完整藏文原文 · 德格版页 当前仅加载第 75 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་ཆགས་དང་བྲལ་བར་གྱུར་ནས་གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་འདྲ་བའི་སེམས་དང་ལྡན་པ། ཙན་དན་སྦངས་པ་ལྟ་བུར་བསིལ་བར་གྱུར་པ། རིག་པས་སྒོ་ངའི་སྦུབས་བཅོམ་པ། རིག་པ་དང་མངོན་པར་ཤེས་པ་དང་། སོ་སོ་ཡང་
D343.075.0221a01.01དག་པར་རིག་པ་ཐོབ་པ། སྲིད་པའི་རྙེད་པ་དང་། ཆགས་པ་དང་། བཀུར་སྟི་ལ་མི་ལྟ་བ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་ཅིང་རྗེད་པ་དང་གུས་པར་སྨྲ་བའི་གནས་སུ་གྱུར་ཏོ། །དེ་ཡང་དབང་པོ་རྣོན་པོ་ཞིག་སྟེ། གང་གི་ཚེ་ཕྱག་དར་ཁྲོད་ཀྱི་གོས་
D343.075.0221a02.01འདྲུབ་པ་དེའི་ཚེ་ཁབ་ལན་རེ་འཛུགས་པ་ལ་རྣམ་པར་ཐར་པ་བརྒྱད་ལ་སྙོམས་པར་འཇུག་ཅིང་ལྡང་བར་བྱེད་དོ། །དེ་ནས་ཕྱིས་རེ་ཞིག་ན་གནས་བརྟན་མ་འགགས་པས་བསྒོ་བ། བུ་ཅིག་སོང་ལ་ཆུ་ཀླུང་ཁང་ལྡན་ནས་ཆུ་ལོང་ཤིག་ཅེས་བྱས་སོ། །དེ་ནས་དགེ་ཚུལ་པ་སྣ་མས་བུམ་པ་ཁྱེར་ཏེ་
D343.075.0221a03.01ཆུ་ཀླུང་ཁང་ལྡན་གྱི་འགྲམ་དུ་སོང་ངོ་། །དེ་ནས་ཁྲུས་བྱས་ཏེ་བུམ་པ་ཆུས་བཀང་ནས་ནམ་མཁའ་ལ་སོང་སྟེ་ཆེད་འགའ་ནི་བུམ་པ་སྔོན་དུ་བཏང་ལ་དགེ་ཚུལ་པ་སྣ་མ་ཕྱི་བཞིན་འོང་ངོ་། །ཆེད་འགའ་ནི་དགེ་ཚུལ་པ་སྣ་མ་སྔོན་དུ་འགྲོ་ལ་བུམ་པ་ཕྱི་བཞིན་འོང་ངོ་། །དེའི་ཚེ་བཅོམ་ལྡན་འདས་ནང་
D343.075.0221a04.01དུ་ཡང་དག་འཇོག་ལས་བཞེངས་ནས་འཁོར་བཞི་པོ་རྣམས་ལ་ཆོས་སྟོན་ཏེ། དེར་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་དགེ་ཚུལ་པ་དྲན་པ་དང་ལྡན་པ། དབང་པོ་ཤིན་ཏུ་མཉམ་པར་བཞག་པ། བུམ་པ་ཆུས་བཀང་སྟེ་འོང་བ་འདི་མཐོང་ངམ།
D343.075.0221a05.01འདོད་ཆགས་ཞེ་སྡང་རབ་སྤངས་ཤིང་། །མ་རིག་པ་དང་བྲལ་ནས་ནི། །ལུས་ཀྱི་ཐ་མ་འཛིན་བྱེད་པ། །དེ་ནི་ཆུ་ཆུན་རབ་ཏུ་མཛེས། །གང་གི་ཚེ་བཅོམ་ལྡན་འདས་ཀྱིས་དགེ་སློང་གི་དགེ་འདུན་གྱི་མདུན་དུ་དགེ་ཚུལ་པ་སྣ་མ་བསྟོད་ཅིང་བསྔགས་པ་དེའི་ཚེ་དགེ་སློང་དག་ཐེ་ཙོམ་སྐྱེས་ཏེ། ཐེ་ཙོམ་
D343.075.0221a06.01ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་སྣ་མ་འདིས་ལས་གང་དག་བགྱིས་ན་དེས་གཟུགས་བཟང་ཞིང་བལྟ་ན་སྡུག་ལ་མཛེས་པ་དང་། ལྷའི་སྣ་མའི་མེ་ཏོག་གི་རལ་ཆུད་འཚལ་བཞིན་དུ་སྐྱེས་ལ། དབང་པོ་རྣོ་བ་དང་དགྲ་བཅོམ་པ་ཉིད་མངོན་སུམ་དུ་བགྱིས་
D343.075.0221a07.01