完整藏文原文 · 德格版页 当前仅加载第 75 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
རིན་ཉིས་སྒྱུར་དུ་བསྐྱེད་ནས། དེ་གཉིས་ཕན་ཚུན་ལྟོད་དེ་འབུམ་གྱུར་གྱི་བར་དུ་བསྐྱེད་དོ། །དེ་ནས་ཀུན་དགའ་ར་བའི་སྲུང་མ་འདི་སྙམ་དུ་སེམས་ཏེ། །ཁྱིམ་བདག་མགོན་མེད་ཟས་སྦྱིན་འདི་ནི་རྒོད་བག་ཅན་མ་ཡིན་ཏེ། སེམས་ཅན་བརྟན་པོ་ཡིན་པས་ན་འདི་ལ་ནི་དོན་ཞིག་ཡོད་
D343.075.0022a01.01གོར་མ་ཆག་སྙམ་ནས་དེ་ཐེ་ཙོམ་སྐྱེས་ཏེ། མུ་སྟེགས་ཅན་ལ་དགའ་བའི་མི་དེ་ལ་དྲིས་པ། ཁྱོད་ཀྱིས་སུའི་དོན་དུ་འདི་ལྟར་སྐྱེད་པར་བྱེད། དེས་སྨྲས་པ། ང་ནི་བཅོམ་ལྡན་འདས་སྲེད་མེད་ཀྱི་བུའི་ཕྱིར་སྐྱེད་པར་བྱེད་དོ། །མགོན་མེད་ཟས་སྦྱིན་གྱིས་སྨྲས་པ། ང་ནི་བཅོམ་ལྡན་འདས་
D343.075.0022a02.01སངས་རྒྱས་ཀྱི་དོན་དུ་སྐྱེད་པར་བྱེད་དོ། །ཀུན་དགའ་ར་བའི་སྲུང་མས་སྨྲས་པ། སངས་རྒྱས་ཞེས་བྱ་བ་དེ་སུ་ཡིན། དེ་ནས་མགོན་མེད་ཟས་སྦྱིན་གྱིས་དེ་ལ་སངས་རྒྱས་ཀྱི་ཡོན་ཏན་རྒྱས་པར་བཤད་དོ། །དེ་ནས་ཀུན་དགའ་ར་བའི་སྲུང་མས། མགོན་མེད་ཟས་སྦྱིན་ལ་སྨྲས་པ།
D343.075.0022a03.01ཁྱིམ་བདག་ང་ཉིད་ཀྱིས་བཅོམ་ལྡན་འདས་དེ་ལ་མཆོད་པ་བྱའོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས། ཀུན་དགའ་ར་བའི་སྲུང་མ་དེ་ཁྲིད་དེ། བཅོམ་ལྡན་འདས་ག་ལ་བ་དེར་སོང་ནས། ཀུན་དགའ་ར་བའི་སྲུང་མ་དེས། བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་
D343.075.0022a04.01ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ནས། མཐོང་མ་ཐག་ཏུ་ཀུན་དགའ་ར་བའི་སྲུང་མ་དེས་པད་
D343.075.0022a05.01མ་དེ་བཅོམ་ལྡན་འདས་ལ་བོར་རོ། །དེ་ནས་བོར་མ་ཐག་ཏུ་པད་མ་དེ་ཤིང་རྟའི་འཕང་ལོ་ཙམ་དུ་གྱུར་ཏེ་བཅོམ་ལྡན་འདས་ཀྱི་སྟེང་ན་འདུག་གོ། །དེ་ནས་ཀུན་དགའ་ར་བའི་སྲུང་མ་དེས་ཆོ་འཕྲུལ་དེ་མཐོང་ནས་སྡོང་པོ་རྩ་བ་ནས་བཅད་པ་བཞིན་དུ། བཅོམ་ལྡན་འདས་ཀྱི་ཞབས་ལ་ཕྱག་འཚལ་
D343.075.0022a06.01ནས་ཐལ་མོ་སྦྱར་ཏེ། སེམས་ལ་རྟས་པར་བྱས་ནས་སྨོན་ལམ་བཏབ་པ། དགེ་བའི་རྩ་བ་དང་སེམས་བསྐྱེད་པ་དང་སྦྱིན་པར་བྱ་བའི་ཆོས་ཡོངས་སུ་གཏོང་བ་འདིས་བདག་འཇིག་རྟེན་ལོང་བ་འདྲེན་པ་མེད་ཅིང་ཡོངས་སུ་འདྲེན་པ་མེད་པར། སེམས་ཅན་མ་རྒལ་བ་རྣམས་སྒྲོལ་བ་དང་མ་གྲོལ་བ་
D343.075.0022a07.01