完整藏文原文 · 德格版页 当前仅加载第 75 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཁང་བུར་ཞུགས་ནས། ལག་པ་ལ་རྐོམ་ཚུགས་བཅས་ཏེ་བསམས་པ་གལ་ཏེ་གཅིག་ལ་བྱིན་ན་ནི་གཞན་རྣམས་བདག་གི་དགྲར་འགྱུར་རོ་སྙམ་ནས་སེམས་ཁོང་དུ་ཆུད་ཅིང་འདུག་གོ། །དེ་ནས་བུ་མོ་དེས་ཕ་ལ་གསོལ་པ་ཡབ་ཅིའི་སླད་དུ་ཐུགས་ངན་མཛད། དེ་ནས་དེས་ཇི་ལྟར་གྱུར་པ་
D343.075.0206b01.01ཐམས་ཅད་བསྙད་དོ། །དེ་ནས་བུ་མོས་སྨྲས་པ། ཡབ་བདག་ནི་འདོད་པ་རྣམས་ལ་དོན་དུ་གཉེར་བ་མ་ལགས་ཏེ། བཅོམ་ལྡན་འདས་ཀྱི་བསྟན་པ་རབ་ཏུ་འབྱུང་བར་འཚལ་ལོ། །དེ་ནས་ཡང་རེ་ཞིག་ན་ཁྱིམ་བདག་མགོན་མེད་ཟས་སྦྱིན་གྱི་བུ་ཐ་{ཆུངས་,ཆུང་}རབ་སྡུག་ཅེས་བྱ་བ་དེས་ཕ་ལ་གསོལ་པ།
D343.075.0206b02.01བདག་གི་མཆིས་བྲང་དུ་བུ་མོ་དེ་བསླང་བར་གསོལ་ཞེས་བྱས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཚོང་དཔོན་རྒྱལ་བ་ལ་ཕོ་ཉ་བཏང་སྟེ། བུ་མོ་མུ་ཏིག་བདག་གི་བུ་ལ་བྱིན་ཅིག །དེ་ལྟར་བྱས་པ་དང་གཉེན་དུ་ཡང་འགྱུར་ལ་ཇི་སྲིད་འཚོའི་བར་དུ་ཡང་མཛའ་བོར་འགྱུར་རོ་ཞེས་
D343.075.0206b03.01བྱས་སོ། །དེ་ནས་ཁྱིམ་བདག་རྒྱལ་གྱིས་བདག་གི་བུ་མོ་ལ་དོན་དེ་བསྙད་དོ། །དེས་སྨྲས་པ་གལ་ཏེ་ཤེད་བྱེ་སྟེ་ཆེར་སྐྱེས་པ་ན་བདག་དང་ལྷན་ཅིག་ཏུ་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་བར་དམ་བཅས་ན་ནི་བདག་གི་ཁྱིམ་ཐབ་ཏུ་བགྱིའོ་ཞེས་བྱས་སོ། །དེ་ནས་དེས་དེ་ལྟར་བྱས་
D343.075.0206b04.01ནས་རེ་ཞིག་ན་སྐབས་ཞིག་ཏུ་གཉི་ག་ཁྱིམ་ནས་བྱུང་སྟེ་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ངོ་། །དེ་ནས་དེ་ཉིད་ཀྱིས་བརྩོན་པ་དང་བསྒྲུབ་པ་དང་འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་གཡོ་ཞིང་མི་བརྟན་པར་རིག་ནས། འདུ་བྱེད་ཀྱི་རྣམ་པ་ཐམས་ཅད་སྙིལ་བ་དང་།
D343.075.0206b05.01ལྟུང་བ་དང་རྣམ་པར་འཐོར་བ་དང་རྣམ་པར་འཇིག་པའི་ཆོས་ཅན་ཡིན་པར་རྩད་ཆོད་དེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བར་གྱུར་ནས། གསེར་དང་བོང་བར་མཉམ་པ། ནམ་མཁའ་དང་
D343.075.0206b06.01ལག་མཐིལ་དུ་འདྲ་བའི་སེམས་དང་ལྡན་པ། ཙན་དན་སྦངས་པ་ལྟ་བུར་བསིལ་བར་གྱུར་པ། རིག་པས་སྒོ་ངའི་སྦུབས་བཅོམ་པ། རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་པ། སྲིད་པའི་རྙེད་པ་དང་ཆགས་པ་དང་བཀུར་སྟི་ལ་མི་ལྟ་བ། དབང་པོ་དང་ཉེ་དབང་
D343.075.0206b07.01