完整藏文原文 · 德格版页 当前仅加载第 75 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱེས་ཆེ་བ། སྣ་མཐོ་བ། སྣ་ལེགས་པ། སྨིན་མ་སྟུག་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་ནས་དེ་བཙས་པའི་བཙས་སྟོན་བྱས་ནས་ཁྱེའུ་འདིའི་མིང་ཇི་སྐད་གདགས་ཞེས་མིང་འདོགས་པར་བྱེད་དེ་ཉེ་དུ་རྣམས་ན་རེ་འདིའི་ཡབ་ཡུལ་ཀ་ཤིའི་
D343.075.0202a01.01རྒྱལ་པོ་ཡིན་ལ། འདི་ཡང་གཟུགས་བཟང་ཞིང་བལྟ་ན་སྡུག་ལ་མཛེས་པས་ན། དེའི་ཕྱིར་ཁྱེའུ་འདིའི་མིང་ཀ་ཤི་མཛེས་ལྡན་ཞེས་གདགས་སོ་ཞེས་ཟེར་རོ། །དེ་ནས་ཁྱེའུ་ཀ་ཤི་མཛེས་ལྡན་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཁྲུ་བའི་མ་མ་གཉིས་དང་།
D343.075.0202a02.01རྩེ་བའི་མ་མ་གཉིས་ཏེ། མ་མ་བརྒྱད་ལ་གཏད་ནས། དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་ཉིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་བཟང་ངོ་ཅོག་གིས་བསྐྱེད་བསྲིངས་ཏེ། མཚོའི་ནང་གི་པད་མ་བཞིན་དུ་སྐྱེ་དྲག་པར་གྱུར་ཏོ། །དེ་ནས་གང་
D343.075.0202a03.01གི་ཚེ་དེ་ཆེར་སྐྱེས་པ་དེའི་ཚེ་རྒྱལ་ཚབ་ཏུ་དབང་བསྐུར་ཏོ། །དེ་ནས་དེས་རྒྱལ་པོ་བྱེད་པ་ན། ཉེས་པ་དུ་མ་དང་ལྡན་ཞིང་གནོད་པ་དུ་མའི་རྩ་བ་ཡིན་པར་རིག་ནས་དྲང་སྲོང་རྣམས་ཀྱི་ནང་དུ་རབ་ཏུ་བྱུང་ངོ་། །དེ་ཡང་གངས་ཀྱི་སུལ་ཞིག་ན་གནས་ཏེ། འབྲས་བུ་དང་། རྩ་བ་དང་། ཆུས་
D343.075.0202a04.01འཚོ་ཞིང་{རི་དགས་,རི་དྭགས་}ཀྱི་གཡང་གཞི་དང་ཤིང་ཤུན་གྱོན་ལ་མེའི་སྦྱིན་སྲེག་བྱེད་དོ། །ཕྱིས་རེ་ཞིག་ན་འབྲས་བུ་དང་རྩ་བའི་ཕྱིར་རིའི་སུལ་ཞིག་ཏུ་སོང་བ་དང་། རེ་ཞིག་ན་དེར་མི་འམ་ཅིའི་བུ་མོ་ཞིག་གིས་དྲང་སྲོང་གཞོན་ནུ་དེ་མཐོང་ནས་ཆགས་པར་གྱུར་ཏེ། གར་བྱེད་ཅིང་གླུ་ལེན་ལ་རོལ་མོ་བྱེད་དོ། །
D343.075.0202a05.01བུད་མེད་ཀྱི་མཚན་མ་རྣམས་དང་། བུད་མེད་ཀྱི་རྟགས་རྣམས་དང་། བུད་མེད་ཀྱི་བརྡ་རྣམས་དང་། བུད་མེད་ཀྱི་རྩེད་མོ་རྣམས་ཀྱང་སྟོན་པར་བྱེད་དོ། །དེ་ནས་རེ་ཞིག་ན་དྲང་སྲོང་ཀ་ཤི་མཛེས་ལྡན་གྱིས་བུ་མོ་དེ་ལ་ཆོས་བཤད་དེ་ཆེ་ཞེ་ཁྱོད་རྒས་ཏེ། ཁྱོད་ཀྱི་ང་རོ་དང་པོ་ནི་སྙན་ཅིང་མཉེན་ལ་མཇུག་ནི་ར་ར་
D343.075.0202a06.01པོར་གྱུར་ཏོ་ཞེས་བྱས་སོ། །དེ་ནས་དེས་ཆོས་དེ་ལྟ་བུ་བསྟན་ཏེ། དེ་ཐོས་ནས་མི་འམ་ཅིའི་བུ་མོའི་བྱད་གཟུགས་ཀྱིས་རྒྱགས་པ་མེད་པར་གྱུར་ཏོ། །དེ་ནས་དེ་དད་པ་སྐྱེས་ནས་སྨོན་ལམ་བཏབ་པ། གང་གི་ཚེ་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་
D343.075.0202a07.01