完整藏文原文 · 德格版页 当前仅加载第 75 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དགེ་བསྙེན་གྱི་བསླབ་པའི་གཞི་ལྔ་དང་བྱང་ཆུབ་ཀྱི་ཕྱོགས་དང་འཐུན་པའི་ཆོས་སུམ་ཅུ་རྩ་བདུན་གསེར་གྱི་གླེགས་བམ་ལ་བྲིས་པ་ཞིག་རྙེད་དོ། །དེ་ནས་རྒྱལ་པོས་ཀླུ་དེ་ལ་བསྙེན་གནས་ཡན་ལག་བརྒྱད་དང་ལྡན་པ་ཞིག་བྲིས་ཏེ་བྱིན་ཏོ། །དྲང་སྲོང་སྨྲ་བ་ན་གནས་
D343.075.0164a01.01པའི་དྲང་སྲོང་ཁྲི་ཉིས་སྟོང་གིས་ཀྱང་བྱང་ཆུབ་ཀྱི་ཕྱོགས་དང་འཐུན་པའི་ཆོས་སུམ་ཅུ་རྩ་བདུན་མངོན་སུམ་དུ་བྱས་སོ། །ཀླུ་དེས་ཀྱང་བསྙེན་གནས་ཡན་ལག་བརྒྱད་དང་ལྡན་པ་བསྲུངས་ནས་ཐང་ལ་ཕྱུང་སྟེ་ལུས་བོར་ནས་དེ་ཁ་འཚོས་ཏེ་འདུག་གོ། །དེ་ནས་དེ་ཤི་སྟེ་གཡོག་འཁོར་ལྔ་བརྒྱ་
D343.075.0164a02.01དང་བཅས་ཏེ། སུམ་ཅུ་རྩ་གསུམ་པའི་ལྷ་ཡུལ་བཟང་པོར་སྐྱེས་སོ། །དགེ་སློང་དག་བསྙེན་གནས་ནི་དེ་ལས་བྱུང་སྟེ་མིང་ཡང་དེ་ལས་བཏགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་
D343.075.0164a03.01མངོན་པར་བསྟོད་དོ།། །།ངང་པ་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་།
D343.075.0164a04.01ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མིའམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་
D343.075.0164a05.01ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་
D343.075.0164a06.01བརྙེས་པ། ཉན་ཐོས་ཀྱི་དགེ་འདུན་དང་བཅས་པ་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་དུ་ཡོད་པ་ན་ཀོ་ས་ལའི་རྒྱལ་པོ་གསལ་རྒྱལ་རྒྱལ་པོ་བྱེད་དེ། དེའི་རིང་ལ་འབྱོར་པ་དང་། རྒྱས་
D343.075.0164a07.01