完整藏文原文 · 德格版页 当前仅加载第 75 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་མི་ཤེས་ནས་ཁྱོད་ལ་ཅུང་ཟད་ནོངས་པ་ཅི་མཆིས་པ་བདག་ལ་ཁྱོད་ཀྱིས་བཟོད་པ་མཛོད་ཅིག་ཅེས་སྨྲས་ནས། ཚམ་ཚོམ་མེད་པར་མེའི་ནང་དུ་མཆོངས་སོ། །དེ་ནས་དྲང་སྲོང་དེ་མི་དགའ་བར་གྱུར་ནས་ངུ་བཞིན་ཕྱུང་ནས་བུ་གཅིག་པ་སྡུག་པ་ལ་བྱ་བ་བཞིན་དུ་ལ་
D343.075.0105a01.01གོར་དུ་བླངས་ནས་བུ་འདི་ཅི་བྱེད་ཅེས་བྱས་སོ། །རི་བོང་ན་རེ་དྲང་སྲོང་ཆེན་པོ་དགོན་པའི་གནས་ལ་དགའ་བས་བདག་གི་ཤ་གསོལ་ལ་ཞག་གཅིག་གི་བར་དུ་འཚོ་བར་མཛོད་ཅིག །ང་གཅིག་ཏུ་ན། ནགས་ཁུང་དག་ཏུ་སྐྱེས་པའི་རི་བོང་ལ། སྲན་སྡེའུ་ཏིལ་དང་འབྲས་རྣམས་ཅི་མ་
D343.075.0105a02.01མཆིས། །བདག་གི་ལུས་འདི་ཞུགས་ལ་སྒྲོལ་མཛོད་ལ། །གསོལ་ཏེ་དེང་ཙམ་དཀའ་ཐུབ་ཚལ་དུ་བཞུགས། །དེ་ནས་དྲང་སྲོང་དེས་རི་བོང་གི་ཚིག་ཐོས་ནས་མི་དགའ་བར་གྱུར་ཏེ། སྨྲས་པ། གལ་ཏེ་དེ་ལྟ་ན་ཁྱོད་སྙིང་དུ་སྡུག་པ་དང་དགོན་པ་སྙིང་དུ་སྡུག་པའི་ཕྱིར་འདི་ཉིད་དུ་སྲོག་
D343.075.0105a03.01བོར་ཡང་སླའི་གྲོང་དུ་ནི་བདག་མི་འགྲོའོ་ཞེས་བྱས་སོ། །དེ་ནས་རི་བོང་གིས་ཚིག་དེ་ཐོས་ནས་སེམས་དགའ་བར་གྱུར་ཏེ་ནམ་མཁའ་ལ་གྱེན་དུ་བལྟས་ནས་གསོལ་བ་བཏབ་སྟེ། བདག་ནི་དགོན་པར་སོང་ནས་ཀྱང་། །དབེན་པ་ལ་ནི་ཡིད་དགའ་ན། །དེ་ཡི་བདེན་པའི་ཚིག་གིས་ན། །
D343.075.0105a04.01དབང་ཆེན་ཆར་ནི་འབབ་པར་ཤོག །ཅེས་ཀྱང་སྨྲས་སོ། །དེ་སྐད་ཅེས་སྨྲས་མ་ཐག་ཏུ་བྱང་ཆུབ་སེམས་དཔའི་མཐུས་དབང་ཆེན་གྱི་གནས་ཀུན་ཏུ་གཡོས་སོ། །ལྷ་རྣམས་ནི་འོག་ཏུ་ཤེས་པའི་མཐོང་བ་འཇུག་སྟེ། ཅི་ལས་གྱུར་སྙམ་པ་དང་བྱང་ཆུབ་སེམས་དཔའི་མཐུ་ཡིན་པར་
D343.075.0105a05.01མཐོང་ངོ་། །དེ་ནས་རེ་ཞིག་ན་ལྷའི་དབང་པོ་བརྒྱ་བྱིན་གྱིས་གནས་མལ་དེར་དབང་ཆེན་གྱི་ཆར་ཕབ་ནས་ཕྱིར་ཡང་རྩྭ་དང་། གེལ་པ་དང་། སྨན་དང་། མེ་ཏོག་དང་། འབྲས་བུ་ཕུན་སུམ་ཚོགས་པར་གྱུར་ཏོ། །དེ་ནས་དྲང་སྲོང་དེས་དགེ་བའི་བཤེས་གཉེན་རི་བོང་ལ་བརྟེན་ནས།
D343.075.0105a06.01དེ་ན་གནས་བཞིན་དུ་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེ་ནས་དྲང་སྲོང་དེས་རི་བོང་ལ་སྨྲས་པ། ཀྱེ་རི་བོང་དཀའ་བ་བྱེད་པ་དང་བརྩོན་པ་དང་སྙིང་རྗེ་བའི་རང་བཞིན་འདིས་ཅི་ཞིག་བསྒྲུབ་པར་སེམས་དེས་སྨྲས་པ། འཇིག་རྟེན་ལོང་བ་འདྲེན་པ་མེད་ཅིང་ཡོངས་སུ་འདྲེན་
D343.075.0105a07.01