完整藏文原文 · 德格版页 当前仅加载第 75 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབ་པ་ན། །འབྲས་བུ་ཉིད་དུ་སྨིན་པར་འགྱུར། །དགེ་སློང་དག་སྔོན་བྱུང་བ་འདས་པའི་དུས་ན་བསྐལ་པ་དགུ་བཅུ་རྩ་གཅིག་པ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་
D343.075.0072a01.01ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བྱའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་འཇིག་རྟེན་དུ་བྱུང་ངོ་། །དེ་ནས་ཡང་དག་པར་རྫོགས་པའི་
D343.075.0072a02.01སངས་རྒྱས་རྣམ་པར་གཟིགས་དེ། རྒྱལ་པོའི་ཕོ་བྲང་གཉེན་ལྡན་ཞེས་བྱ་བ་ན་རྟེན་ཅིང་བཞུགས་སོ། །དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་སྔ་དྲོ་ཤམ་ཐབས་དང་ཆོས་གོས་གསོལ་ཏེ་ལྷུང་བཟེད་བསྣམས་ནས་དགེ་སློང་གི་ཚོགས་ཀྱིས་ཞམ་རིང་བྱས་ཏེ།
D343.075.0072a03.01དགེ་སློང་གི་དགེ་འདུན་གྱིས་མདུན་དུ་བདར་ནས་རྒྱལ་པོའི་ཕོ་བྲང་གཉེན་ལྡན་དུ་བསོད་སྙོམས་ལ་གཤེགས་སོ། །དེད་དཔོན་ཞིག་ཀྱང་པད་མ་ཁྱེར་ཏེ་སྲང་དུ་ཞུགས་སོ། །དེ་ནས་དེས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་སྐུ་སྐྱེས་བུ་ཆེན་པོའི་མཚན་སུམ་ཅུ་
D343.075.0072a04.01རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ནས། མཐོང་མ་ཐག་ཏུ་པད་མ་དེ་བཅོམ་ལྡན་འདས་
D343.075.0072a05.01ཀྱི་སྟེང་དུ་བོར་ཏེ། བོར་མ་ཐག་ཏུ་པད་མ་དེ་བཅོམ་ལྡན་འདས་ཀྱི་སྟེང་དུ་ཤིང་རྟའི་འཕང་ལོ་ཙམ་དུ་གྱུར་ཏེ། བཅོམ་ལྡན་འདས་གཤེགས་ན་ནི་འགྲོ་ལ་གཞེས་ན་ནི་སྡོད་དོ། །དེ་ནས་རེ་ཞིག་ན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་དེད་དཔོན་དེ་རང་བྱང་
D343.075.0072a06.01ཆུབ་ཏུ་ལུང་བསྟན་ཏོ། །དེ་ནས་དགའ་ཞིང་མགུ་ལ་རབ་ཏུ་དགའ་ནས་རང་གི་ཁྱིམ་དུ་སོང་བ་དང་། དེའི་སྐབས་སུ་དེའི་ཆུང་མ་བུ་བཙའ་ཞིང་འདུག་སྟེ་སྐད་ངན་འདོན་ནས། དེས་བྲན་མོ་ལ་དེ་ཅི་ཞིག་ཅེས་དྲིས་སོ། །དེས་ཀྱང་དེ་བཞིན་དུ་བསྙད་དོ། །དེ་ནས་དེད་དཔོན་དེ་མི་དགའ་བར་
D343.075.0072a07.01