完整藏文原文 · 德格版页 当前仅加载第 75 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
རང་སངས་རྒྱས་སྡུག་ཅིང་ཕོངས་པ་རྣམས་ལ་སྙིང་བརྩེ་བ་བས་མཐའི་གནས་མལ་གྱིས་འཚོ་བ། འཇིག་རྟེན་གྱི་ཡོན་གནས་གཅིག་པུ་རྣམས་འཇིག་རྟེན་དུ་བྱུང་སྟེ། རེ་ཞིག་ན་རང་སངས་རྒྱས་ཤིག་སྤྲང་པོ་དེའི་མདུན་དུ་འོངས་སོ། །དེ་ནས་སྤྲང་པོ་དེས་རང་
D343.075.0246b01.01སངས་རྒྱས་སྤྱོད་ལམ་ཞི་བ་དེ་མཐོང་ནས་དགའ་བ་ཆེན་པོ་སྐྱེས་ཏེ། དེ་དགའ་བ་ཆེན་པོས་རང་གི་སྡུག་བསྔལ་དང་བསྔོས་ཏེ་རང་སངས་རྒྱས་ལ་ཁུར་བ་དེ་ཕུལ་ལོ། །དེ་ནས་རང་སངས་རྒྱས་དེས་དེའི་དགའ་བ་རྒྱ་ཆེན་པོ་བསྐྱེད་པའི་ཕྱིར། ངང་པའི་རྒྱལ་པོ་འདབ་
D343.075.0246b02.01མ་བརྐྱང་བ་བཞིན་དུ་ནམ་མཁའ་ལ་མངོན་པར་འཕགས་ནས། ཆོ་འཕྲུལ་རྣམ་པ་སྣ་ཚོགས་བསྟན་ཏོ། །དེ་ནས་སྤྲང་པོ་དེས་ལྷ་དང་མི་དད་པར་བྱེད་པའི་ཆོ་འཕྲུལ་ཤིན་དུ་རྨད་དུ་བྱུང་བ་དེ་མཐོང་ནས་སྡོང་པོ་རྩ་བ་ནས་བཅད་པ་བཞིན་དུ་རྐང་པ་ལ་ཕྱག་འཚལ་ཏེ་སྨོན་ལམ་བཏབ་པ།
D343.075.0246b03.01བདག་གིས་ཡོན་གནས་བརྟུལ་ཞུགས་གྲུབ་པ་ལ་ཕུལ་བའི་དགེ་བའི་རྩ་བ་དང་། སེམས་བསྐྱེད་པ་དང་། སྦྱིན་པར་བྱ་བའི་ཆོས་ཡོངས་སུ་གཏོང་བ་འདིས་ན་བདག་གང་དང་གང་དུ་སྐྱེས་པ་དེ་དང་དེར་རིགས་མཐོན་པོར་སྐྱེ་བ་དང་། འདི་ལྟ་བུའི་ཆོས་དག་ཐོབ་
D343.075.0246b04.01པར་གྱུར་ཅིག །འདི་བས་ཀྱང་ཆེས་ཁྱད་པར་དུ་འཕགས་པའི་སྟོན་པ་དག་མཉེས་པར་བྱེད་པར་གྱུར་ཅིག །མི་མཉེས་པར་བྱེད་པར་མ་གྱུར་ཅིག་ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་
D343.075.0246b05.01སྤྲང་པོར་གྱུར་པ་གང་ཡིན་པ་དེ་ནི་བཟང་ལྡན་འདི་ཡིན་ཏེ། དེས་རང་སངས་རྒྱས་ལ་ཁུར་བ་ཕུལ་བའི་ལས་དེའི་རྣམ་པར་སྨིན་པས་ནི་ཤཱཀྱའི་རིགས་ཕྱུག་པོར་སྐྱེས་སོ། །གཞན་ཡང་སངས་རྒྱས་འོད་སྲུང་གི་རིང་ལ་རབ་ཏུ་བྱུང་སྟེ། དེས་དེར་ལོ་ཁྲིའི་བར་དུ་ཚངས་
D343.075.0246b06.01པར་སྤྱོད་པའི་གནས་བསྲུངས་པ་དེས་ནི་ད་ལྟར་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་
D343.075.0246b07.01