完整藏文原文 · 德格版页 当前仅加载第 75 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་
D343.075.0013a01.01སྟི་བྱས། བླ་མར་བྱས། རི་མོ་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་
D343.075.0013a02.01བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་མཉན་དུ་ཡོད་པ་ན། རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་
D343.075.0013a03.01མཉན་དུ་ཡོད་པ་ན་དེད་དཔོན་ཆེན་པོ་ཞིག་རྒྱ་མཚོ་ཆེན་པོའི་ནང་དུ་གྲུ་བུབ་སྟེ། ཕྱིར་འོངས་ནས་དེས་ལན་གཉིས་ལན་གསུམ་གྱི་བར་དུ་ལྷ་ཐམས་ཅད་ལ་གསོལ་བ་བཏབ་སྟེ། རྒྱ་མཚོ་ཆེན་པོའི་ནང་དུ་ཞུགས་ན་འོན་ཀྱང་གྲུ་བུབ་སྟེ་ཕྱིར་འོངས་སོ། །དེ་ནས་དེ་མི་དགའ་བ་ཆེན་པོ་
D343.075.0013a04.01སྐྱེས་ནས་དེ་འདི་སྙམ་དུ་སེམས་ཏེ་བདག་གིས་ཐབས་གང་གིས་ནོར་བསྡུ་བར་བྱ་བའི་ཐབས་ཅི་ཡོད་སྙམ་མོ། །ཡང་དེ་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་འདི་ནི་ལྷ་ཐམས་ཅད་ལས་ཀྱང་ཆེས་ཁྱད་པར་དུ་འཕགས་ཏེ། བདག་ལ་ཕན་པ་དང་གཞན་ལ་ཕན་པ་ལ་ཞུགས་
D343.075.0013a05.01པ། ཐུགས་རྗེ་ཅན་བདག་ཉིད་ཆེན་པོ་ཆོས་ལ་གུས་པ། སྐྱེ་དགུ་ལ་མཉེས་གཤིན་པ་ཡིན་གྱིས། ད་ནི་བདག་གིས་འདི་ལ་བརྟེན་ཏེ་ཡང་རྒྱ་མཚོ་ཆེན་པོའི་ནང་དུ་ཞུགས་ལ་གྲུའི་དོན་ལེགས་པར་གྲུབ་སྟེ་ཕྱིར་འོངས་ནས། ནོར་ཕྱེད་ཀྱིས་འདི་ལ་མཆོད་པ་བྱའོ་སྙམ་མོ། །དེས་དེ་ལྟར་
D343.075.0013a06.01བརྩོན་འགྲུས་བྱས་ཏེ། ཡང་རྒྱ་མཚོ་ཆེན་པོའི་ནང་དུ་ཞུགས་པ་དང་སངས་རྒྱས་ཀྱི་མཐུས་རིན་པོ་ཆེའི་གླིང་དུ་ཕྱིན་ནས། རིན་པོ་ཆེ་ཆེན་པོ་བསྡུས་ཏེ་བདེ་བ་དང་ཉེ་ཞོ་མེད་པར་བདག་གི་ཁྱིམ་དུ་ཕྱིན་ཏོ། །དེ་ངལ་བསོ་ནས་སྣོད་བཟླུགས་ན། དེས་རིན་པོ་ཆེ་རྣམ་པ་སྣ་ཚོགས་མཐོང་ནས་ཆགས་པ་
D343.075.0013a07.01