完整藏文原文 · 德格版页 当前仅加载第 75 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། ཉེས་པ་མང་པོར་ལྡན་པའི་ངན་སོང་ལམ། །ཤིན་ཏུ་མི་བཟད་ཁྱོད་ཀྱི་མཐུ་ཡིས་བཅད། །བསོད་ནམས་རབ་ལྡན་མཐོ་རིས་འགྲོ་བ་ཕྱེ། །མྱ་ངན་འདས་པའི་ལམ་ཡང་བདག་གིས་ཐོབ། །བདག་གིས་དེ་རིང་ཉེས་པ་སྤངས་པའི་མིག །ཤིན་ཏུ་རྣམ་དག་ཁྱོད་ལས་བརྟེན་
D343.075.0140b01.01ནས་ཐོབ། །བདག་ནི་སྡུག་བསྔལ་རྒྱ་མཚོ་ཕ་རོལ་རྒལ། །འཕགས་པ་དགྱེས་པའི་ཞི་བའི་གོ་འཕང་ཐོབ། །མི་མཆོག་དབང་པོ་མི་དང་ལྷས་མཆོད་པ། །སྐྱེ་དང་རྒ་དང་འཆི་བའི་ནད་སྤངས་པ། །སྲིད་པ་སྟོང་དུ་མཐོང་བར་དཀའ་བ་ཡིས། །ཐུབ་པ་ཁྱེད་ནི་དེང་མཐོང་འབྲས་བུ་ཡོད། །
D343.075.0140b02.01དེ་ནས་དོ་ཤལ་འཆང་བ་དགའ་གྱུར་ཏེ། །བཏུད་ཅིང་ཞབས་གཉིས་ལ་ནི་ཕྱག་འཚལ་ནས། །དགྲ་ཐུབ་ལ་ནི་བསྐོར་བ་བྱས་ནས་ཀྱང་། །ལྷ་ཡི་འཇིག་རྟེན་ཁ་བལྟས་ལྷ་ཡུལ་སོང་། །དེ་ནས་སྔོན་སྦྲུལ་གདུག་པར་གྱུར་པའི་ལྷའི་བུ་དེ་ཚོང་པ་ཁེ་སྤོགས་ཕྱིན་པ་དང་། ཞིང་པ་འབྲུ་རྒྱལ་བར་
D343.075.0140b03.01གྱུར་པ་དང་དཔའ་བོ་གཡུལ་ལས་རྒྱལ་བ་དང་ནད་པ་ནད་ཐམས་ཅད་ལས་ཐར་བ་བཞིན་དུ་འབྱོར་པ་གང་གིས་བཅོམ་ལྡན་འདས་ཀྱི་ཐད་དུ་འོངས་པའི་འབྱོར་པ་དེ་ཉིད་ཀྱིས། དེ་ཉིད་ཀྱི་མཚན་མོ་རྒྱལ་པོ་གཟུགས་ཅན་སྙིང་པོའི་ཐད་དུ་སོང་ནས། རྒྱལ་པོའི་ཕོ་བྲང་ཐམས་ཅད་འོད་ཆེན་པོས་སྣང་བར་
D343.075.0140b04.01བྱས་ཏེ། རྒྱལ་པོ་བསླང་ནས་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་ལོངས་ཉལ་ཏེ་ཅི་བྱ། དེ་ནས་རྒྱལ་པོ་སད་དེ། འོད་ཆེན་པོ་དེ་དང་ལྷའི་བུ་དེ་མཐོང་ངོ་། །མཐོང་ནས་ཀྱང་དགའ་ཞིང་མགུ་སྟེ་ཁྱོད་སུ་ཞིག་ཅེས་དྲིས་སོ། །དེ་ན་རེ་བདག་ནི་སྐྱེད་མོས་ཚལ་དེར་བཅོམ་ལྡན་འདས་ཀྱིས་
D343.075.0140b05.01སྦྲུལ་གདུག་པ་བཏུལ་ཏེ་ཤི་ནས་སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་པ་ཡིན་ཏེ། བཅོམ་ལྡན་འདས་ལ་ཡང་བདག་གིས་བསྙེན་བཀུར་བྱས་ནས་བདེན་པ་མཐོང་བར་གྱུར་ཏོ། །ད་བདག་གིས་ཁྱོད་ལ་བསྟན་གྱིས་ཁྱོད་སོང་ལ་སྐྱེད་མོས་ཚལ་དེའི་ཕྱོགས་ག་གེ་མོ་ཞིག་ནས་གཏེར་ཆེན་
D343.075.0140b06.01པོ་ཕྱུང་ལ་བདག་གི་ཕྱིར། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་བཤོས་གསོལ་ཏེ་ཡོན་གྱི་རབས་ཀྱང་གདོན་པར་གསོལ་ཅིག །དེ་ནས་རྒྱལ་པོ་གཟུགས་ཅན་སྙིང་པོས་ལྷའི་བུ་ལ་ཅང་མི་ཟེར་བར་ཁས་བླངས་སོ། །དེ་ནས་སྔོན་སྦྲུལ་གདུག་པར་གྱུར་པའི་ལྷའི་བུས་རྒྱལ་
D343.075.0140b07.01