完整藏文原文 · 德格版页 当前仅加载第 75 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱེད་པར་བྱ། སུ་ནི་དགེ་བའི་རྩ་བ་རྣམས་བསྐྱེད་ཟིན་པ་ལས་ཡོངས་སུ་སྨིན་པར་བྱ། སུ་ནི་ཡོངས་སུ་སྨིན་ཟིན་པ་ལས་རྣམ་པར་གྲོལ་བར་བྱ་སྙམ་དུ་ཡེ་ཤེས་གཟིགས་པ་འཇུག་གོ། །འདིར་སྨྲས་པ། རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་ཡང་སྲིད། །
D343.075.0010b01.01གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་ཡོལ་བ་མེད། །དེ་ནས་བཅོམ་ལྡན་འདས་ཀྱིས་ཁྱེའུ་ལེ་ལོ་ཅན་གྱིས་ང་མཐོང་ན་བརྩོན་འགྲུས་རྩོམ་པར་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་སེམས་ཡོངས་སུ་འགྱུར་བར་འོང་ངོ་སྙམ་དུ་
D343.075.0010b02.01གཟིགས་སོ། །དེ་ནས་བཅོམ་ལྡན་འདས་ཀྱིས་མུ་སྟེགས་ཅན་རྣམས་ཀྱི་རྒྱགས་པ་དང་། དྲེགས་པ་གཅད་པ་དང་། ཁྱེའུའི་དགེ་བའི་རྩ་བ་བསྐྱེད་པའི་ཕྱིར་འོད་ཟེར་གསེར་གྱི་ཁ་དོག་ཅན་ཉི་མ་སྟོང་གི་འོད་པས་ལྷག་པ་དག་བཀྱེ་སྟེ། དེ་དག་གིས་ཁྱིམ་དེ་ཀུན་ཏུ་སྣང་བར་བྱས་སོ་
D343.075.0010b03.01བསྐལ་པ་སྟོང་དུ་ཡོངས་སུ་བསྒོམས་པའི་བྱམས་པའི་འོད་ཟེར་དག་ཀྱང་བཀྱེ་སྟེ། དེ་དག་གིས་དེའི་ལུས་ལ་ཕོག་མ་ཐག་ཏུ་རབ་ཏུ་སིམ་པར་གྱུར་ནས། སུའི་མཐུས་བདག་གི་ལུས་རབ་ཏུ་སིམ་པར་བྱས་སྙམ་སྟེ། དེས་ཕན་ཚུན་དུ་བལྟས་སོ། །དེ་ནས་བཅོམ་ལྡན་འདས་དགེ་སློང་གི་
D343.075.0010b04.01ཚོགས་ཀྱིས་ཞབས་འབྲིང་བྱས་ཏེ་ཁྱིམ་དེའི་ནང་དུ་གཤེགས་ནས་ཁྱེའུ་ལེ་ལོ་ཅན་གྱིས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་
D343.075.0010b05.01ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ངོ་། །མཐོང་ནས་ཀྱང་མཆོག་ཏུ་དགའ་བར་གྱུར་ཏེ་འཕྲལ་ལ་རང་ཉིད་ལངས་ནས་བཅོམ་ལྡན་འདས་ཀྱི་གདན་བཤམས་ཏེ་བཅོམ་ལྡན་འདས་ཚུར་གཤེགས། བཅོམ་ལྡན་འདས་གཤེགས་པ་
D343.075.0010b06.01ལེགས་སོ། །བཅོམ་ལྡན་འདས་གདན་བཤམས་པ་ལ་བཞུགས་སུ་གསོལ་ཞེས་དེ་སྐད་ཀྱང་སྨྲས་སོ། །དེ་ནས་དེའི་ཕ་མ་དང་ནང་མི་རྣམས་ཀྱིས་སྔོན་མ་མཐོང་བའི་གུས་པར་སྒྲིམ་པ་མཐོང་ནས་མཆོག་ཏུ་ཡ་མཚན་དུ་གྱུར་ཏོ། །དེ་ནས་ཁྱེའུ་ལེ་ལོ་ཅན་གྱིས་དགའ་ཞིང་མདངས་ཕྱུང་བའི་
D343.075.0010b07.01