完整藏文原文 · 德格版页 当前仅加载第 75 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
ནད་ཀྱི་གཞི་དང་གནས་དང་སྔ་ནས་གཞི་ཡོད་པ་རྟོགས་ནས། དེའི་འོག་ཏུ་བདག་ཉིད་ཀྱིས་གས་བ་དང་སྨན་ཐམས་ཅད་བསྡུ་བར་བྱས་སོ། །དེ་ནས་གསོས་ཏེ། ནོར་དང་སྨན་དང་ནད་གཡོག་དང་ལྡན་པར་བྱས་ཀྱང་ཡུན་རིང་མོ་ཞིག་ལོན་གྱི་བར་དུ་སེམས་ཅན་དེ་དག་གསོ་མ་
D343.075.0088a01.01ནུས་སོ། །དེ་ནས་རྒྱལ་པོས་སྨན་པ་ཐམས་ཅད་བཀུག་སྟེ་གུས་པར་བྱས་ནས། ཀྱེ་ཅིའི་ཕྱིར་སེམས་ཅན་འདི་དག་གསོ་དཀའ་བར་གྱུར་ཅེས་སྨྲས་སོ། །དེ་ནས་སྨན་པ་རྣམས་ཀྱིས་དཔྱད་དེ་ཡོན་ཏན་དང་ཉེས་པ་གྲོས་འཐུན་པར་གསོལ་པ། ལྷ་དུས་མ་སྙོམས་པ་དང་ཁམས་མ་སྙོམས་པ་ལས་
D343.075.0088a02.01གྱུར་པ་ལགས་པས། ལེགས་པར་མ་རྟོགས་མོད་ཀྱི་ལྷ་འོན་ཀྱང་སྨན་སྣ་གཅིག་མཆིས་ཏེ། ཉ་རོ་ཧི་ཏ་ཞེས་བགྱི་བ་ཞིག་མཆིས་ལ། གལ་ཏེ་རྙེད་ན་ནི་དེས་གསོ་བར་ནུས་ལགས་སོ། །དེ་ནས་རྒྱལ་པོ་ཉ་རོ་ཧི་ཏ་ཀུན་ཏུ་ཚོལ་བ་ལ་ཞུགས་ཏེ་དེས་ཚོལ་བའི་མི་མང་པོ་བཀྱེ་ནས་བཙལ་ཀྱང་མ་རྙེད་དོ། །དེ་
D343.075.0088a03.01ནས་དེ་དག་གིས་རྒྱལ་པོ་ལ་གསོལ་ཏོ། །དེ་ནས་ཕྱི་ཞིག་ན་རྒྱལ་པོ་འཆག་ཏུ་གཤེགས་པ་དང་། ནད་པ་དེ་དག་ཀྱང་གཅིག་ཏུ་འདུས་ཏེ་འཁོད་ནས་རྒྱལ་པོ་ལ་གསོལ་པ། རྒྱལ་པོ་ཆེན་པོ་བདག་ཅག་ནད་འདི་ལས་ཡོངས་སུ་བསྐྱབ་ཅིང་སྲོག་སྩལ་དུ་གསོལ། དེ་ནས་རྒྱལ་པོས་ནད་པ་རྣམས་
D343.075.0088a04.01ཀྱི་ཚིག་སྙིང་རྗེ་རྗེ་སྐད་ཟེར་ཞིང་། སྡུག་སྡུག་སྐད་ཟེར་ལ་གཏི་ཞིང་སྨྲ་བའི་ཚིག་ཐོས་ནས་སྙིང་རྗེས་སྙིང་བསྐྱོད་དེ། འཆི་མ་འཛག་ཅིང་ངུ་བཞིན་དུ་ཕྱུང་ནས་བསམས་པ། བདག་གིས་གཞན་སྡུག་བསྔལ་གྱིས་གཟིར་བ་རྣམས་ཞི་བར་བྱེད་ཀྱང་མ་ནུས་ན་བདག་གི་འཚོ་བ་འདི་ལྟ་བུ་དང་རྒྱལ་སྲིད་ཀྱི་དབང་
D343.075.0088a05.01ཕྱུག་འདི་འདྲ་བ་ཅི་དགོས་སྙམ་མོ། །དེ་སྙམ་དུ་བསམས་ནས། རྒྱལ་པོས་ནོར་ཕལ་པོ་ཆེ་ཡོངས་སུ་གཏོང་བ་བྱས་ཏེ། བུ་ཐུ་བོ་རྒྱལ་པོར་བཅུག་ནས་ཉེ་དུ་དང་སྐྱེ་བོ་རྣམས་ལ་ཉེས་པ་བཤགས་ཏེ། ཕོ་བྲང་འཁོར་གྱི་མི་དང་བློན་པོ་རྣམས་ལ་བསྟོད་ནས། ནད་པ་སྡུག་པ་རྣམས་དབུགས་ཕྱུང་སྟེ་བརྟུལ་
D343.075.0088a06.01ཞུགས་ཡན་ལག་བརྒྱད་པ་ཡང་དག་པར་བླངས་ནས་ཁང་{བཟངས་ཀྱི་,བཟང་གི་}སྟེང་དུ་སོང་སྟེ། བདུག་པ་དང་། མེ་ཏོག་དང་། སྤོས་དང་། མེ་ཏོག་ཕྲེང་དང་། བྱུག་པ་རྣམས་གཏོར་ནས་ཤར་ཕྱོགས་སུ་ཁ་བལྟས་ཏེ་སྨོན་ལམ་བཏབ་པ། བདེན་པ་དང་བདེན་པའི་ཚིག་གང་གིས་སེམས་ཅན་རྣམས་ཤིན་ཏུ་ཕོངས་
D343.075.0088a07.01