完整藏文原文 · 德格版页 当前仅加载第 75 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་མཆོག་ཏུ་དགའ་ལ་སྐྱེལ་ཞིང་སྨྲ་བར་བྱེད་དོ། །ཕྱིས་རེ་ཞིག་ན་ག་ཞིག་གི་ཡུལ་ནས་དགེ་སློང་དགྲ་བཅོམ་པ་ཞིག་འོངས་སོ། །གཙུག་ལག་ཁང་གི་བདག་པོ་དེ་ཡང་ཕྱིར་མི་འོང་བ་ཡིན་ཏེ། དེས་སྤྱོད་ལམ་གྱི་སྒོ་ནས་དགྲ་བཅོམ་པ་ཡིན་པར་ཤེས་སོ། །དེ་ནས་དགའ་བ་སྐྱེས་ཏེ་ཕྱི་དེ་ཉིན་དགེ་
D343.075.0137b01.01སློང་གི་དགེ་འདུན་དང་བཅས་པར་ཆོ་ག་དང་ལྡན་པའི་ཁྲུས་དང་བཤོས་ལ་སྤྱན་དྲངས་སོ། །དགེ་སློང་གཞི་བ་དེ་ནི་དེ་ན་མེད་པ་ལས་རེ་ཞིག་ན་ཕྱི་དེ་ཉིན་ཆོ་ག་དང་ལྡན་པའི་ཁྲུས་ཀྱང་ཕུལ། བཤོས་ཀྱང་བཤམས་པ་ལས་དགེ་སློང་གཞི་བ་དེ་ཡང་འོངས་ཏེ། དེ་ཡང་ཆོ་ག་དང་ལྡན་པའི་ཁྲུས་སར་
D343.075.0137b02.01སོང་ནས། གཙུག་ལག་ཁང་གི་བདག་པོ་ཁྱེད་{རིངས་སུ་,རིང་དུ་}བྱུང་སྟེ། དགེ་སློང་གསར་དུ་འོངས་པའི་བྱི་དོར་བྱེད་ཅིང་འདུག་པ་མཐོང་ངོ་། །དེ་ནས་དེ་ཕྲག་དོག་སྐྱེས་ནས། དེས་སྡང་བའི་སེམས་ཀྱིས་ངག་གི་ལས་རྩུབ་པོ་སྨྲས་ཏེ། དགེ་སློང་ཁྱེད་ནི་ལུས་མི་གཙང་བས་བྱུགས་ཀྱང་
D343.075.0137b03.01སླའི་སྦྱིན་བདག་འདི་ལྟ་བུ་བསྙེན་བཀུར་ལེན་པ་ནི་དེ་ལྟ་མ་ཡིན་ནོ་ཞེས་བྱས་སོ། །དེ་ནས་དགྲ་བཅོམ་པ་དེས་ཉོན་མོངས་པ་འདི་ལས་ཆེས་མི་བཟད་པའི་སྐལ་བ་ཅན་དུ་འགྱུར་ན་མི་རུང་ངོ་སྙམ་ནས་ཅང་མི་ཟེར་བར་དང་དུ་བླངས་སོ། །རེ་ཞིག་ན་ཚོགས་པར་གྱུར་ཏེ་དྲོ་ལ་བབ་པ་ན་དགེ་
D343.075.0137b04.01སློང་གཞི་བ་དེས་དགྲ་བཅོམ་པ་ལ་ཁྱོད་ཀྱིས་སྡང་བའི་སེམས་བསྐྱེད་དོ་ཞེས་ཟེར་བ་ཐོས་སོ། །ཐོས་ནས་ཀྱང་དེ་འགྱོད་པ་སྐྱེས་སོ། །དེ་ནས་དགེ་སློང་དགྲ་བཅོམ་པ་དེའི་རྐང་པ་ལ་ཕྱག་འཚལ་ཏེ། འཕགས་པ་བདག་གིས་ཁྱོད་ལ་ཚིག་རྩུབ་པོ་སྨྲས་པ་དེ་བཟོད་པར་གསོལ་ལོ་ཞེས་བྱས་སོ། །
D343.075.0137b05.01དེ་ནས་དགྲ་བཅོམ་པ་དེས་དེའི་དད་པ་བསྐྱེད་པའི་ཕྱིར་ནམ་མཁའ་ལ་འཕགས་ནས་ཆོ་འཕྲུལ་རྣམ་པ་སྣ་ཚོགས་བསྟན་ཏོ། །དེ་ནས་ལྷག་པར་ཡང་འགྱོད་པ་སྐྱེས་ཏེ། དེ་ནས་དེའི་མདུན་དུ་ལས་ཀྱི་ཉེས་པ་དེ་མཐོལ་ཞིང་བཤགས་ཏེ་ཤད་ཀྱིས་སྦྱངས་སོ། །འོན་ཀྱང་དེས་མཐར་ཐུག་པའི་
D343.075.0137b06.01ཡེ་ཤེས་བསྐྱེད་ནི་མ་ནུས་སོ། །དེ་ནས་རེ་ཞིག་ན་འཆི་བའི་དུས་ལ་བབ་པ་དང་དེས་སྨོན་ལམ་བཏབ་པ། བདག་གིས་དགྲ་བཅོམ་པ་ལ་སྡང་བའི་སེམས་བསྐྱེད་པ་དང་། ངག་གི་ལས་རྩུབ་པོ་སྨྲས་པ་གང་ཡིན་པའི་ལས་དེའི་རྣམ་པར་སྨིན་པ་ནི་བདག་གིས་མྱོང་བར་མ་གྱུར་ཅིག །
D343.075.0137b07.01