完整藏文原文 · 德格版页 当前仅加载第 75 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོར་བ་མྱོང་བ་ཕྱི་ས་བཞིན་དུ་དྲི་ང་ཞིང་མཆོག་ཏུ་དྲི་ང་བ་ཟས་སུ་ཕྱི་ས་ཟ་ལ་དེ་ཡང་བདེ་བླག་ཏུ་མི་རྙེད་པ་ཞིག་མཐོང་ངོ་། །མཐོང་ནས་ཀྱང་ཚེ་དང་ལྡན་པ་མཽད་གལ་གྱི་བུ་ཆེན་པོ་མི་དགའ་བར་གྱུར་ནས་{ཡི་དགས་,ཡི་དྭགས་}མོ་ལ་དྲིས་པ། ཁྱོད་ཀྱིས་སྔོན་སྡིག་པ་ཅི་ཞིག་བྱས་ན་དེས་འདི་ལྟ་བུའི་འབྲས་བུ་མྱོང་ཞིང་
D343.075.0122b01.01འདུག །{ཡི་དགས་,ཡི་དྭགས་}མོས་སྨྲས་པ། བཙུན་པ་མཽད་གལ་གྱི་བུ་ཆེན་པོ་བདག་ནི་སྡིག་པ་བྱེད་བྱེད་པ་ཡིན་ཏེ། སངས་རྒྱས་བཅོམ་ལྡན་འདས་ལ་དོན་འདི་ཞུས་ཤིག་དང་དེ་ཁྱེད་ལ་བདག་གི་ལས་ཀྱི་རྣམ་པ་ལུང་སྟོན་པར་འགྱུར་ཏེ། དེ་ཐོས་ན་སེམས་ཅན་གཞན་དག་ཀྱང་སྡིག་པའི་ལས་སྤོང་བར་འགྱུར་
D343.075.0122b02.01རོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་བཅོམ་ལྡན་འདས་ག་ལ་བ་དེར་སོང་ངོ་། །དེའི་ཚེ་བཅོམ་ལྡན་འདས་ནང་དུ་ཡང་དག་འཇོག་ལས་བཞེངས་ནས། འཁོར་བཞི་པོ་རྣམས་ལ་སྦྲང་བུའི་སྦྲང་རྩི་མ་བསྐོལ་བ་དང་འདྲ་བའི་ཆོས་རོ་དང་ལྡན་ནོ་ཅོག་སྟོན་ཏེ། འཁོར་བརྒྱ་ཕྲག་དུ་
D343.075.0122b03.01མ་ཡང་དབང་པོ་རྣམས་མི་གཡོ་བར་བཅོམ་ལྡན་འདས་ལས་ཆོས་རོ་དང་ལྡན་ནོ་ཅོག་ཉན་པར་བྱེད་དོ། །དེ་ནས་སངས་རྒྱས་བཅོམ་ལྡན་འདས་རྣམས་ནི་གསོང་པོར་གསུང་བ་སྙན་པར་གསུང་བ་ཚུར་ཤོག་འོངས་པ་ལེགས་སོ་ཞེས་གསུང་བ་སྔར་འཛུམ་པ་ཡིན་ཏེ། དེར་བཅོམ་ལྡན་འདས་ཀྱིས་ཚེ་དང་
D343.075.0122b04.01ལྡན་པ་མཽད་གལ་གྱི་བུ་ལ་འདི་སྐད་ཅེས་བཀའ་སྩལ་ཏོ། །མཽད་གལ་གྱི་བུ་ཚུར་ཤོག །ཁྱོད་འོངས་པ་ལེགས་སོ། །ཁྱོད་ད་གཟོད་ག་ལས་འོངས། མཽད་གལ་གྱི་བུས་གསོལ་པ། བཙུན་པ་བདག་ནི་{ཡི་དགས་,ཡི་དྭགས་}ཀྱི་ནང་དུ་རྒྱུ་ཞིང་མཆི་མཆི་བ་ལས་དེར་བདག་གིས་{ཡི་དགས་,ཡི་དྭགས་}མོ་སྡོང་དུམ་མེ་རེག་འདྲ་ལ།
D343.075.0122b05.01གཅེར་བུར་མཆིས་ཤིང་རང་གི་སྐྲས་ཡོག་པ། ལྟོ་ནི་རི་ཙམ་ལ་ཁ་ནི་ཁབ་ཀྱི་མིག་ཙམ་སྟེ། འབར་ཞིང་རབ་ཏུ་འབར་ལ་ཤིན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་འབར་ནས་ཚིག་ཅིང་ཉམ་ཐག་པའི་སྐད་འབྱིན་ལ། སྡུག་བསྔལ་དྲག་པ་དང་མི་བཟད་པ་དང་ཚ་བ་དང་ཡིད་དུ་མི་འོང་བའི་ཚོར་བ་
D343.075.0122b06.01མྱོང་བ་དང་དེས་མཐོང་བ་ཙམ་གྱིས་ཆུ་ཀླུང་དང་ཁྲོན་པ་རྣམས་སྐམ་པར་འགྱུར་བ་དང་། གང་གི་ཚེ་ཆར་འབབ་པ་དེའི་ཚེ་དེའི་སྟེང་དུ་མེ་སྟག་འཕྲོ་བའི་མདག་མའི་ཆར་འབབ་པ་དང་། ཕྱི་ས་བཞིན་དུ་དྲི་ང་ཞིང་མཆོག་ཏུ་དྲི་ང་བ་ཟས་སུ་ཕྱི་ས་འཚལ་ལ། དེ་ཡང་བདེ་བླག་ཏུ་མི་རྙེད་པ་ཞིག་མཐོང་
D343.075.0122b07.01