完整藏文原文 · 德格版页 当前仅加载第 75 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སྨིན་པས་བསྐལ་པ་གཅིག་གི་བར་དུ་སེམས་ཅན་དམྱལ་བ་ཆེན་པོ་མནར་མེད་པར་སྐྱེས་སོ། །རྒྱུ་དེ་ཁོ་ནས་ད་ལྟར་དགྲ་བཅོམ་པ་ཉིད་མངོན་སུམ་དུ་བྱས་ཀྱང་སྨྱུང་བར་གྱུར་ཏེ་ཐལ་བ་ཟོས་ནས་ཡོངས་སུ་མྱ་ངན་ལས་འདས་སོ། །དགེ་སློང་དག་འདེ་གུས་གསོས་ཀྱིས་ནི་ལས་གཞན་
D343.075.0266b01.01དག་ཀྱང་བྱས་ཤིང་བསགས་ཏེ། དགེ་སློང་དག་སྔོན་བྱུང་བ་འདས་པའི་དུས་ན་གྲོང་ཁྱེར་བཱ་རཱ་ཎ་སཱི་ན་བྲམ་ཟེ་ལྷ་ལ་རྟེན་པ་བཱ་རཱ་ཎ་སཱི་ན་གནས་པའི་བྲམ་ཟེ་དང་། ཁྱིམ་བདག་དང་། སྐྱེ་བོ་ཐམས་ཅད་ཀྱིས་ཀུན་དུ་བཀུར་སྟི་བྱ་བ་དང་། བླ་མར་བྱ་བ་དང་། རི་མོ་བྱ་བ་དང་། མཆོད་
D343.075.0266b02.01ཅིང་བཀུར་བ་ཞིག་ཡོད་དོ། །ཆོས་ཉིད་ཀྱིས་ན་སངས་རྒྱས་རྣམས་འཇིག་རྟེན་དུ་མི་འབྱུང་བའི་ཚེ་རང་སངས་རྒྱས་སྡུག་ཅིང་ཕོངས་པ་རྣམས་ལ་སྙིང་བརྩེ་བ་དང་། བས་མཐའི་གནས་མལ་གྱིས་འཚོ་བ། འཇིག་རྟེན་གྱི་ཡོན་གནས་གཅིག་པུ་རྣམས་འཇིག་རྟེན་དུ་འབྱུང་སྟེ། རེ་ཞིག་
D343.075.0266b03.01ན་རང་སངས་རྒྱས་གཅིག་ཅིག་བཱ་རཱ་ཎ་སཱི་ན་བསོད་སྙོམས་ལ་སོང་བ་དང་། དེ་དེར་ལག་པ་ཡང་བཀང་། ལྷུང་བཟེད་ཀྱང་བཀང་སྟེ་ཕྱིར་བྱུང་བ་བྲམ་ཟེ་དེས་མཐོང་ནས། དེ་སེར་སྣ་སྐྱེས་ཏེ་ལྷུང་བཟེད་བལྟས་ཚུར་ཁྱེར་ཤོག་ཅེས་བྱས་སོ། །ཉན་ཐོས་དང་རང་སངས་རྒྱས་རྣམས་ནི་མ་
D343.075.0266b04.01བསམས་པར་ཤེས་པ་མི་འཇུག་སྟེ་བཙུན་པ་དེས་བསྟན་ཏོ། །དེ་ནས་དེས་ས་ལ་ཕོ་ནས་རྐང་པས་བསྣུན་ཏོ། །དེ་ནས་རང་སངས་རྒྱས་དེ་སྨྱུང་བར་འདུག་ཀྱང་བྲམ་ཟེ་དེ་འགྱོད་པ་མ་སྐྱེས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་བྲམ་ཟེར་གྱུར་པ་གང་ཡིན་པ་དེ་
D343.075.0266b05.01ནི་འདེ་གུས་གསོས་འདི་ཡིན་ནོ། །གཞན་ཡང་བཅོམ་ལྡན་འདས་འོད་སྲུང་གི་རིང་ལ་རབ་ཏུ་བྱུང་སྟེ། དེས་དེར་ཚངས་པར་སྤྱོད་པའི་གནས་བསྲུངས་པ་དེས་ན་ད་ལྟར་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་
D343.075.0266b06.01པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་དཀར་བར་འགྱུར་རོ། །ལས་འདྲེན་མ་རྣམས་ནི་རྣམ་པར་སྨིན་པ་ཡང་འདྲེན་མར་འགྱུར་རོ། །དགེ་སློང་དག་དེ་བས་ན་ལས་གཅིག་ཏུ་ངེས་
D343.075.0266b07.01