完整藏文原文 · 德格版页 当前仅加载第 75 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བ་ཡང་མ་ཡིན་པའི་ཚོར་བ་མྱོང་བ་དེའི་ཚེ་དེའི་བདེ་བ་དང་། སྡུག་བསྔལ་གྱི་ཚོར་བ་གཉིས་འགག་པར་འགྱུར་ཏེ། དེའི་ཚེ་འཕགས་པ་ཉན་ཐོས་ཀྱིས་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ཉི་ཚེ་མྱོང་བར་འགྱུར་ལ། སྡུག་བསྔལ་ཡང་མ་ཡིན་
D343.075.0281a01.01བདེ་བ་ཡང་མ་ཡིན་པའི་ཚོར་བ་དེ་ཡང་མི་རྟག་པ་དང་། འགོག་པའི་ཆོས་ཅན་ཡིན་ནོ། །དེ་འདི་སྙམ་དུ་སེམས་ཏེ། ཚོར་བ་འདི་རྣམས་ཀྱི་གཞི་ནི་གང་ཡིན། སྐྱེད་པ་ནི་གང་ཡིན། རིགས་ནི་གང་ཡིན། འབྱུང་བར་བྱེད་པ་ནི་གང་ཡིན་ཞེ་ན། ཚོར་བ་འདི་རྣམས་ཀྱི་གཞི་ནི་རེག་
D343.075.0281a02.01པའོ། །སྐྱེད་པ་ནི་རེག་པའོ། །རིགས་ནི་རེག་པའོ། །འབྱུང་བར་བྱེད་པ་ནི་རེག་པ་སྟེ། རེག་པ་དེ་དང་དེ་སྐྱེས་ན་ཚོར་བ་དེ་དང་དེ་དག་སྐྱེ་བར་འགྱུར་ལ། རེག་པ་དེ་དང་དེ་དག་འགགས་ན་ཚོར་བ་དེ་དང་དེ་དག་འགག་པར་འགྱུར། ཉེ་བར་ཞི་བར་འགྱུར། བསིལ་བར་འགྱུར།
D343.075.0281a03.01མེད་པར་འགྱུར་རོ་སྙམ་ནས་དེས་བདེ་བའམ། སྡུག་བསྔལ་བའམ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་འགའ་ཞིག་མྱོང་ན་ཚོར་བ་དེ་དག་གི་སྐྱེ་བ་དང་། མེད་པར་འགྱུར་བ་དང་། ཉམས་པ་དང་། ཉེས་དམིགས་དང་། ངེས་པར་འགྱུར་བ་ཡང་དག་པ་
D343.075.0281a04.01ཇི་ལྟ་བ་བཞིན་དུ་རབ་ཏུ་ཤེས་སོ། །དེས་ཚོར་བ་དེ་དག་གི་སྐྱེ་བ་དང་། མེད་པར་འགྱུར་བ་དང་། ཉམས་པ་དང་། ཉེས་དམིགས་དང་། ངེས་པར་འབྱུང་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པས་ཚོར་བ་སྐྱེས་སོ་ཅོག་ལ་མི་རྟག་པར་རྗེས་སུ་ལྟ་བ་དང་། འཇིག་པར་རྗེས་
D343.075.0281a05.01སུ་ལྟ་བ་དང་། འགོག་པར་རྗེས་སུ་ལྟ་བ་དང་། སྤང་བར་རྗེས་སུ་ལྟ་བས་གནས་སོ། །དེ་ལུས་དང་དུས་མཉམ་པའི་ཚོར་བ་མྱོང་བ་ན་ལུས་དང་དུས་མཉམ་པའི་ཚོར་བ་མྱོང་ངོ་སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །སྲོག་དང་དུས་མཉམ་པའི་ཚོར་བ་མྱོང་བ་ན་སྲོག་
D343.075.0281a06.01དང་དུས་མཉམ་པའི་ཚོར་བ་མྱོང་ངོ་སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། སྲོག་གི་མཐར་ཐུག་ནས་ལུས་དང་བྲལ་བའི་འོག་ཏུ་དེའི་ཚོར་བ་ཐམས་ཅད་མ་ལུས་པར་འདི་ཉིད་དུ་འགག་པར་འགྱུར། མ་ལུས་པར་མེད་པ་དང་། ཡོངས་སུ་ཟད་པ་དང་གཏུགས་པར་
D343.075.0281a07.01