完整藏文原文 · 德格版页 当前仅加载第 75 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕན་པ་དང་གཞན་ལ་ཕན་པ་ལ་ཞུགས་པ། སྙིང་རྗེ་ཆེ་བ། བདག་ཉིད་ཆེ་བ། ཆོས་འདོད་པ་ཞིག་གོ། །དེ་ནས་དེ་འདི་སྙམ་དུ་སེམས་ཏེ། ལོངས་སྤྱོད་འདི་དག་ནི་ཆུ་ཟླ་ལྟ་བུའི་རང་བཞིན་ཅན་སྨིག་རྒྱུ་དང་འདྲ་བ། མི་རྟག་པ། མི་བརྟན་པ། ཐེར་ཟུག་པ་མ་
D343.075.0073a01.01ཡིན་པ། ཡིད་བརྟན་དུ་མི་རུང་བ། འགྱུར་བའི་ཆོས་ཅན། གནོད་པ་ཆེན་པོ་ལྔ་དང་ཐུན་མོང་དུ་འདུག་པ་ཡིན་གྱིས། བདག་གིས་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཆོ་ག་དང་ལྡན་པའི་ཁྲུས་གསོལ་ལ་ཞལ་ཟས་བཟང་པོས་ཚིམ་པར་བྱ་གོར་མ་
D343.075.0073a02.01ཆག་སྙམ་མོ། །དེ་ནས་དེས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཁྲུས་གསོལ་བ་དང་གདུགས་ཚོད་གསོལ་བར་སྤྱན་དྲངས་སོ། །དེ་ནས་དེ་ལ་ཕན་གདགས་པའི་ཕྱིར། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དགེ་སློང་གི་ཚོགས་ཀྱིས་ཞབས་
D343.075.0073a03.01འབྲིང་བྱས་ཏེ། དགེ་སློང་གི་དགེ་འདུན་གྱིས་མདུན་དུ་བདར་ནས་ཆོ་ག་དང་ལྡན་པའི་ཁྲུས་ལ་གཤེགས་སོ། །དེ་ནས་ཚོང་དཔོན་དེ་ཏིལ་མར་སྤོས་ཅན་ཁྱེར་ཏེ་བསྲོ་ཁང་དུ་སོང་ནས་བདག་ཉིད་ཀྱིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་བསྙེན་བཀུར་བྱས་སོ། །དེ་ནས་
D343.075.0073a04.01གང་གི་ཚེ་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ། ཁྲུས་གསོལ་ཟིན་པ་དེའི་ཚེ་ཁྱིམ་བདག་དེས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ། རང་གི་ལག་ནས་བཟའ་བ་དང་བཅའ་བ་གཙང་མ་བཟང་པོས་ཚིམ་པར་བྱས་ཏེ་ཅི་བཞེད་པ་བསྟབས་སོ། །
D343.075.0073a05.01རང་གི་ལག་ནས་བཟའ་བ་དང་བཅའ་བ་གཙང་མ་བཟང་པོ་རྣམ་གྲངས་དུ་མས་ཚིམ་པར་བྱས་ཏེ་ཅི་བཞེད་པ་བསྟབས་ནས། བཅོམ་ལྡན་འདས་བཤོས་གསོལ་ཟིན་ཏེ་བསྩང་སྡེར་ནི་གྱུ། ཕྱག་ནི་བཅབས་པར་རིག་ནས། སྟན་ཆེས་དམའ་བ་ཞིག་ཁྱེར་ཏེ་ཆོས་མཉན་པའི་ཕྱིར་བཅོམ་ལྡན་
D343.075.0073a06.01འདས་ཀྱི་སྤྱན་སྔར་འདུག་ནས་དེ་ལ་བཅོམ་ལྡན་འདས་ཀྱིས་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་སྟོད། ཡང་དག་པར་དགའ་བར་མཛད་དོ། །ཆོས་ཀྱི་གཏམ་རྣམ་གྲངས་དུ་མ་ཡང་དག་པར་བསྟན། ཡང་དག་པར་འཛིན་
D343.075.0073a07.01