完整藏文原文 · 德格版页 当前仅加载第 75 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བཙས་པ་ཡི། །བྱམས་པའི་མ་ནི་བདག་ཡིན་ཏེ། །ཟས་དང་སྐོམ་དང་བྲལ་བ་ཡི། །{ཡི་དགས་,ཡི་དྭགས་}རྣམས་ཀྱི་ནང་དུ་སྐྱེས། །བདག་ནི་ཤི་བའི་དུས་འདས་ནས། །ལོ་གྲངས་ཉི་ཤུ་ལྔ་ལོན་ཏེ། །ཆུ་ཡི་བག་ཀྱང་མ་མཐོང་ན། །ཁ་ཟས་ལྟ་ཞིག་ག་ལ་མཐོང་། །འབྲས་བུར་ལྡན་
D343.075.0127a01.01པའི་ཤིང་རྣམས་ཀྱི། །དྲུང་སོང་དེ་དག་འབྲས་མེད་འགྱུར། །གང་བའི་མཚོ་འགྲམ་བདག་སོང་ཡང་། །དེ་དག་ཀྱང་ནི་སྐམ་པར་འགྱུར། །བཙུན་པའི་ཤིང་དྲུང་བདེ་བ་ལགས། །ཁྱོད་ཀྱི་སྣོད་ནང་ཆུ་ཡང་བསིལ། །བཀྲེན་པ་བདག་ལ་ཐུགས་རྗེ་སྐྱེད། །སྐོམ་གྱིས་གདུངས་ཀྱིས་ཆབ་སྩོལ་
D343.075.0127a02.01ཅིག །དེ་ནས་ཆུ་སྨད་ཀྱིས་མ་ལ་སྨྲས་པ། ཡུམ་ཁྱོད་མིར་གྱུར་པའི་ཚེ་བདག་གིས་སྦྱིན་པ་དག་སྦྱིན་ཞིང་བསོད་ནམས་དག་བྱེད་དུ་མ་བཅུག་གམ། {ཡི་དགས་,ཡི་དྭགས་}མོས་སྨྲས་པ། བུ་གཅིག་བདག་ནི་སེར་སྣས་ནོན་པས་སྦྱིན་པ་དག་ཀྱང་མ་བྱིན་བསོད་ནམས་དག་ཀྱང་མ་བྱས་ཏེ། ནོར་རྙེད་པ་དེ་དག་
D343.075.0127a03.01ཐམས་ཅད་སྡིག་པའི་སེམས་ཀྱིས་དོང་དུ་སྦས་སོ། །བུ་གཅིག་དེ་བས་ན་དད་པ་དྲིས་ལ་བདག་གི་ཕྱིར་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་གསོལ་ནས་ཡོན་གྱི་རབས་འདོན་པར་གསོལ་ཅིག །འོན་ཀྱང་བདག་{ཡི་དགས་,ཡི་དྭགས་}ཀྱི་སྐྱེ་གནས་ནས་ཐར་ཡང་སྲིད་དོ། །ཆུ་སྨད་ཀྱིས་
D343.075.0127a04.01སྨྲས་པ། དེ་ལྟར་བགྱི་ཡིས་ཁྱོད་ཀྱང་གྲལ་དཔོན་གྱི་མདུན་དུ་འདུག་ཤིག །{ཡི་དགས་,ཡི་དྭགས་}མོས་སྨྲས་པ། བུ་གཅིག་བདག་ནི་གཅེར་བུར་འདུག་པས་ངོ་ཚ་སྟེ་ངོས་མི་ཐུབ་བོ། །ཆུ་སྨད་ཀྱིས་སྨྲས་པ། ཡུམ་ཁྱོད་གང་གི་ཚེ་སྡིག་པ་བྱེད་པ་དེའི་ཚེ་ངོ་མི་ཚ་ནད་ལྟར་འབྲས་བུ་མྱོང་བའི་ཚེ་ཅིའི་ཕྱིར་ངོ་
D343.075.0127a05.01ཚ། {ཡི་དགས་,ཡི་དྭགས་}མོས་སྨྲས་པ། འོ་ན་དེ་བཞིན་དུ་འོང་བར་བྱའོ། །དེ་ནས་ཆུ་སྨད་ཀྱིས་ཉེ་དུ་རྣམས་ཀྱི་ཁྱིམ་ཁྱིམ་དུ་དད་པ་དྲིས་ནས་ཕྱི་དེ་ཉིན་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་ལ་སྤྱན་དྲངས་ནས། གདུགས་ཚོད་ལ་བབ་པ་ན་སངས་རྒྱས་ལ་སོགས་པ་དགེ་སློང་གི་
D343.075.0127a06.01དགེ་འདུན་དག་ཀྱང་འདུས། {ཡི་དགས་,ཡི་དྭགས་}མོ་དེ་ཡང་གྲལ་དཔོན་གྱི་མདུན་དུ་འདུག་སྟེ། སྲོག་ཆགས་འབུམ་ཕྲག་དུ་མ་འདུས་པ་རྣམས་ཀྱིས་{ཡི་དགས་,ཡི་དྭགས་}མོ་དེ་མཐོང་ངོ་། །དེ་དག་གིས་{ཡི་དགས་,ཡི་དྭགས་}མོ་དེའི་ལུས་མི་སྡུག་པ་མཐོང་ནས་ཤིན་ཏུ་སྐྱོ་བ་སྐྱེས་ཏེ། བཅོམ་ལྡན་འདས་ལ་སེམས་དགའ་བར་
D343.075.0127a07.01