完整藏文原文 · 德格版页 当前仅加载第 75 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
གང་པོ་ལ་སོགས་པའི་རྟོགས་པ་བརྗོད་པ་བརྒྱ་པ་བམ་པོ་དྲུག་པ། སྡོམ་ནི། ཙན་དན་དང་ནི་པད་མ་དང་། །དེ་བཞིན་འཁོར་ལོ་མགོ་བཅུ་པ། །མདོག་འཇམ་དང་ནི་འོད་བསིལ་དང་། །མཉན་པ་དང་ནི་སྤོས་ངད་ལྡང་། །དྲི་མེད་གདངས་སྙན་ཞེས་བྱ་བ། །སྡེ་ཚན་དག་ཏུ་བསྟན་
D343.075.0063a01.01པ་ཡིན། །ཙན་དན་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་།
D343.075.0063a02.01ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོ་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་
D343.075.0063a03.01ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ། ཡུལ་མ་ག་དྷཱ་ན་ལྗོངས་རྒྱུ་ཞིང་
D343.075.0063a04.01གཤེགས་པ་ལས་གང་གཱའི་ཀླུང་གི་འགྲམ་དུ་བྱོན་ཏོ། །དེའི་ཚེ་གང་གཱའི་ཀླུང་གི་འགྲམ་ནས་ཐག་མི་རིང་བ་ཞིག་ན་མཆོད་རྟེན་ཞིག་རལ་དུ་གྱུར་པ་རླུང་དང་ཉི་ཚན་གྱིས་བཤིག་པ་ཞིག་འདུག་པ་དེ་དགེ་སློང་རྣམས་ཀྱིས་མཐོང་ནས་བཅོམ་ལྡན་འདས་ལ་ཞུས་པ། བཅོམ་ལྡན་འདས་མཆོད་
D343.075.0063a05.01རྟེན་འདི་སུའི་ལགས། བཅོམ་ལྡན་འདས་ཀྱིས་བཀའ་སྩལ་པ། རང་སངས་རྒྱས་ཙན་དན་ཞེས་བྱ་བ་ཞིག་བྱུང་སྟེ་དེའི་ཡིན་ནོ། །དགེ་སློང་རྣམས་ཀྱིས་གསོལ་པ། བཅོམ་ལྡན་འདས་རང་སངས་རྒྱས་ཙན་དན་ག་ལས་བྱུང་ལགས། མིང་ནི་ཅི་ལས་བཏགས་ལགས། བཅོམ་ལྡན་
D343.075.0063a06.01འདས་ཀྱིས་བཀའ་སྩལ་པ། དགེ་སློང་དག་ཁྱེད་རང་སངས་རྒྱས་ཙན་དན་ག་ལས་བྱུང་བ་དང་། མིང་ཅི་ལས་བཏགས་པ་ཉན་པར་འདོད་དམ། གསོལ་པ། བཙུན་པ་མཉན་པར་འཚལ་ལགས་སོ། །བཀའ་སྩལ་པ། དགེ་སློང་དག་འོ་ན་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་
D343.075.0063a07.01