完整藏文原文 · 德格版页 当前仅加载第 75 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོ་བྱས། མཆོད་པ་བྱས་ཏེ། ལྷ་དང་། ཀླུ་དང་།
D343.075.0192a01.01གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་
D343.075.0192a02.01ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཁྱིམ་བདག་མགོན་མེད་ཟས་སྦྱིན་གྱི་ཆུང་མ་ལ་བུ་ཆགས་ནས། དེ་ཟླ་བ་བརྒྱད་དམ་དགུ་ལོན་པ་དང་། བུ་བྱུང་
D343.075.0192a03.01སྟེ་བུ་མོ་གཟུགས་བཟང་ཞིང་བལྟ་ན་སྡུག་ལ་མཛེས་པ་ཡན་ལག་དང་ཉིང་ལག་ཐམས་ཅད་དང་ལྡན་པ། མཉན་དུ་ཡོད་པ་ན་གནས་པའི་སྐྱེ་བོའི་ཚོགས་རྣམས་ཀྱི་སྙིང་དུ་རབ་ཏུ་སྡུག་པ་ཞིག་བཙས་སོ། །དེ་ནས་དེ་བཙས་པའི་བཙས་སྟོན་བྱས་ནས། བུ་མོ་འདིའི་མིང་ཇི་སྐད་གདགས་ཞེས་མིང་
D343.075.0192a04.01འདོགས་པར་བྱེད་དེ། ཉེ་དུ་རྣམས་ན་རེ་བུ་མོ་འདི་སྐྱེ་བོ་ཐམས་ཅད་ཀྱི་སྙིང་དུ་སྡུག་པས་ན་དེའི་ཕྱིར་བུ་མོ་འདིའི་མིང་རབ་སྡུག་མ་ཞེས་གདགས་སོ་ཞེས་ཟེར་རོ། །དེ་ཡང་ཚེ་རབས་དྲན་ཏེ། བཙས་མ་ཐག་ཏུ་ཚིགས་སུ་བཅད་པ་སྨྲས་པ། སྦྱིན་པ་བྱིན་པ་མང་ཉུང་ཅི་ཡང་རུང་། །ཞིང་གི་ཁྱད་
D343.075.0192a05.01པར་གཞི་ལས་འཕེལ་བར་འགྱུར། །དེ་ཕྱིར་མཁས་པས་བསྒྲིམས་ཏེ་འཇིག་རྟེན་དུ། དད་པས་ལྷ་མི་དབང་ཕྱུག་སངས་རྒྱས་སྦྱིན། །དེ་ནས་དེའི་ཕ་མ་དང་གཞན་ཡང་ཁྱིམ་དེ་ན་གནས་པ་རྣམས་ཀྱིས་ཚིག་བརྗོད་པ་དེ་ཐོས་ནས་སྐྲག་ཅིང་དངངས་ཏེ་མི་དགའ་བར་གྱུར་ལ། སྐྱི་བུང་ཞེས་བྱས་
D343.075.0192a06.01ནས་སྨྲས་པ་ཀྱེ་མ་བུ་མོ་འདི་ནི་ཤ་ཟ་མོ་ཞིག་གོ། །དེས་སྨྲས་པ། ཡུམ་བདག་ནི་ཤ་ཟ་མོ་ཡང་མ་ལགས། སྲིན་མོ་ཡང་མ་ལགས་ཀྱི། བདག་ནི་བུ་མོ་ལགས་ཏེ་སྦྱིན་པ་དག་སྦྱིན་པར་འཚལ་ལོ། །དེ་ནས་དེའི་མས་ཁྱིམ་བདག་མགོན་མེད་ཟས་སྦྱིན་ལ་བུ་མོ་དེ་འདི་སྐད་མཆིའོ། །
D343.075.0192a07.01