་མོ། །དེ་ནས་མི་ལས་ཤི་འཕོས་པ་དང་སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་པ་དང་། བཅོམ་ལྡན་འདས་ལ་སེམས་དགའ་བར་གྱུར་པར་དེས་མཐོང་ངོ་། །དེ་ནས་ལྷའི་བུ་མོ་དཔལ་ལྡན་མ་འདི་སྙམ་དུ་སེམས་ཏེ། བདག་ཞག་ལོན་ནས་གཟོད་བཅོམ་
D343.075.0148a04.01ལྡན་འདས་ལ་བལྟ་བའི་ཕྱིར་འགྲོ་བ་ནི་བདག་གི་ཆ་མ་ཡིན་གྱིས། བདག་ཞག་མ་ལོན་པར་བཅོམ་ལྡན་འདས་ལ་བལྟ་བའི་ཕྱིར་འགྲོའོ་སྙམ་མོ། །དེ་ནས་ལྷའི་བུ་མོ་དཔལ་ལྡན་མ་ལྷའི་འོད་ཀྱི་སྣང་བས་གང་བ་དེས་དེ་ཉིད་ཀྱི་མཚན་མོ་ལྷའི་མེ་ཏོག་ཨུད་པལ་དང་། པད་མ་
D343.075.0148a05.01དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་རྣམས་ཀྱིས་ཐུ་བ་བཀང་སྟེ། རྒྱལ་པོའི་ཁབ་བྱ་ཀ་ལན་ད་ཀ་གནས་པ་ཐམས་ཅད་འོད་ཆེན་པོས་སྣང་བར་བྱས་ནས། བཅོམ་ལྡན་འདས་ལ་མེ་ཏོག་གིས་གཏོར་ཏེ། ཆོས་མཉན་པའི་ཕྱིར་བཅོམ་ལྡན་འདས་ཀྱི་
D343.075.0148a06.01སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་ལྷའི་བུ་མོ་དཔལ་ལྡན་མའི་བསམ་པ་དང་བག་ལ་ཉལ་དང་ཁམས་དང་རང་བཞིན་ཐུགས་སུ་ཆུད་ནས། འཕགས་པའི་བདེན་པ་བཞི་རྟོགས་པར་གྱུར་པ་དེ་ལྟ་བུའི་ཆོས་བསྟན་ཏེ། དེ་ཐོས་ནས་ལྷའི་བུ་མོ་དཔལ་ལྡན་མས་
D343.075.0148a07.01